ਆਈ . ਆਈ . ਟੀ . ਰੋਪੜ ਨੇ ਸੈਨਾ ਅਧਿਕਾਰੀਆਂ ਨੂੰ ਐੱਮ . ਟੈਕ . ਡਿਗਰੀ ਦੇਣ ਲਈ ਆਰਮੀ ਕਾਲਜ ਨਾਲ ਸਮਝੌਤਾ ਪੱਤਰ ’ ਤੇ ਕੀਤੇ ਦਸਤਖ਼ਤ
ਰੂਪਨਗਰ, 10 ਸਤੰਬਰ (ਗੁਰਪ੍ਰੀਤ ਸਿੰਘ ਹੁੰਦਲ)-ਭਾਰਤੀ ਤਕਨਾਲੋਜੀ ਸੰਸਥਾਨ ਰੋਪੜ ਨੇ ਆਰਮੀ ਏਅਰ ਡਿਫੈਂਸ ਕਾਲਜ, ਗੋਪਾਲਪੁਰ ਨਾਲ ਭਾਰਤੀ ਸੈਨਾ ਦੇ ਅਧਿਕਾਰੀਆਂ ਨੂੰ ਡਿਫੈਂਸ ਟੈਕਨਾਲੋਜੀ ਵਿਚ ਮਾਸਟਰ ਆਫ਼ ਟੈਕਨਾਲੋਜੀ ਡਿਗਰੀ ਦੇਣ ਲਈ ਇੱਕ ਸਮਝੌਤਾ ਪੱਤਰ ’ਤੇ ਦਸਤਖ਼ਤ ਕੀਤੇ। ਇਸ ਸਮਝੌਤੇ ਤਹਿਤ, ਆਰਮੀ ਏਅਰ ਡਿਫੈਂਸ ਕਾਲਜ, ਗੋਪਾਲਪੁਰ ਵਿਖੇ ਲੌਂਗ ਏਅਰ ਡਿਫੈਂਸ ਕੋਰਸ ਕਰ ਰਹੇ ਅਧਿਕਾਰੀਆਂ ਨੂੰ ਆਈ.
ਆ
ਆਈ.ਆਈ.ਟੀ. ਰੋਪੜ ਦੇ ਪ੍ਰਬੰਧਕ ਅਤੇ ਸੈਨਾ ਅਧਿਕਾਰੀ।
11-09-2026
ਰੂਪਨਗਰ, 10 ਸਤੰਬਰ (ਗੁਰਪ੍ਰੀਤ ਸਿੰਘ ਹੁੰਦਲ)-ਭਾਰਤੀ ਤਕਨਾਲੋਜੀ ਸੰਸਥਾਨ ਰੋਪੜ ਨੇ ਆਰਮੀ ਏਅਰ ਡਿਫੈਂਸ ਕਾਲਜ, ਗੋਪਾਲਪੁਰ ਨਾਲ ਭਾਰਤੀ ਸੈਨਾ ਦੇ ਅਧਿਕਾਰੀਆਂ ਨੂੰ ਡਿਫੈਂਸ ਟੈਕਨਾਲੋਜੀ ਵਿਚ ਮਾਸਟਰ ਆਫ਼ ਟੈਕਨਾਲੋਜੀ ਡਿਗਰੀ ਦੇਣ ਲਈ ਇੱਕ ਸਮਝੌਤਾ ਪੱਤਰ ’ਤੇ ਦਸਤਖ਼ਤ ਕੀਤੇ। ਇਸ ਸਮਝੌਤੇ ਤਹਿਤ, ਆਰਮੀ ਏਅਰ ਡਿਫੈਂਸ ਕਾਲਜ, ਗੋਪਾਲਪੁਰ ਵਿਖੇ ਲੌਂਗ ਏਅਰ ਡਿਫੈਂਸ ਕੋਰਸ ਕਰ ਰਹੇ ਅਧਿਕਾਰੀਆਂ ਨੂੰ ਆਈ.ਆਈ.ਟੀ. ਰੋਪੜ ਵਲੋਂ ਡਿਫੈਂਸ ਟੈਕਨਾਲੋਜੀ ਵਿਚ ਐਮ.ਟੈਕ. ਦੀ ਡਿਗਰੀ ਦਿੱਤੀ ਜਾਵੇਗੀ। ਇਸ ਸਮਝੌਤੇ ’ਤੇ ਪ੍ਰੋ. ਰਾਜੀਵ ਆਹੂਜਾ, ਡਾਇਰੈਕਟਰ, ਆਈ.ਆਈ.ਟੀ. ਰੋਪੜ, ਅਤੇ ਲੈਫਟੀਨੈਂਟ ਜਨਰਲ ਅਮਿਤ ਰਾਓ, ਕਮਾਂਡੈਂਟ, ਆਰਮੀ ਏਅਰ ਡਿਫੈਂਸ ਕਾਲਜ, ਗੋਪਾਲਪੁਰ ਨੇ ਦਸਤਖ਼ਤ ਕੀਤੇ। ਇਸ ਮੌਕੇ ਲੈਫਟੀਨੈਂਟ ਜਨਰਲ ਸੁਰਿੰਦਰ ਸਿੰਘ ਮਹਿਲ, ਮੈਨੇਜਿੰਗ ਡਾਇਰੈਕਟਰ, ਆਈ.ਆਈ.ਟੀ. ਰੋਪੜ ਡਿਫੈਂਸ ਰਿਸਰਚ ਐਂਡ ਇਨੋਵੇਸ਼ਨ ਫਾਊਂਡੇਸ਼ਨ, ਅਤੇ ਬ੍ਰਿਗੇਡੀਅਰ ਰੋਹਿਤ ਦਾਸ ਹਾਜ਼ਰ ਸਨ। ਇਸ ਸਮਝੌਤੇ ਦਾ ਤਾਲਮੇਲ ਡਾ. ਸਾਰੰਗ ਗੁਮਫੇਕਰ, ਡੀਨ (ਪੀਜੀ ਐਂਡ ਰਿਸਰਚ), ਆਈ.ਆਈ.ਟੀ. ਰੋਪੜ, ਅਤੇ ਵੀਰਭਦਰ ਸਿੰਘ ਰਾਵਤ, ਡਾਇਰੈਕਟਰ, ਡੀ.ਆਰ.ਆਈ.ਐਫ. ਨੇ ਕੀਤਾ। ਇਹ ਸਮਝੌਤਾ ਦਸੰਬਰ 2022 ਵਿਚ ਆਰਮੀ ਟਰੇਨਿੰਗ ਕਮਾਂਡ, ਇੰਟੀਗ੍ਰੇਟਿਡ ਹੈੱਡਕੁਆਰਟਰਜ਼ ਆਫ਼ ਮਿਨਿਸਟਰੀ ਆਫ਼ ਡਿਫੈਂਸ (ਆਰਮੀ) ਅਤੇ ਆਈ.ਆਈ.ਟੀ. ਰੋਪੜ ਵਿਚਕਾਰ ਦਸਤਖਤ ਕੀਤੇ ਗਏ ਅਕਾਦਮਿਕ ਅਤੇ ਖੋਜ ਸਹਿਯੋਗ ਦੇ ਸਮਝੌਤਾ ਪੱਤਰ ਦੀ ਨੀਂਹ ’ਤੇ ਆਧਾਰਿਤ ਹੈ। ਇਸ ਸਮਝੌਤੇ ਮੁਤਾਬਕ, ਲੌਂਗ ਏਅਰ ਡਿਫੈਂਸ ਕੋਰਸ ਕਰ ਰਹੇ ਸੈਨਾ ਅਧਿਕਾਰੀਆਂ ਨੂੰ ਆਈ.ਆਈ.ਟੀ. ਰੋਪੜ ਦੇ ਐਮਟੈਕ ਪ੍ਰੋਗਰਾਮ ਰਾਹੀਂ ਰਸਮੀ ਮਾਨਤਾ ਮਿਲੇਗੀ, ਜਿਸ ਵਿਚ ਫੈਕਲਟੀ ਮੈਂਬਰਾਂ ਨੂੰ ਉਨ੍ਹਾਂ ਦੇ ਖੋਜ ਨਿਬੰਧ ਅਤੇ ਖੋਜ ਪ੍ਰੋਜੈਕਟਾਂ ਦੀ ਅਗਵਾਈ ਕਰਨ ਲਈ ਸਲਾਹਕਾਰ ਵਜੋਂ ਨਾਮਜ਼ਦ ਕੀਤਾ ਜਾਵੇਗਾ। ਅਧਿਕਾਰੀਆਂ ਨੂੰ ਪਹਿਲਾਂ ਦੀ ਮਨਜ਼ੂਰੀ ਦੇ ਅਧੀਨ ਸੰਸਥਾ ਦੀਆਂ ਪ੍ਰਯੋਗਸ਼ਾਲਾਵਾਂ ਅਤੇ ਬੁਨਿਆਦੀ ਢਾਂਚੇ ਤੱਕ ਪਹੁੰਚ ਵੀ ਮਿਲੇਗੀ, ਨਾਲ ਹੀ ਆਈ.ਆਈ.ਟੀ. ਰੋਪੜ ਦੀ ਫੈਕਲਟੀ ਵਲੋਂ ਆਨਲਾਈਨ ਅਤੇ ਆਫਲਾਈਨ ਦੋਵੇਂ ਤਰੀਕਿਆਂ ਨਾਲ ਸੈਮੀਨਾਰ ਅਤੇ ਲੈਕਚਰ ਕਰਵਾਏ ਜਾਣਗੇ। ਦੋਵਾਂ ਸੰਸਥਾਵਾਂ ਨੇ ਸਾਂਝੇ ਹਿੱਤ ਦੇ ਖੇਤਰਾਂ ਵਿਚ ਤਕਨੀਕੀ ਗਿਆਨ ਨੂੰ ਸਾਂਝੇ ਤੌਰ ’ਤੇ ਵਿਕਸਿਤ ਕਰਨ ’ਤੇ ਵੀ ਸਹਿਮਤੀ ਪ੍ਰਗਟਾਈ ਹੈ, ਜਿਸ ਨਾਲ ਦੋਵਾਂ ਸੰਸਥਾਵਾਂ ਵਿਚਕਾਰ ਅਕਾਦਮਿਕ ਅਤੇ ਖੋਜ ਭਾਈਵਾਲੀ ਮਜ਼ਬੂਤ ਹੋਵੇਗੀ। ਇਸ ਮੌਕੇ ’ਤੇ ਬੋਲਦਿਆਂ, ਪ੍ਰੋ. ਰਾਜੀਵ ਆਹੂਜਾ, ਡਾਇਰੈਕਟਰ, ਆਈ.ਆਈ.ਟੀ. ਰੋਪੜ ਨੇ ਕਿਹਾ, ਇਹ ਸਮਝੌਤਾ ਭਾਰਤੀ ਸੈਨਾ ਨਾਲ ਸਾਡੀ ਲਗਾਤਾਰ ਭਾਈਵਾਲੀ ਵਿਚ ਇੱਕ ਅਹਿਮ ਕਦਮ ਹੈ। ਸਾਡੀ ਫੈਕਲਟੀ ਅਤੇ ਬੁਨਿਆਦੀ ਢਾਂਚਾ ਹੁਣ ਸਿੱਧੇ ਤੌਰ ’ਤੇ ਉਨ੍ਹਾਂ ਅਧਿਕਾਰੀਆਂ ਦੀ ਤਕਨੀਕੀ ਸਿੱਖਿਆ ਵਿਚ ਯੋਗਦਾਨ ਪਾ ਰਿਹਾ ਹੈ ਜੋ ਸਾਡੀ ਰਾਸ਼ਟਰੀ ਸੁਰੱਖਿਆ ਦੀ ਮੋਹਰੀ ਕਤਾਰ ਵਿਚ ਸੇਵਾ ਨਿਭਾਉਂਦੇ ਹਨ। ਅਸੀਂ ਆਉਣ ਵਾਲੇ ਸਾਲਾਂ ਵਿਚ ਇਸ ਸਹਿਯੋਗ ਨੂੰ ਹੋਰ ਡੂੰਘਾ ਕਰਨ ਦੀ ਉਮੀਦ ਰੱਖਦੇ ਹਾਂ। ਆਈ.ਆਈ.ਟੀ. ਰੋਪੜ ਦਸੰਬਰ 2022 ਵਿਚ ਸਮਝੌਤਾ ਪੱਤਰ ’ਤੇ ਦਸਤਖਤ ਹੋਣ ਤੋਂ ਬਾਅਦ ਭਾਰਤੀ ਸੈਨਾ ਨਾਲ ਅਕਾਦਮਿਕ ਅਤੇ ਖੋਜ ਸਹਿਯੋਗ ’ਤੇ ਮਿਲ ਕੇ ਕੰਮ ਕਰ ਰਿਹਾ ਹੈ। ਸੰਸਥਾ ਦਾ ਡਿਫੈਂਸ ਰਿਸਰਚ ਐਂਡ ਇਨੋਵੇਸ਼ਨ ਫਾਊਂਡੇਸ਼ਨ ਇਸ ਭਾਈਵਾਲੀ ਨੂੰ ਮਜ਼ਬੂਤ ਕਰਨ ਵਿਚ ਕੇਂਦਰੀ ਭੂਮਿਕਾ ਨਿਭਾਉਂਦਾ ਰਿਹਾ ਹੈ।
