23-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 01-04-2026

10 ਕਰੋੜ ਦੀ ਲਾਗਤ ਨਾਲ ਨੰਗਲ 'ਚ ਬਣੇਗਾ ਉੱਤਰ ਭਾਰਤ ਦਾ ਪਹਿਲਾ ਸ਼ੀਸ਼ੇ ਵਾਲਾ ਪੁਲ-ਮੁੱਖ ਮੰਤਰੀ <br/>

ਅਜੀਤ ਡੈਸਕ 01-04-2026
ਨੰਗਲ, 31 ਮਾਰਚ (ਪ੍ਰੀਤਮ ਸਿੰਘ ਬਰਾਰੀ)-ਐਨ. ਐਫ. ਐਲ. ਸਟੇਡੀਅਮ ਨਵਾਂ ਨੰਗਲ ਵਿਖੇ ਅੱਜ ਕੈਬਿਨਟ ਮੰਤਰੀ ਹਰਜੋਤ ਸਿੰਘ ਬੈਂਸ ਵਲੋਂ ਮੈਗਾ ਵਿਕਾਸ ਰੈਲੀ ਕਰਵਾਈ ਗਈ, ਜਿਸ ਵਿਚ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਅਤੇ ਆਪ ਦੇ ਪੰਜਾਬ ਪ੍ਰਭਾਰੀ ਮਨੀਸ਼ ਸਿਸੋਦੀਆ ਵਲੋਂ ਵਿਸ਼ੇਸ਼ ਤੌਰ 'ਤੇ ਸ਼ਮੂਲੀਅਤ ਕੀਤੀ | ਇਸ ਮੌਕੇ ਮੁੱਖ ਮੰਤਰੀ ਵਲੋਂ ਲਗਭਗ 70 ਕਰੋੜ ਦੀ ਲਾਗਤ ਨਾਲ ਕਰਵਾਏ ਜਾਣ ਵਾਲੇ ਵੱਖ-ਵੱਖ ਵਿਕਾਸ ਕਾਰਜਾਂ ਦੇ ਉਦਘਾਟਨ ਹਿੰਦੂ ਧਾਰਮਿਕ ਰੀਤੀ ਰਿਵਾਜ਼ਾਂ ਅਨੁਸਾਰ ਨਾਰੀਅਲ ਭੰਨ ਕੇ ਕੀਤੇ ਗਏ | ਜਿਨ੍ਹਾਂ 'ਚ 18 ਕਰੋੜ ਰੁਪਏ ਦੀ ਲਾਗਤ ਨਾਲ ਸਤਲੁਜ ਦਰਿਆ ਦਾ ਸ਼ੁੱਧ ਪਾਣੀ ਸ਼ਹਿਰਵਾਸੀਆਂ ਨੂੰ ਮੁਹੱਈਆ ਕਰਾਉਣ ਅਤੇ ਪਾਣੀ ਦੀ ਕਿੱਲਤ ਤੋਂ ਨਿਜਾਤ ਦੁਆਉਣ ਲਈ ਨਵੇਂ ਵਾਟਰ ਟਰੀਟਮੈਂਟ ਪਲਾਟਾਂ ਬਣਾਉਣ, ਕਾਰਗਿਲ ਸ਼ਹੀਦ ਕੈਪਟਨ ਅਮੋਲ ਕਾਲੀਆ ਦੇ ਨਾਮ 'ਤੇ ਆਈ. ਟੀ. ਆਈ. ਨੰਗਲ ਵਿਚ 25 ਕਰੋੜ ਦੀ ਲਾਗਤ ਨਾਲ ਸੈਂਟਰ ਆਫ਼ ਐਕਸੀਲੈਂਸ ਜੋਕਿ ਬਹੁਮੰਜ਼ਲੀ ਇਮਾਰਤ ਬਣਾਈ ਜਾਵੇਗੀ ਤੇ ਇੱਥੇ ਨੌਜਵਾਨਾਂ ਨੂੰ ਉਦਯੋਗ ਦੀਆਂ ਜ਼ਰੂਰਤਾਂ ਅਨੁਸਾਰ ਤਿਆਰ ਕੀਤੇ ਕੋਰਸਾਂ ਜਿਵੇਂ ਕਿ ਸਿਵਲ ਏਵੀਏਸ਼ਨ, ਏਅਰ ਹੋਸਟੈਸ ਅਤੇ ਡਰੋਨ ਤਕਨਾਲੋਜੀ ਅਤੇ ਰੋਬੋਟਿਕਸ, ਈ. ਵੀ. , ਸੋਲਰ ਅਤੇ 3 ਡੀ ਪਿ੍ੰਟਿੰਗ ਸਮੇਤ ਉੱਚ ਤਕਨੀਕੀ ਕੋਰਸ ਸ਼ਾਮਿਲ ਹੋਣਗੇ | ਨੰਗਲ ਝੀਲ 'ਤੇ ਉੱਤਰ ਭਾਰਤ ਦਾ ਪਹਿਲਾ ਸ਼ੀਸ਼ੇ ਵਾਲਾ ਪੁਲ਼ 10 ਕਰੋੜ ਦੀ ਲਾਗਤ ਨਾਲ ਬਣਾਇਆ ਜਾ ਰਿਹਾ ਹੈ ਜੋ ਕਿ ਸੈਰ ਸਪਾਟਾ ਸਨਅਤ ਨੂੰ ਪ੍ਰਫੁੱਲਿਤ ਕਰੇਗਾ | ਡਾ. ਭੀਮ ਰਾਓ ਅੰਬੇਡਕਰ ਸਕੂਲ ਆਫ਼ ਐਮੀਨੈਂਸ 'ਚ ਆਡੀਟੋਰੀਅਮ ਤੇ ਨਵਾਂ ਅਕਾਦਮਿਕ ਬਲਾਕ ਬਣਾਇਆ ਜਾਵੇਗਾ | ਕੈਬਨਿਟ ਮੰਤਰੀ ਅਤੇ ਹਰਜੋਤ ਸਿੰਘ ਬੈਂਸ ਮੁੱਖ ਮੰਤਰੀ ਮਾਨ ਅਤੇ ਪੰਜਾਬ ਪ੍ਰਭਾਰੀ ਸਿਸੋਦੀਆ ਦਾ ਰੈਲੀ ਵਿਚ ਪਹੁੰਚ ਕੇ ਨੰਗਲ ਨੂੰ ਦਿੱਤੀਆਂ ਵਿਕਾਸ ਸੌਗਾਤਾਂ ਲਈ ਜਿੱਥੇ ਧੰਨਵਾਦ ਕੀਤਾ ਉੱਥੇ ਹੀ ਆਏ ਹੋਏ ਲੋਕਾਂ ਨੂੰ ਆਪਣਾ ਪਰਿਵਾਰ ਦੱਸ ਕੇ ਉਨ੍ਹਾਂ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਆਪ ਦੇ ਜ਼ਿਲ੍ਹਾ ਪ੍ਰਧਾਨ ਡਾ. ਸੰਜੀਵ ਗੌਤਮ, ਜ਼ਿਲ੍ਹਾ ਪਰਿਸ਼ਦ ਮੈਂਬਰ ਜਸਪਾਲ ਸਿੰਘ ਢਾਹੇ, ਚੇਅਰਮੈਨ ਕਮਿੱਕਰ ਸਿੰਘ ਡਾਢੀ, ਮੀਡੀਆ ਕੋਆਰਡੀਨੇਟਰ ਦੀਪਕ ਸੋਨੀ, ਸੋਹਣ ਸਿੰਘ ਬੈਂਸ, ਨਗਰ ਕੌਂਸਲ ਸ਼੍ਰੀ ਅਨੰਦਪੁਰ ਸਾਹਿਬ ਦੇ ਪ੍ਰਧਾਨ ਹਰਜੀਤ ਸਿੰਘ ਜੀਤਾ, ਰਾਕੇਸ਼ ਚੌਧਰੀ, ਪਿ੍ੰਸੀਪਲ ਰਾਮ ਗੋਪਾਲ, ਬਚਿੱਤਰ ਸਿੰਘ ਬੈਂਸ, ਪੰਮੂ ਢਿੱਲੋਂ ਬ੍ਰਹਮਪੁਰ, ਹਰਦੀਪ ਸਿੰਘ ਬੈਂਸ, ਇੰਦਰਜੀਤ ਸਿੰਘ ਅਰੋੜਾ, ਹਿਤੇਸ਼ ਦੀਪੂ, ਹਰਮਿੰਦਰ ਸਿੰਘ ਢਾਹੇ, ਰਾਮ ਕੁਮਾਰ ਮੁਕਾਰੀ, ਮੋਹਿਤ ਦੀਵਾਨ, ਐਡਵੋਕੇਟ ਨਿਸ਼ਾਂਤ ਗੁਪਤਾ, ਜੱਗਾ ਬਹਿਲੂ, ਰਾਜੇਸ਼ ਆਂਗਰਾ ਲਵਲੀ, ਸੁਮਿਤ ਅਗਨੀ ਸੰਦਲ, ਦਿਆ ਸਿੰਘ ਸਿੱਖਿਆ ਕੋਆਰਡੀਨੇਟਰ ਆਦਿ ਹਾਜ਼ਰ ਸਨ |
ਰਣਜੀਤ ਬਾਵਾ ਨੇ ਲਾਇਆ ਖੁੱਲ੍ਹਾ ਅਖਾੜਾ
ਪੰਜਾਬ ਦੇ ਨਾਮਵਰ ਗਾਇਕ ਰਣਜੀਤ ਬਾਵਾ ਵਲੋਂ ਮੁੱਖ ਮੰਤਰੀ ਦੇ ਆਉਣ ਤੋਂ ਪਹਿਲਾਂ ਖੁੱਲ੍ਹਾ ਅਖਾੜਾ ਲਗਾ ਕੇ ਆਪਣੀ ਦਮਦਾਰ ਗਾਇਕੀ ਅਤੇ ਮਕਬੂਲ ਗੀਤਾਂ ਰਾਹੀਂ ਗਾਇਕੀ ਦਾ ਲੋਹਾ ਮਨਵਾਇਆ |

ਪਿਛਲੀ ਖ਼ਬਰ ਵਿੱਤੀ ਵਰ੍ਹੇ ਦੇ ਆਖਰੀ ਦਿਨ ਕਈ ਠੇਕਿਆਂ 'ਤੇ ਸ਼ੌਕੀਨਾਂ ਦੀਆਂ ਭੀੜਾਂ ਅਗਲੀ ਖ਼ਬਰ ਹੋਟਲ 'ਚ ਠਹਿਰੀ ਔਰਤ ਦੀ ਭੇਦਭਰੇ ਹਾਲਾਤ 'ਚ ਮੌਤ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।