ਫ਼ਿਰੋਜ਼ਪੁਰ, 22 ਮਈ (ਕੁਲਬੀਰ ਸਿੰਘ ਸੋਢੀ)-ਬੀਤੇ ਦਿਨ ਪੰਜਾਬ ਬੈਡਮਿੰਟਨ ਐਸੋਸੀਏਸ਼ਨ ਵਲੋਂ ਇਕ ਪੰਜਾਬ ਸਟੇਟ ਸਬ-ਜੂਨੀਅਰ ਰੈਂਕਿੰਗ ਟੂਰਨਾਮੈਂਟ ਦਾ ਆਯੋਜਨ ਜਲੰਧਰ ਵਿਖੇ ਕੀਤਾ ਗਿਆ | ਜਿਸ ਦੌਰਾਨ ਪੰਜਾਬ ਬੈਡਮਿੰਟਨ ਐਸੋਸੀਏਸ਼ਨ ਦੇ ਪ੍ਰਧਾਨ ਅੰਮਿ੍ਤਪਾਲ ਸਿੰਘ ਸੁਖਾਨੰਦ ਅਤੇ ਮੈਂਬਰਾਂ ਵਲੋਂ ''ਮਯੰਕ ਰਨਿੰਗ ਟਰਾਫੀ'' ਦਾ ਉਦਘਾਟਨ ਸਮਾਜ ਸੇਵੀ ਸੰਸਥਾ ਮਯੰਕ ਫਾਊਾਡੇਸ਼ਨ ਦੀ ਹਾਜ਼ਰੀ ਵਿਚ ਕੀਤਾ ਗਿਆ | ਪੰਜਾਬ ਬੈਡਮਿੰਟਨ ਐਸੋਸੀਏਸ਼ਨ ਦੇ ਆਨਰੇਰੀ ਸਕੱਤਰ ਰਿਤਿਨ ਖੰਨਾ ਨੇ ਕਿਹਾ ਕਿ ਇਹ ਰਨਿੰਗ ਟਰਾਫੀ ਨੌਜਵਾਨ ਬੈਡਮਿੰਟਨ ਖਿਡਾਰੀ ਮਯੰਕ ਸ਼ਰਮਾ ਦੀ ਯਾਦ ਵਿਚ ਸਥਾਪਿਤ ਕੀਤੀ ਗਈ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਵਿਸ਼ੇਸ਼ ਟਰਾਫੀ 'ਤੇ ਲਿਖਿਆ ਸੁਨੇਹਾ ਮਯੰਕ ਦੇ ਜੀਵਨ, ਬੈਡਮਿੰਟਨ ਪ੍ਰਤੀ ਉਸ ਦੇ ਜਨੂਨ ਅਤੇ ਸੜਕ ਸੁਰੱਖਿਆ, ਸਿੱਖਿਆ, ਵਾਤਾਵਰਣ ਅਤੇ ਖੇਡਾਂ ਦੇ ਖੇਤਰਾਂ ਵਿਚ ਮਯੰਕ ਫਾਊਾਡੇਸ਼ਨ ਵਲੋਂ ਕੀਤੇ ਜਾ ਰਹੇ ਪਰਉਪਕਾਰੀ ਕਾਰਜਾਂ ਨੂੰ ਉਜਾਗਰ ਕਰਦਾ ਹੈ | ਇਸ ਮੌਕੇ ਸਵਰਗੀ ਨੌਜਵਾਨ ਮਯੰਕ ਸ਼ਰਮਾ ਦੇ ਪਿਤਾ ਦੀਪਕ ਸ਼ਰਮਾ, ਮਯੰਕ ਫਾਊਾਡੇਸ਼ਨ ਦੇ ਮੈਂਬਰ, ਖਿਡਾਰੀ, ਕੋਚ ਅਤੇ ਪੰਜਾਬ ਭਰ ਤੋਂ ਕਈ ਪਤਵੰਤੇ ਮੌਜ਼ੂਦ ਸਨ |
