ਬਨੂੜ, 2 ਜੂਨ (ਭੁਪਿੰਦਰ ਸਿੰਘ)-ਪੀ.ਸੀ.ਐਸ. ਰਮਨਦੀਪ ਕੌਰ ਨੂੰ ਤਹਿਸੀਲਦਾਰ ਤੋਂ ਪਦ ਉੱਨਤ ਕਰਕੇ ਪਹਿਲੀ ਵਾਰ ਬਨੂੜ ਦਾ ਐਸ.ਡੀ.ਐਮ. ਲਾਇਆ ਗਿਆ ਹੈ | ਉਨ੍ਹਾਂ ਅੱਜ ਆਪਣਾ ਅਹੁਦਾ ਸੰਭਲ ਲਿਆ ਹੈ | ਇੱਥੇ ਪਹਿਲਾਂ ਏ.ਡੀ.ਸੀ. ਡਾ. ਅੰਕਿਤਾ ਕਾਂਸਲ ਵਾਧੂ ਚਾਰਜ ਨਾਲ ਬਤੌਰ ਐਸ.ਡੀ.ਐਮ. ਸੇਵਾਵਾਂ ਨਿਭਾਅ ਰਹੇ ਸਨ, ਜਦਕਿ ਰਮਨਦੀਪ ਕੌਰ ਨੂੰ ਪੱਕੇ ਤੌਰ 'ਤੇ ਨਿਯੁਕਤ ਕੀਤਾ ਗਿਆ ਹੈ | ਐਸ.ਡੀ.ਐਮ. ਅਤੇ ਤਹਿਸੀਲ ਦਫ਼ਤਰ ਦੇ ਸਮੂਹ ਸਟਾਫ਼ ਵਲੋਂ ਤਹਿਸੀਲਦਾਰ ਕੋਸ਼ਿਸ਼ ਗਰਗ ਦੀ ਅਗਵਾਈ ਹੇਠ ਉਨ੍ਹਾਂ ਦਾ ਭਰਵਾਂ ਸਵਾਗਤ ਕੀਤਾ ਗਿਆ ਅਤੇ ਸਨਮਾਨ ਵਜੋਂ ਬੁੱਕਾ ਭੇਂਟ ਕੀਤਾ | ਇਸ ਮੌਕੇ ਸਰਬਜੀਤ ਸਿੰਘ, ਗੁਰਮੀਤ ਕੌਰ, ਅਮਨਦੀਪ ਸਿੰਘ, ਤਨਵੀਰ ਮਾਲਿਕ, ਰਵਿੰਦਰ ਸਿੰਘ ਆਦਿ ਹਾਜ਼ਰ ਸਨ |
