ਬਾਘਾ ਪੁਰਾਣਾ, 4 ਅਪ੍ਰੈਲ (ਟਿੰਕੂ ਕਾਠਪਾਲ)-ਪ੍ਰਾਚੀਨ ਸ੍ਰੀ ਸ਼ਿਵ ਸ਼ਨੀ ਮੰਦਰ ਮਾਲ ਸਾਹਿਬ ਬਾਘਾ ਪੁਰਾਣਾ ਵਿਖੇ ਬਾਬਾ ਸ੍ਰੀ ਭੈਰੋਂ ਨਾਥ ਦੀ ਮੂਰਤੀ ਦੀ ਵਿਧੀਵਤ ਸਥਾਪਨਾ ਧਾਰਮਿਕ ਰੀਤੀ-ਰਿਵਾਜਾਂ ਅਨੁਸਾਰ ਕੀਤੀ ਗਈ | ਇਸ ਪਵਿੱਤਰ ਸਮਾਗਮ ਦੌਰਾਨ ਇਲਾਕੇ ਭਰ ਤੋਂ ਵੱਡੀ ਗਿਣਤੀ ਵਿਚ ਭਗਤ ਜਨ ਮੌਜੂਦ ਰਹੇ ਜਿਨ੍ਹਾਂ ਨੇ ਬਾਬਾ ਜੀ ਦੇ ਦਰਸ਼ਨ ਕਰਕੇ ਆਸ਼ੀਰਵਾਦ ਪ੍ਰਾਪਤ ਕੀਤਾ ਅਤੇ ਭਗਤੀ ਭਾਵਨਾ ਨਾਲ ਸਮਾਗਮ ਵਿਚ ਭਾਗ ਲਿਆ | ਇਸ ਧਾਰਮਿਕ ਕਾਰਜ ਦੀ ਸੇਵਾ ਹੀਰਾ ਲਾਲ ਗਦਾਈਵਾਲ ਸਪੁੱਤਰ ਓਮ ਪ੍ਰਕਾਸ਼ ਗਦਾਈਵਾਲ ਵਲੋਂ ਨਿਭਾਈ ਗਈ | ਮੂਰਤੀ ਸਥਾਪਨਾ ਸਮਾਗਮ ਲਈ ਸ਼ਾਸਤਰੀ ਸੰਜੀਵ ਸ਼ਰਮਾ ਕਾਕੂ ਦੀ ਅਗਵਾਈ ਹੇਠ ਪੰਜ ਵਿਦਵਾਨ ਪੰਡਤਾਂ ਵਲੋਂ ਪੰਜ ਦਿਨ ਤੱਕ ਲਗਾਤਾਰ ਪੂਜਾ-ਪਾਠ, ਹਵਨ ਅਤੇ ਮੰਤਰ ਉਚਾਰਨ ਕੀਤਾ ਗਿਆ | ਮੂਰਤੀ ਸਥਾਪਨਾ ਦੀ ਰਸਮ ਪੂਰੀ ਹੋਣ ਉਪਰੰਤ ਵਿਸ਼ਾਲ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ | ਇਸ ਸਮਾਗਮ ਵਿਚ ਓਮ ਪ੍ਰਕਾਸ਼, ਹੀਰਾ ਲਾਲ, ਸੁਰਿੰਦਰ ਰਾਮ, ਪੁਖਰਾਜ ਰਾਜੂ, ਰੋਹਿਤ ਕੁਮਾਰ, ਗੋਬਿੰਦ ਕੁਮਾਰ, ਦੀਪਕ ਕੁਮਾਰ, ਮੰਦਰ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਰਾਜ ਕੁਮਾਰ ਗਰਗ, ਯੋਗੇਸ਼ ਬਾਂਸਲ ਯੋਗੀ, ਜਸਵੀਰ ਕੁਮਾਰ ਸ਼ੇਰੀ, ਪਵਨ ਖੁਰਾਣਾ, ਤਿਲਕ ਰਾਜ, ਸਤਿਨਾਰਾਇਣ ਸੈਨ, ਗਗਨ ਗੋਇਲ, ਲਵਪ੍ਰੀਤ ਸਿੰਘ ਲਵ, ਸੁਮੀਤ ਸਾਹਿਲ, ਰਾਹੁਲ ਖੱਤਰੀ, ਐਮੀ ਖੱਤਰੀ, ਰੈਂਟਾ ਜਿੰਦਲ, ਜਸ਼ਨ ਝਾਂਜੀ, ਚੰਦਨ ਗਰੋਵਰ, ਜਤਿਨ ਅਰੋੜਾ ਅਤੇ ਵੰਸ਼ ਅਰੋੜਾ ਆਦਿ ਹਾਜ਼ਰ ਸਨ |
