ਔਰਤਾਂ ਨੂੰ ਗਰਭ ਅਵਸਥਾ ਵਿਚ ਖ਼ੁਦ ਵੀ ਕੁਝ ਵਿਸ਼ੇਸ਼ ਧਿਆਨ ਰੱਖਣਾ ਚਾਹੀਦਾ :- ਗਰਭ ਅਵਸਥਾ ਵਿਚ ਜਿਸ ਚੀਜ਼ 'ਤੇ ਮਨ ਹੋਵੇ, ਉਸ ਨੂੰ ਮਾਰੋ ਨਹੀਂ ਸਗੋਂ ਖਾ ਕੇ ਆਪਣੀ ਇੱਛਾ ਨੂੰ ਤਿ੍ਪਤ ਕਰੋ | ਗਰਭ ਅਵਸਥਾ ਵਿਚ ਖਾਣ-ਪੀਣ 'ਤੇ ਕੋਈ ਪਾਬੰਦੀ ਨਾ ਰੱਖੋ |
ਗਰਭਵਤੀ ਔਰਤਾਂ ਨੂੰ ਸਰੀਰਕ ਬਦਲਾਅ ਲਈ ਮਾਨਸਿਕ ਰੂਪ ਨਾਲ ਤਿਆਰ ਰਹਿਣਾ ਚਾਹੀਦਾ ਹੈ | ਕਦੀ-ਕਦੀ ਤਣਾਅ ਮਹਿਸੂਸ ਕਰਨ 'ਤੇ ਮਨ ਨੂੰ ਉਥੋਂ ਹਟਾ ਕੇ ਆਪਣੀ ਰੁਚੀ ਅਨੁਸਾਰ ਖ਼ੁਦ ਨੂੰ ਰੁੱਝੇ ਹੋਏ ਰੱਖਣ ਦੀ ਕੋਸ਼ਿਸ਼ ਕਰੋ | ਚੰਗੀਆਂ ਪੁਸਤਕਾਂ ਪੜ੍ਹੋ ਤੇ ਕਢਾਈ-ਬੁਨਾਈ 'ਤੇ ਧਿਆਨ ਦਿਓ |
ਗਰਭ ਅਵਸਥਾ ਦਾ ਆਨੰਦ ਮਾਣਨਾ ਸਿੱਖੋ | ਜੇਕਰ ਤੁਸੀਂ ਛੁੱਟੀ 'ਤੇ ਹੋ ਤਾਂ ਆਪਣੀ ਪਸੰਦੀਦਾ ਥਾਵਾਂ 'ਤੇ ਜਾਓ ਅਤੇ 'ਵਿੰਡੋ ਸ਼ਾਪਿੰਗ' ਕਰਕੇ ਸਮਾਂ ਬਿਤਾਓ | ਬਾਅਦ ਵਿਚ ਤਾਂ ਤੁਹਾਡੇ ਜੀਵਨ ਦਾ ਸਵਰੂਪ ਹੀ ਬਦਲ ਜਾਵੇਗਾ |
ਇਸ ਕਾਲ ਵਿਚ ਢਿੱਲੋਂ ਹੋਣ 'ਤੇ ਕੋਈ ਵੀ ਦਵਾਈ ਆਪਣੀ ਇੱਛਾ ਨਾਲ ਨਾ ਖਾਓ | ਕਿਸੇ ਵੀ ਤਰ੍ਹਾਂ ਦੀ ਦਵਾਈ ਲੈਣ ਤੋਂ ਪਹਿਲਾਂ ਡਾਕਟਰ ਦੀ ਸਲਾਹ ਜ਼ਰੂਰ ਲਓ | ਗਰਭ ਅਵਸਥਾ ਦੌਰਾਨ ਔਰਤਾਂ ਦਾ ਵਜ਼ਨ 10-12 ਕਿੱਲੋ ਤੱਕ ਆਮ ਵਧ ਜਾਂਦਾ ਹੈ | ਜੇਕਰ ਵਜ਼ਨ ਜ਼ਿਆਦਾ ਵਧ ਰਿਹਾ ਹੋਵੇ ਜਾਂ ਘੱਟ ਰਿਹਾ ਹੋਵੇ ਤਾਂ ਡਾਕਟਰ ਨਾਲ ਸਲਾਹ ਕਰੋ |
ਗਰਭ ਅਵਸਥਾ ਵਿਚ ਆਪਣੀ ਰੁਟੀਨ ਜਾਂਚ ਨੂੰ ਨਜ਼ਰਅੰਦਾਜ਼ ਨਾ ਕਰੋ | ਰੁਟੀਨ ਜਾਂਚ ਦੌਰਾਨ ਕੁਝ ਸ਼ੱਕ ਹੋਣ 'ਤੇ ਡਾਕਟਰ ਨਾਲ ਤੇ ਬੇਝਿਜਕ ਹੋ ਕੇ ਪੁੱਛੋ ਅਤੇ ਮਨ ਨੂੰ ਸੰਤੁਸ਼ਟ ਕਰੋ | ਆਪਣੇ ਬਲੱਡ ਪ੍ਰੈੱਸ਼ਰ ਦੀ ਵੀ ਲਗਾਤਾਰ ਜਾਂਚ ਕਰਵਾਓ | ਹਾਈ ਬਲੱਡ ਪ੍ਰੈੱਸ਼ਰ ਜਾਂ ਘੱਟ ਬਲੱਡ ਪ੍ਰੈੱਸ਼ਰ ਰਹਿਣ 'ਤੇ ਵਿਸ਼ੇਸ਼ ਧਿਆਨ ਦਿਓ | ਡਾਕਟਰ ਦੀ ਸਲਾਹ ਅਨੁਸਾਰ ਆਪਣੇ ਭੋਜਨ 'ਤੇ ਪੂਰਾ ਧਿਆਨ ਦਿਓ | ਸਹੀ ਭੋਜਨ ਜ਼ਰੂਰ ਖਾਓ ਜਿਸ ਵਿਚ ਕੈਲਸ਼ੀਅਮ ਤੇ ਲੋਹ ਤੱਤ ਦੀ ਮਾਤਰਾ ਸਹੀ ਰੂਪ ਨਾਲ ਹੋਵੇ | ਜ਼ਿਆਦਾ ਭਾਰੇ ਭੋਜਨ ਨਾ ਖਾਓ | ਇਸ ਨਾਲ ਅਸੁਵਿਧਾ ਹੋ ਸਕਦੀ ਹੈ | ਡਾਕਟਰ ਤੋਂ ਪੁੱਛ ਕੇ ਹਲਕੀ-ਫੁਲਕੀ ਕਸਰਤ ਕਰੋ |
ਗਰਭ ਅਵਸਥਾ ਵਿਚ ਬੱਚਿਆਂ ਦੇ ਪਾਲਣ-ਪੋਸ਼ਣ ਸੰਬੰਧੀ ਅਤੇ ਆਪਣੇ ਅਤੇ ਬੱਚੇ ਦੀ ਸਿਹਤ ਸੰਬੰਧੀ ਪੁਸਤਕਾਂ ਪੜ੍ਹੋ | ਆਪਣੇ ਸੌਣ ਦੇ ਕਮਰੇ ਵਿਚ ਸਿਹਤਮੰਦ, ਸੁੰਦਰ, ਸੁਡੌਲ ਬੱਚੇ ਦਾ ਚਿੱਤਰ, ਪੋਸਟਰ ਆਦਿ ਲਗਾਓ | ਵਾਤਾਵਰਨ ਖੁਸ਼ ਬਣਾਈ ਰੱਖੋ ਅਤੇ ਖੁਸ਼ ਰਹੋ |
