ਭੁੱਚੋ ਮੰਡੀ, 12 ਜੂਨ (ਬਿੱਕਰ ਸਿੰਘ ਸਿੱਧੂ)-ਬੀਤੀ ਸ਼ਾਮ ਪੰਜ ਵਜੇ ਦੇ ਕਰੀਬ ਆਏ ਭਾਰੀ ਮੀਂਹ ਤੇ ਤੁਫ਼ਾਨ ਕਾਰਨ ਪਿੰਡ ਭੁੱਚੋ ਕਲਾਂ ਦੇ ਕਿਸਾਨ ਪਿ੍ਤਪਾਲ ਸਿੰਘ ਪੁੱਤਰ ਬਲਵੀਰ ਸਿੰਘ ਦੇ ਪਸ਼ੂਆਂ ਲਈ ਬਣਾਏ ਸ਼ੈਡ ਦੀ ਛੱਤ ਉੱਡ ਗਈ, ਜਿਸ ਦੌਰਾਨ ਸ਼ੈੱਡ ਦੇ ਅੰਦਰ ਕੰਮ ਕਰ ਰਹੀਆਂ ਤਿੰਨ ਅÏਰਤਾਂ ਤੇ ਖੁਦ ਕਿਸਾਨ ਜ਼ਖ਼ਮੀ ਹੋ ਗਏ | ਇਨ੍ਹਾਂ 'ਚੋਂ ਸੁਖਪ੍ਰੀਤ ਕੌਰ 35 ਵਾਸੀ ਸੇਮਾਂ ਦੇ ਉਪਰ ਪਿੱਲਰ ਡਿੱਗਣ ਕਾਰਨ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਈ, ਜਿਸ ਨੂੰ ਬਠਿੰਡਾ ਦੇ ਇਕ ਪ੍ਰਾਈਵੇਟ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ | ਜਿਥੇ ਉਸ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ | ਦੋ ਹੋਰ ਅÏਰਤਾਂ ਗੁਰਜੀਤ ਕੌਰ ਤੇ ਵੀਰਾਂ ਕੌਰ ਨੂੰ ਵੀ ਸੱਟਾਂ ਲੱਗੀਆਂ ਜਿਨ੍ਹਾਂ ਨੂੰ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਘਰ ਭੇਜ ਦਿੱਤਾ ਗਿਆ | ਇਹ ਸ਼ੈੱਡ ਕੁੱਝ ਦਿਨ ਪਹਿਲਾਂ ਬਣਾਇਆ ਗਿਆ ਸੀ ਤੇ ਇਹ ਔਰਤਾਂ ਸ਼ੈੱਡ ਵਿਚ ਫ਼ਰਸ਼ ਲਗਾਉਣ ਲਈ ਦਿਹਾੜੀ 'ਤੇ ਰੋੜੀ ਕੁੱਟਣ ਦਾ ਕੰਮ ਕਰ ਰਹੀਆਂ ਸਨ |
