ਲੰਡਨ, 31 ਦਸੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਲੰਡਨ ਵਿਚ ਸਿੱਖ ਸੰਗਤਾਂ ਨੇ ਛੋਟੇ ਸਾਹਿਬਜਾਦਿਆਂ ਦੀ ਸ਼ਹਾਦਤ ਨੂੰ ਸਮਰਪਿਤ ਇੱਕ ਜਾਗਰੂਕਤਾ ਪੈਦਲ ਮਾਰਚ ਕੀਤਾ ਗਿਆ | ਇਹ ਯਾਤਰਾ ਵਾਕ ਫਾਰ ਸਾਹਿਬਜ਼ਾਦੇ ਤੇ ਹੋਰ ਸੰਗਠਨਾਂ ਵਲੋਂ ਸਾਂਝੇ ਤੌਰ 'ਤੇ ਕੱਢਿਆ ਗਿਆ¢ ਜਿਸਦੀ ਆਰੰਭਤਾ ਲੰਡਨ ਦੇ ਗੋਲਡਨ ਜੁਬਲੀ ਬਿ੍ਜ ਤੋਂ ਸਿਮਰਨ ਕਰਕੇ ਕਰਕੇ ਕੀਤੀ, ਉਪਰੰਤ ਪਰਮਪ੍ਰੀਤ ਸਿੰਘ ਨੇ ਇਸ ਕਾਰਜ ਦੇ ਮੰਤਵ ਬਾਰੇ ਜਾਣਕਾਰੀ ਦਿੰਦਿਆਂ ਛੋਟੇ ਸਾਹਿਬਜ਼ਾਦਿਆਂ ਦੀ ਸ਼ਹੀਦੀ ਬਾਰੇ ਵਿਚਾਰ ਪੇਸ਼ ਕੀਤੇ | ਗੋਲਡਨ ਜੁਬਲੀ ਲੰਡਨ, ਪਾਰਲੀਮੈਂਟ ਸਟ੍ਰੀਟ ਆਦਿ ਤੋਂ ਹੁੰਦੇ ਹੋਏ ਅਖੀਰ ਟਰਫਾਲਗਰ ਸੁਕੇਏਰ ਵਿਖੇ ਸਮਾਪਤ ਹੋਈ¢ ਇਸ ਯਾਤਰਾ ਵਿਚ 100 ਦੇ ਕਰੀਬ ਛੋਟੇ ਬੱਚੇ, ਬੱਚੀਆਂ, ਨੌਜਵਾਨਾਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ¢ ਗੁਰਮੀਤ ਸਿੰਘ, ਸਰਬਜੀਤ ਸਿੰਘ, ਬੀ.ਡੀ.ਸੀ. ਵਲੋਂ ਬਿੱਟੂ ਖੰਗੂੜਾ, ਤਰਨਜੀਤ ਸਿੰਘ ਤੋਂ ਇਲਾਵਾ ਭਾਈਚਾਰੇ ਦੇ ਆਗੂ ਸ਼ਾਮਿਲ ਹੋਏ ¢ ਆਰੰਭਤਾ ਦੀ ਅਰਦਾਸ 11 ਸਾਲਾ ਜਪਨਜੋਤ ਸਿੰਘ ਅਤੇ 13 ਸਾਲਾ ਕਰਮਨ ਸਿੰਘ ਨੇ ਕੀਤੀ ਜਦ ਕਿ ਸਮਾਪਤੀ ਦੀ ਅਰਦਾਸ ਗਿਆਨੀ ਨਿਰਮਲਜੀਤ ਸਿੰਘ ਨੇ ਕੀਤੀ ¢ ਉਨ੍ਹਾਂ ਆਈ ਸੰਗਤ ਦਾ ਧੰਨਵਾਦ ਕਰਦਿਆਂ ਪ੍ਰਬੰਧਕਾਂ ਦਾ ਧੰਨਵਾਦ ਕੀਤਾ ¢ ਲੰਗਰਾਂ ਤੋਂ ਇਲਾਵਾ ਛੋਟੇ ਬੱਚਿਆਂ ਨੂੰ ਤੋਹਫੇ ਦਿੱਤੇ ਗਏ ਤੇ ਉਨ੍ਹਾਂ ਨੇ ਸਾਹਿਬਜ਼ਾਦਿਆਂ ਦੇ ਜੀਵਨ ਤੋਂ ਸਿੱਖਣ ਦਾ ਪ੍ਰਣ ਲਿਆ |
