ਸਮਾਣਾ, 30 ਮਈ (ਪ੍ਰੀਤਮ ਸਿੰਘ ਨਾਗੀ)-ਇੱਥੋਂ ਜਾਂਦੀ ਭਾਖੜਾ ਨਹਿਰ ਦੀ ਪੱਟੜੀ 'ਤੇ ਸ਼ੰਕਰ ਭਾਰਦਵਾਜ ਗੋਤਾਖੋਰ ਦੀ ਟੀਮ ਪਿੰਡ ਨੱਸੂਪੁਰ ਤੋਂ ਲਾ ਪਤਾ ਕਿਸੇ ਨੌਜਵਾਨ ਦੀ ਭਾਲ ਕਰ ਰਹੀ ਸੀ | ਉਨ੍ਹਾਂ ਦੀ ਨਜ਼ਰ ਭਾਖੜਾ ਨਹਿਰ ਵਿਚ ਤੈਰਦੀ ਇਕ ਨਵਜੰਮੇ ਬੱਚੇ ਦੀ ਲਾਸ਼ 'ਤੇ ਪਈ | ਇਨ੍ਹਾਂ ਨੇ ਇਸ ਦੀ ਸੂਚਨਾ ਪੁਲਿਸ ਕੰਟਰੋਲ ਰੂਮ 'ਤੇ ਦਿੱਤੀ ਤੇ ਲਾਸ਼ ਨੂੰ ਗੁਰਦੁਆਰਾ ਸ੍ਰੀ ਧੱਕਾ ਸਾਹਿਬ ਨੇੜਿਓਾ ਕੱਢ ਲਿਆ, ਮੌਕੇ 'ਤੇ ਸਿਟੀ ਪੁਲਿਸ ਸਮਾਣਾ ਦੇ ਏ.ਐਸ.ਆਈ. ਜਗਦੀਸ਼ ਸਿੰਘ ਵੀ ਪਹੁੰਚ ਗਏ | ਜਿਨ੍ਹਾਂ ਦੱਸਿਆ ਕਿ ਇਹ ਲਾਸ਼ ਪਿੱਛੇ ਤੋਂ ਤੈਰਦੀ ਆ ਰਹੀ ਸੀ | ਪੁਲਿਸ ਨੇ ਬੱਚੇ ਦੀ ਲਾਸ਼ ਨੂੰ ਸਿਵਲ ਹਸਪਤਾਲ ਸਮਾਣਾ ਦੀ ਮੋਰਚਰੀ ਵਿਚ ਰੱਖ ਕੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ |
