19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-11-2026

ਕ੍ਰਿਸ਼ਨ ਗੋਪ ਅਸ਼ਟਮੀ ਦਾ ਤਿਉਹਾਰ ਉਤਸ਼ਾਹ ਨਾਲ ਮਨਾਇਆ

ਮੋਗਾ, 18 ਨਵੰਬਰ (ਸੁਰਿੰਦਰਪਾਲ ਸਿੰਘ)-ਪਬਲਿਕ ਗਊਸ਼ਾਲਾ ਮੋਗਾ ਵਿਖੇ ਸੰਤ ਬਾਬਾ ਗੁਰਮੀਤ ਸਿੰਘ ਖੋਸਾ ਕੋਟਲਾ, ਪ੍ਰਦੀਪ ਸਿੰਘ ਬੱਧਨੀ ਕਲਾਂ ਅਤੇ ਮਲਕੀਤ ਦਾਸ ਸਿੱਖਾਂਵਾਲਾ ਬੀੜ ਫ਼ਰੀਦਕੋਟ ਦੇ ਸਹਿਯੋਗ ਸਦਕਾ ਕ੍ਰਿਸ਼ਨ ਗੋਪ ਅਸ਼ਟਮੀ ਦਾ ਤਿਉਹਾਰ ਮਨਾਇਆ ਗਿਆ। ਸਵੇਰੇ 8 ਵਜੇ ਬਲਰਾਮ ਸ਼ਰਮਾ (ਗਊ ਰਕਸ਼ਾ ਦਲ ਪੰਜਾਬ) ਦੁਆਰਾ ਜੋਤੀ ਪ੍ਰਚੰਡ ਦੀ ਰਸਮ ਕੀਤੀ ਗਈ।

ਪਬਲਿਕ ਗਊਸ਼ਾਲਾ ਮੋਗਾ ਵਿਖੇ ਕ੍ਰਿਸ਼ਨ ਗੋਪ ਅਸ਼ਟਮੀ ਦੇ ਤਿਉਹਾਰ ਮੌਕੇ ਪੂਜਾ ਕਰਦੇ ਅਹੁਦੇਦਾਰ। ਅਜੀਤ ਤਸਵੀਰ 19-11-2026
ਮੋਗਾ, 18 ਨਵੰਬਰ (ਸੁਰਿੰਦਰਪਾਲ ਸਿੰਘ)-ਪਬਲਿਕ ਗਊਸ਼ਾਲਾ ਮੋਗਾ ਵਿਖੇ ਸੰਤ ਬਾਬਾ ਗੁਰਮੀਤ ਸਿੰਘ ਖੋਸਾ ਕੋਟਲਾ, ਪ੍ਰਦੀਪ ਸਿੰਘ ਬੱਧਨੀ ਕਲਾਂ ਅਤੇ ਮਲਕੀਤ ਦਾਸ ਸਿੱਖਾਂਵਾਲਾ ਬੀੜ ਫ਼ਰੀਦਕੋਟ ਦੇ ਸਹਿਯੋਗ ਸਦਕਾ ਕ੍ਰਿਸ਼ਨ ਗੋਪ ਅਸ਼ਟਮੀ ਦਾ ਤਿਉਹਾਰ ਮਨਾਇਆ ਗਿਆ। ਸਵੇਰੇ 8 ਵਜੇ ਬਲਰਾਮ ਸ਼ਰਮਾ (ਗਊ ਰਕਸ਼ਾ ਦਲ ਪੰਜਾਬ) ਦੁਆਰਾ ਜੋਤੀ ਪ੍ਰਚੰਡ ਦੀ ਰਸਮ ਕੀਤੀ ਗਈ। ਇਸ ਤੋਂ ਬਾਅਦ ਝੰਡਾ ਪੂਜਾ ਜੋਗਿੰਦਰਪਾਲ ਸ਼ਰਮਾ ਸਟੇਟ ਮੈਂਬਰ ਬ੍ਰਾਹਮਣ ਭਲਾਈ ਬੋਰਡ ਪੰਜਾਬ ਸਰਕਾਰ ਦੁਆਰਾ ਕੀਤੀ ਗਈ। ਸਨਾਤਨ ਧਰਮ ਹਰੀ ਮੰਦਰ ਮੋਗਾ ਦੇ ਪੰਡਤ ਪਵਨ ਦੇਵ ਨੇ 5 ਹਵਨ ਕੁੰਡਾਂ ਵਿਚ ਯੱਗ ਪੂਰਾ ਕਰ ਕੇ ਮਾਤਾ ਗਊ ਦੇ ਧਾਰਮਿਕ ਗੁਣਾਂ ‘ਤੇ ਚਾਨਣਾ ਪਾਇਆ। ਇਹ ਤਿਉਹਾਰ ਸਵੇਰੇ 10 ਵਜੇ ਤੋਂ ਗਊਸ਼ਾਲਾ ਵਿਚ ਗਊ ਕ੍ਰਿਪਾ ਤੱਕ ਜਾਰੀ ਰਿਹਾ। ਸਵੇਰ ਦੇ ਸਮਾਗਮ ਵਿਚ ਬ੍ਰਾਹਮਣ ਸਭਾ ਮੋਗਾ ਦੇ ਪ੍ਰਧਾਨ ਪ੍ਰਦੀਪ ਭਾਰਤੀ ਆਪਣੇ ਮੈਂਬਰਾਂ ਰਵੀ ਸ਼ਰਮਾ, ਵਿਜੇ ਸ਼ਰਮਾ ਸਕੱਤਰ, ਪ੍ਰਵੀਨ ਗੋਗੀ, ਪੁਰਸ਼ੋਤਮ ਲਾਲ ਸ਼ਰਮਾ ਦੇ ਨਾਲ ਆਏ। ਸਾਰਿਆਂ ਨੇ ਗਊ ਪੂਜਾ ਅਤੇ ਹਵਨ ਵਿਚ ਹਿੱਸਾ ਲਿਆ। ਭਾਰਤੀ ਨੇ ਕਿਹਾ ਕਿ 400 ਗਾਵਾਂ ਲਈ ਕਾਫ਼ੀ ਜਗ੍ਹਾ ਨਹੀਂ ਹੈ। ਉਪਰੰਤ ਕਨਵੀਨਰ ਇੰਦਰਾ ਸੂਦ ਨੇ ਕਿਹਾ ਕਿ ਜਗ੍ਹਾ ਦੀ ਘਾਟ ਕਾਰਨ ਪਸ਼ੂਆਂ ਲਈ ਬਹੁਤ ਸਾਰੀਆਂ ਚੁਣੌਤੀਆਂ ਪੈਦਾ ਹੁੰਦੀਆਂ ਹਨ, ਅਸੀਂ ਅਜਿਹੀਆਂ ਸਮੱਸਿਆਵਾਂ ਦੇ ਸਹੀ ਹੱਲ ਲਈ ਸੰਤ ਬਾਬਾ ਮਹੇਸ਼ ਮੁਨੀ ਬੋਰ ਵਾਲੇ ਦਾ ਆਸ਼ੀਰਵਾਦ ਮੰਗਦੇ ਹਾਂ। ਅੱਜ ਦੇ ਸਮਾਗਮ ਵਿਚ ਸੀਨੀਅਰ ਸਿਟੀਜ਼ਨ ਕੌਂਸਲ ਦੇ ਨਵ-ਨਿਯੁਕਤ ਪ੍ਰਧਾਨ, ਸੇਵਾ-ਮੁਕਤ ਕਰਮਚਾਰੀ ਮੋਗਾ, ਦਰਬਾਰ ਸਿੰਘ ਗਿੱਲ, ਸਾਬਕਾ ਪ੍ਰਿੰਸੀਪਲ ਡਾਈਟ ਸੁਖਚੈਨ ਸਿੰਘ ਹੀਰਾ, ਡਾ. ਹਰਪ੍ਰੀਤ ਸਿੰਘ ਮੁੱਖ ਖੇਤੀਬਾੜੀ ਅਫ਼ਸਰ ਨੇ ਵੀ ਸ਼ਿਰਕਤ ਕੀਤੀ। ਇਸ ਸਮਾਗਮ ਵਿਚ ਵੀ.ਪੀ. ਸੇਠੀ ਸਕੱਤਰ, ਪ੍ਰਦੀਪ ਕੁਮਾਰ ਕੈਸ਼ੀਅਰ, ਸੁਰਿੰਦਰ ਮੋਹਨ ਸ਼ਰਮਾ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ। ਪਵਿੱਤਰ ਤਿਉਹਾਰ ‘ਤੇ ਚੰਦਰ ਸ਼ੇਖਰ ਬਾਬਾ ਬਰਫ਼ਾਨੀ ਮੰਡਲ ਦਾ ਵਿਸ਼ੇਸ਼ ਸਹਿਯੋਗ ਦੇਖਣ ਨੂੰ ਮਿਲਿਆ। ਅੰਤ ਵਿਚ ਇੰਦਰਾ ਸੂਦ ਕਨਵੀਨਰ ਨੇ ਧਾਰਮਿਕ ਸਮਾਗਮ ਨੂੰ ਸਫਲਤਾ ਪੂਰਵਕ ਪੂਰਾ ਕਰਨ ਲਈ ਸਹਿ-ਪ੍ਰਬੰਧਕ ਦਮਨ ਸੂਦ, ਬਲਵਿੰਦਰ ਸਿੰਘ, ਸੁਰੇਸ਼ ਕੁਮਾਰ, ਸੁਰਿੰਦਰ ਅਰੋੜਾ, ਵਿਜੇ ਸ਼ਰਮਾ ਪੀ.ਆਰ.ਓ. ਅਤੇ ਪ੍ਰੇਮ ਦਾ ਧੰਨਵਾਦ ਕੀਤਾ।
ਪਿਛਲੀ ਖ਼ਬਰ ਬਾਘਾ ਪੁਰਾਣਾ ਨਗਰ ਕੌਂਸਲ ਦੀਆਂ ਚੋਣਾਂ ਲਈ ਕਾਂਗਰਸ ਪਾਰਟੀ ਕਰੇਗੀ ਸ਼ਾਨਦਾਰ ਜਿੱਤ-ਚੇਅਰਮੈਨ ਕਾਲੇਕੇ ਅਗਲੀ ਖ਼ਬਰ ਥ੍ਰੈਸ਼ਰ ਪੀੜਤਾਂ ਨੂੰ ਦਿੱਤੀ ਗਈ 12-12 ਹਜ਼ਾਰ ਰੁਪਏ ਦੀ ਆਰਥਿਕ ਸਹਾਇਤਾ-ਚੇਅਰਮੈਨ ਦੀਨਾ ਸਾਹਿਬ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।