100 ਮੀਟਰ ਦੌੜ: ਗੁਰਿੰਦਰਵੀਰ ਸਿੰਘ ਦਾ ਸਫ਼ਰ ਸਮਾਪਤ

ਅ

ਅਜੀਤ ਡੈਸਕ 26-09-2026

ਨਾਗੋਆ, 25 ਸਤੰਬਰ (ਏਜੰਸੀ)-ਪੁਰਸ਼ਾਂ ਦੇ 100 ਮੀਟਰ ਮੁਕਾਬਲੇ ਵਿਚ ਕੌਮੀ ਰਿਕਾਰਡ ਧਾਰਕ ਗੁਰਿੰਦਰਵੀਰ ਸਿੰਘ ਅਤੇ ਅਨਿਮੇਸ਼ ਕੁਜੁਰ ਦੋਵੇਂ ਹੀ ਸੈਮੀਫਾਈਨਲ ਵਿਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਤੋਂ ਬਾਅਦ ਫਾਈਨਲ ਦੌਰ ਲਈ ਕੁਆਲੀਫਾਈ ਕਰਨ ਵਿਚ ਅਸਫ਼ਲ ਰਹੇ।ਗੁਰਿੰਦਰਵੀਰ ਸਿੰਘ ਸੈਮੀਫਾਈਨਲ ਹੀਟ ਨੰਬਰ 2 ਵਿਚ 5ਵੇਂ ਅਤੇ ਕੁੱਲ ਮਿਲਾ ਕੇ 11ਵੇਂ ਸਥਾਨ ’ਤੇ ਰਿਹਾ। ਉਸ ਨੇ 10.32 ਸਕਿੰਟ ਦਾ ਸਮਾਂ ਲਿਆ। ਉਹ ਆਪਣੇ ਸੀਜ਼ਨ ਦੇ ਸਰਬੋਤਮ ਸਮੇਂ (10.09 ਸਕਿੰਟ), ਜੋ ਕਿ ਰਾਸ਼ਟਰੀ ਰਿਕਾਰਡ ਵੀ ਹੈ, ਦੇ ਮੁਕਾਬਲੇ ਕਾਫ਼ੀ ਹੌਲੀ ਦੌੜਿਆ। ਕੁਜੁਰ, ਜਿਸ ਦਾ ਨਿੱਜੀ ਤੇ ਸੀਜ਼ਨ ਦਾ ਸਰਵੋਤਮ ਸਮਾਂ 10.14 ਸਕਿੰਟ ਹੈ, ਦਾ ਪ੍ਰਦਰਸ਼ਨ ਹੋਰ ਵੀ ਮਾੜਾ ਰਿਹਾ। ਉਸ ਨੇ 10.38 ਸਕਿੰਟ ਦਾ ਸਮਾਂ ਲਿਆ ਅਤੇ ਸੈਮੀਫਾਈਨਲ ਹੀਟ ਨੰਬਰ 3 ਵਿਚ 7ਵੇਂ ਸਥਾਨ ’ਤੇ ਰਿਹਾ, ਜਦਕਿ ਕੁੱਲ 24 ਦੌੜਾਕਾਂ ਵਿਚੋਂ ਉਹ ਸਮੁੱਚੇ ਤੌਰ ‘ਤੇ 18ਵੇਂ ਸਥਾਨ ‘ਤੇ ਰਿਹਾ।

ਪਿਛਲੀ ਖ਼ਬਰ ਸ਼ਾਟਪੁੱਟ : ਪੰਜਾਬ ਦੀ ਮਨਪ੍ਰੀਤ ਕੌਰ ਤਗਮਾ ਜਿੱਤਣ ਵਾਲੀ ਤੀਜੀ ਭਾਰਤੀ ਮਹਿਲਾ ਅਗਲੀ ਖ਼ਬਰ ਪੋਲ ਵਾਲਟ : ਬਾਰਾਨਿਕਾ ਏਲਾਂਗੋਵਨ ਤਗਮਾ ਜਿੱਤਣ ਵਾਲੀ ਪਹਿਲੀ ਭਾਰਤੀ