ਸੰਗਰੂਰ, 14 ਜੁਲਾਈ (ਧੀਰਜ ਪਸ਼ੌਰੀਆ) - ਸੀਮੈਂਟ, ਬਜਰੀ, ਰੇਤਾ ਆਦਿ ਦੇ ਵਧੇ ਰੇਟ ਨੂੰ ਲੈ ਕੇ ਜ਼ਿਲ੍ਹਾ ਸੰਗਰੂਰ ਇੰਟਰਨੈਸ਼ਨਲ ਟਾਇਲ ਐਸੋਸੀਏਸ਼ਨ ਨੇ ਇੰਟਰਲਾਕ ਟਾਇਲਾਂ ਦੇ ਸਰਕਾਰੀ ਰੇਟ ਵਿੱਚ ਵਾਧੇ ਦੀ ਮੰਗ ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਸੰਗਰੂਰ ਨੂੰ ਇੱਕ ਮੰਗ ਪੱਤਰ ਦਿੱਤਾ ਹੈ। ਮੰਗ ਪੱਤਰ ਵਿੱਚ ਕਿਹਾ ਗਿਆ ਹੈ ਕਿ ਇੰਟਰਲਾਕ ਟਾਇਲਾਂ ਬਣਾਉਣ ਲਈ ਵਰਤੇ ਜਾਂਦੇ ਮੈਟਰੀਅਲ ਦੇ ਰੇਟਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ ਜਿਸ ਕਾਰਨ ਮੁਨਾਸਬ ਰੇਟ ਨਾ ਮਿਲਣ ਕਾਰਨ ਇੰਟਰਨੈਸ਼ਨਲ ਟਾਇਲਾਂ ਬਣਾਉਣ ਵਾਲੀਆਂ ਫੈਕਟਰੀਆਂ ਲਗਾਤਾਰ ਬੰਦ ਹੋ ਰਹੀਆਂ ਹਨ। ਉਹਨਾਂ ਮੰਗ ਕੀਤੀ ਕਿ ਟਾਇਲ ਦਾ ਰੇਟ ਪ੍ਰਤੀ ਟੈਲ 14 ਰੁਪਏ (60 ਅਐਮ ਅਐਮ) ਕੀਤਾ ਜਾਵੇ ਤਾਂ ਜੋ ਬੱਚੀਆਂ ਖੁਚੀਆਂ ਫੈਕਟਰੀਆਂ ਕੰਮ ਕਰਦੀਆਂ ਰਹਿ ਜਾਣ।
