ਨੱਥੂਵਾਲਾ ਗਰਬੀ, 15 ਜੁਲਾਈ (ਨਵਦੀਪ ਸਿੰਘ)-ਅੱਜ ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਵਲੋਂ ਪਿੰਡ ਡੇਮਰੂ ਕਲਾਂ ਵਿਖੇ ਪਿੰਡ ਇਕਾਈ ਦੀ ਚੋਣ ਕੀਤੀ। ਇਹ ਚੋਣ ਬਲਾਕ ਬਾਘਾ ਪੁਰਾਣਾ ਦੇ ਸਲਾਹਕਾਰ ਹਰਮੇਲ ਸਿੰਘ ਘਾਲੀ ਦੀ ਅਗਵਾਈ ਹੇਠ ਹੋਈ। ਜਿਸ ਵਿਚ ਪਿੰਡ ਵਾਸੀਆਂ ਨੇ ਵੱਡੀ ਗਿਣਤੀ ਵਿਚ ਹਿੱਸਾ ਲਿਆ। ਇਕਾਈ ਪ੍ਰਧਾਨ ਨੇ ਕਮੇਟੀ ਵਲੋਂ ਸੰਘਰਸ਼ਾਂ ਪਾਏ ਯੋਗਦਾਨ ਤੇ ਵਿਚਾਰ ਰੱਖੇ ਗਏ ਤੇ ਬਾਅਦ ਵਿਚ ਕਮੇਟੀ ਨੂੰ ਭੰਗ ਕਰਕੇ ਕਾਰਵਾਈ ਬਲਾਕ ਕਮੇਟੀ ਨੂੰ ਸੌਂਪੀ ਦਿੱਤੀ। ਬਲਾਕ ਆਗੂ ਨੇ ਆਪਣੇ ਵਿਚਾਰ ਰੱਖ ਕੇ ਪਿੰਡ ਇਕਾਈ ਦੀ ਚੋਣ ਸਰਬਸੰਮਤੀ ਨਾਲ ਕਰਵਾਈ। ਜਿਸ ਵਿਚ ਰਛਪਾਲ ਸਿੰਘ ਨੂੰ ਪ੍ਰਧਾਨ, ਮਿੱਠੂ ਸਿੰਘ ਮੀਤ ਪ੍ਰਧਾਨ, ਗੁਰਮੀਤ ਸਿੰਘ ਸਕੱਤਰ, ਪਿੰਦਰ ਸਿੰਘ ਮੀਤ ਸਕੱਤਰ, ਗੁਰਦੇਵ ਸਿੰਘ ਕੈਸ਼ੀਅਰ, ਸੁਖਦੇਵ ਸਿੰਘ ਸਲਾਹਕਾਰ, ਹਰਬੰਸ ਸਿੰਘ ਸਲਾਹਕਾਰ ਤੇ ਗੁਰਚਰਨ ਸਿੰਘ ਸਲਾਹਕਾਰ ਚੁਣੇ ਗਏ। ਇਸ ਤੋਂ ਇਲਾਵਾ ਕੁੱਢਾਂ ਸਿੰਘ ਤੇ ਅਜਮੇਰ ਸਿੰਘ ਡੇਮਰੂ ਖ਼ੁਰਦ ਵਿਸ਼ੇਸ਼ ਤੌਰ ‘ਤੇ ਸ਼ਾਮਲ ਹੋਏ। ਅਖੀਰ ਵਿਚ ਪ੍ਰਧਾਨ ਵਲੋਂ ਆਏ ਹੋਏ ਪਿੰਡ ਵਾਸੀਆਂ ਦਾ ਧੰਨਵਾਦ ਕੀਤਾ। ਸਟੇਜ ਸਕੱਤਰ ਦੀ ਜ਼ਿੰਮੇਵਾਰੀ ਗੁਰਮੀਤ ਸਿੰਘ ਵਲੋਂ ਨਿਭਾਈ।
