20 ਸਾਲਾ ਪੰਜਾਬਣ ਦੀ ਦਰਦਨਾਕ ਹਾਦਸੇ ’ਚ ਮੌਤ

ਸਾਨ ਫਰਾਂਸਿਸਕੋ, 14 ਅਗਸਤ (ਐਸ ਅਸ਼ੋਕ ਭੌਰਾ)-ਸਾਂਤਾ ਕਰੂਜ਼ (ਕੈਲੀਫੋਰਨੀਆ) ਵਿਖੇ ਪੜ੍ਹਾਈ ਕਰ ਰਹੀ 20 ਸਾਲਾ ਪੰਜਾਬੀ ਵਿਦਿਆਰਥਣ ਐਲੀ ਸਿੰਘ ਦੀ ਇਥੋਂ ਦੇ ਚਰਚਿਤ ਸਟੀਮਰ ਲੇਨ ਨੇੜੇ ਵੈਸਟ ਕਲਿਫ ਡਰਾਇਵ ਤੋਂ ਇਕ ਕਾਰ ਸਮੇਤ ਚੱਟਾਨ ਤੋਂ ਹੇਠਾਂ ਸਮੁੰਦਰ ਵਿਚ ਜਾ ਡਿੱਗਣ ਨਾਲ ਮੌਤ ਹੋਣ ਦੀ ਖ਼ਬਰ ਹੈ। ਹਾਦਸੇ ਦੀ ਸੂਚਨਾ ਮਿਲਦਿਆਂ ਹੀ ਬਚਾਅ ਟੀਮਾਂ ਮੌਕੇ ’ਤੇ ਪਹੁੰਚੀਆਂ ਤੇ ਉਸ ਨੂੰ ਕਾਰ ’ਚੋਂ ਬਾਹਰ ਕੱਢ ਕੇ ਹਸਪਤਾਲ ਪਹੁੰਚਾਇਆ ਗਿਆ ਪਰ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ।