ਦਿੱਲੀ / ਹਰਿਆਣਾ

ਏ. ਆਈ. ਸਟਾਰਟਅੱਪਸ, ਸਮੱਗਰੀ ਅਤੇ ਡੇਟਾ ਵਿਸ਼ਲੇਸ਼ਣ ਨੂੰ ਇਕ ਨਵੀਂ ਦਿਸ਼ਾ ਦੇ ਰਿਹਾ ਹੈ: ਜਪਕੀਰਤ ਸਿੰਘ <br/>

ਡੀ. ਏ. ਵੀ. ਗਰਲਜ਼ ਕਾਲਜ ਵਿਖੇ ਕਰਵਾਏ ਗਏ ਐਕਸਟੈਂਸ਼ਨ ਲੈਕਚਰ ਦੌਰਾਨ ਮੁੱਖ ਬੁਲਾਰੇ ਵਜੋਂ ਪੁੱਜੇ ਜਪਕੀਰਤ ਸਿੰਘ ਦਾ ਸਨਮਾਨ ਕਰਦੇ ਹੋਏ ਕਾਰਜਕਾਰੀ ਪਿ੍ੰ. ਡਾ. ਸੁਰਿੰਦਰ ਕੌਰ ਤੇ ਹੋਰ | ਤਸਵੀਰ : ਨਿਮਰ <br/> 31-03-2026

ਯਮੁਨਾਨਗਰ, 30 ਮਾਰਚ (ਗੁਰਦਿਆਲ ਸਿੰਘ ਨਿਮਰ)-ਸਥਾਨਕ ਡੀ. ਏ. ਵੀ. ਗਰਲਜ਼ ਕਾਲਜ ਦੀ ਇੰਸਟੀਚਿਊਸ਼ਨ ਇਨੋਵੇਸ਼ਨ ਕੌਂਸਲ ਅਤੇ ਕੰਪਿਊਟਰ ਵਿਭਾਗ ਵਲੋਂ 'ਸਟਾਰਟਅੱਪ, ਸਮੱਗਰੀ ਅਤੇ ਡੇਟਾ 'ਚ ਏ. ਆਈ. ਦੀ ਵਰਤੋਂ' ਵਿਸ਼ੇ 'ਤੇ ਇਕ ਐਕਸਟੈਂਸ਼ਨ ਲੈਕਚਰ ਕਰਵਾਇਆ ਗਿਆ | ਇਸ ਮੌਕੇ ਬਿ੍ਟਿਸ਼ ਕੋਲੰਬੀਆ (ਬਰਨਬੀ) ਕੈਨੇਡਾ ਸਥਿਤ ਮਾਈਕ੍ਰੋਸਰਵ ਕੰਪਨੀ ਦੇ ਡਿਪਲਾਇਮੈਂਟ ਟੈਕਨੀਸ਼ੀਅਨ ਅਤੇ ਬੀ. ਸੀ. ਐਲ. ਏ. ਸੀ. ਕੰਪਨੀ ਦੇ ਕਲਾਊਡ ਇੰਜੀਨੀਅਰ ਜਪਕੀਰਤ ਸਿੰਘ ਨੇ ਮੁੱਖ ਬੁਲਾਰੇ ਵਜੋਂ ਹਾਜ਼ਰੀ ਲੁਆਈ | ਇਸ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕਾਲਜ ਦੇ ਕਾਰਜਕਾਰੀ ਪਿ੍ੰ. ਡਾ. ਸੁਰਿੰਦਰ ਕੌਰ ਅਤੇ ਆਈ. ਆਈ. ਸੀ. ਕਨਵੀਨਰ ਵਿਵੇਕ ਨੇ ਸਾਂਝੇ ਤੌਰ 'ਤੇ ਕੀਤੀ ਜਦਕਿ ਮਨਿਕਾ ਸੇਠੀ ਪ੍ਰੋਗਰਾਮ ਦੇ ਕਨਵੀਨਰ ਅਤੇ ਸੁਸ਼ਮਾ ਸ਼ਰਮਾ ਤੇ ਮਮਤਾ ਥਾਪਰ ਕੋਆਰਡੀਨੇਟਰ ਸਨ | ਇਸ ਮੌਕੇ ਜਪਕੀਰਤ ਸਿੰਘ ਨੇ ਵਿਦਿਆਰਥਣਾਂ ਨੂੰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ. ਆਈ.) ਦੇ ਆਧੁਨਿਕ ਅਤੇ ਵਿਵਹਾਰਕ ਉਪਯੋਗਾਂ ਤੋਂ ਜਾਣੂ ਕਰਵਾਉਂਦਿਆਂ ਦੱਸਿਆ ਕਿ ਅੱਜ ਦੇ ਡਿਜੀਟਲ ਯੁੱਗ 'ਚ ਏ. ਆਈ. ਸਟਾਰਟਅੱਪਸ ਲਈ ਇਕ ਮਜ਼ਬੂਤ ਨੀਂਹ ਬਣ ਗਿਆ ਹੈ, ਜੋ ਕਿ ਘੱਟ ਸਮੇਂ 'ਚ ਵਧੇਰੇ ਪ੍ਰਭਾਵਸ਼ਾਲੀ ਨਤੀਜੇ ਦੇਣ ਦੇ ਸਮਰੱਥ ਹੈ | ਉਨ੍ਹਾਂ ਇਹ ਵੀ ਦੱਸਿਆ ਕਿ ਏ. ਆਈ. ਟੂਲਸ ਦੀ ਵਰਤੋਂ ਦਿਲਚਸਪ ਡਿਜ਼ੀਟਲ ਸਮੱਗਰੀ ਬਣਾਉਣ ਅਤੇ ਸਹੀ ਫ਼ੈਸਲੇ ਲੈਣ ਲਈ ਵੱਡੇ ਡੇਟਾ ਦਾ ਵਿਸ਼ਲੇਸ਼ਣ ਕਰਨ ਲਈ ਕੀਤੀ ਜਾ ਸਕਦੀ ਹੈ | ਇਸ ਤੋਂ ਬਾਅਦ ਉਨ੍ਹਾਂ ਇਨ-ਵੀਡੀਓ ਪਲੇਟਫਾਰਮ ਦੀ ਵਰਤੋਂ ਕਰਦੇ ਹੋਏ ਪ੍ਰਭਾਵਸ਼ਾਲੀ ਪ੍ਰੋਂਪਟ ਲਿਖਣ ਦੀਆਂ ਤਕਨੀਕਾਂ ਸਾਂਝੀਆਂ ਕੀਤੀਆਂ ਅਤੇ ਨੋਟਬੁੱਕ ਐਲ. ਐਮ. ਅਤੇ ਫਿਗਮਾ ਵਰਗੇ ਆਧੁਨਿਕ ਸਾਧਨਾਂ ਦੀ ਵਰਤੋਂ ਨੂੰ ਵਿਵਹਾਰਕ ਉਦਾਹਰਣਾਂ ਨਾਲ ਸਮਝਾਇਆ, ਜਿਸ ਨਾਲ ਵਿਦਿਆਰਥਣਾਂ ਨੂੰ ਨਵੀਆਂ ਤਕਨਾਲੋਜੀਆਂ ਨੂੰ ਸਮਝਣ 'ਚ ਮਦਦ ਮਿਲੀ | ਇਸ ਮੌਕੇ ਵਿਦਿਆਰਥਣਾਂ ਨੇ ਏ. ਆਈ. ਨਾਲ ਸੰਬੰਧਿਤ ਵੱਖ-ਵੱਖ ਸਵਾਲ ਵੀ ਪੁੱਛੇ, ਜਿਨ੍ਹਾਂ ਦੇ ਜਪਕੀਰਤ ਸਿੰਘ ਨੇ ਬਹੁਤ ਸਰਲ, ਸਪੱਸ਼ਟ ਅਤੇ ਵਿਵਹਾਰਕ ਜਵਾਬ ਦਿੱਤੇ | ਇਸ ਪ੍ਰੋਗਰਾਮ ਨੂੰ ਸਫ਼ਲ ਬਣਾਉਣ 'ਚ ਮਮਤਾ ਥਾਪਰ, ਹਰਸ਼ ਸ਼ਰਮਾ, ਨੀਤੂ ਤਿਆਗੀ, ਲੀਨਾ, ਅਨੁਪਮ, ਸੋਨਲ ਅਤੇ ਰੀਆ ਨੇ ਭਰਪੂਰ ਸਹਿਯੋਗ ਦਿੱਤਾ |

ਪਿਛਲੀ ਖ਼ਬਰ ਨੌਜਵਾਨਾਂ ਨੂੰ ਨਸ਼ਿਆਂ ਵਰਗੀਆਂ ਬੁਰਾਈਆਂ ਤੋਂ ਦੂਰ ਰਹਿ ਕੇ ਖੇਡਾਂ ਨੂੰ ਅਪਣਾਉਣਾ ਚਾਹੀਦਾ ਹੈ - ਅਨਿਲ ਮਹਿਤਾ ਲੋਹਾਖੇੜਾ... ਅਗਲੀ ਖ਼ਬਰ 12ਵੀਂ ਜਮਾਤ ਵਿਚ ਟਾਪ ਕਰਨ ਵਾਲੇ ਹਰਸ਼ਦੀਪ ਦੇ ਪਰਿਵਾਰ ਨੂੰ ਇੱਕ ਲੱਖ ਰੁਪਏ ਦਾ ਚੈੱਕ ਭੇਟ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਏ. ਆਈ. ਸਟਾਰਟਅੱਪਸ, ਸਮੱਗਰੀ ਅਤੇ ਡੇਟਾ ਵਿਸ਼ਲੇਸ਼ਣ ਨੂੰ ਇਕ ਨਵੀਂ ਦਿਸ਼ਾ ਦੇ ਰਿਹਾ ਹੈ: ਜਪਕੀਰਤ ਸਿੰਘ <br/>

Subscribers Only Story

ਸੰਬੰਧਿਤ ਖ਼ਬਰਾਂ