19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 03-02-2026

ਪੰਜਾਬ ਕਲਾ ਮੰਚ ਨੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਪ੍ਰਸ਼ਨ ਉੱਤਰ ਮੁਕਾਬਲੇ ਕਰਵਾਏ

ਅਜੀਤ ਡੈਸਕ 03-02-2026
ਸ੍ਰੀ ਚਮਕੌਰ ਸਾਹਿਬ, 2 ਫਰਵਰੀ (ਜਗਮੋਹਣ ਸਿੰਘ ਨਾਰੰਗ)-ਪੰਜਾਬ ਕਲਾ ਮੰਚ ਰਜਿ: (ਸਟੇਟ ਐਵਾਰਡ) ਸ੍ਰੀ ਚਮਕੌਰ ਸਾਹਿਬ ਵਲੋਂ ਨੂਰ ਹਸਪਤਾਲ ਮੋਰਿੰਡਾ, ਲੋਕਲ ਗੁਰੂਦੁਆਰਾ ਕਮੇਟੀਆਂ ਅਤੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਗੁਰੂ ਰਵਿਦਾਸ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਪਿੰਡਾਂ ਵਿਚ ਪ੍ਰਸ਼ਨ ਉੱਤਰ ਮੁਕਾਬਲੇ ਕਰਵਾਏ ਗਏ ਅਤੇ ਗੁਰੂ ਰਵਿਦਾਸ ਜੀ ਦੇ ਜੀਵਨ ਬਾਰੇ ਸੰਖੇਪ ਵਿਚ ਜਾਣਕਾਰੀ ਦਿੱਤੀ ਗਈ ਅਤੇ ਮੁਕਾਬਲੇ ਵਿਚ ਜੇਤੂ ਸੰਗਤਾਂ ਨੂੰ ਮੰਚ ਵਲੋਂ ਮੈਡਲਾਂ ਨਾਲ ਸਨਮਾਨਿਤ ਕੀਤਾ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਕੁਲਜਿੰਦਰਜੀਤ ਸਿੰਘ ਬੰਬਰ ਨੇ ਦੱਸਿਆ ਕੇ ਇਹ ਉਪਰਾਲਾ ਫਰਵਰੀ 2023 ਤੋਂ ਪਿੰਡ-ਪਿੰਡ ਸ਼ੁਰੂ ਕੀਤਾ ਗਿਆ ਅਤੇ ਇਸ ਸਾਲ ਇਹ ਸਮਾਗਮ ਮੰਚ ਵੱਲੋਂ ਰਾਈਵਾੜਾ ਮੁਹੱਲਾ ਸ੍ਰੀ ਚਮਕੌਰ ਸਾਹਿਬ, ਸੰਧੂਆਂ, ਬਰਸਾਲਪੁਰ, ਮਕੜੌਨਾ ਕਲਾਂ/ਖੁਰਦ, ਭੂਰੜੇ, ਮੁੰਡੀਆਂ, ਡਹਿਰ, ਭੋਜੇਮਾਜਰਾ ਆਦਿ ਪਿੰਡਾਂ ਵਿਚ ਕਰਵਾਇਆ ਗਿਆ | ਇਸ ਕਾਰਜ ਵਿਚ ਮੰਚ ਵੱਲੋਂ ਜਥੇਦਾਰ ਗੁਰਮੀਤ ਸਿੰਘ ਮਕੜੋਨਾ,ਹਰਦਿਆਲ ਸਿੰਘ ਸਲੇਮਪੁਰ, ਮਨਮੋਹਨ ਸਿੰਘ ਕਮਾਲਪੁਰ, ਸੇਵਾ ਸਿੰਘ ਭੂਰੜੇ, ਸੋਮ ਸਿੰਘ ਮੁੰਡੀਆਂ, ਕੈਪਟਨ ਹਰਪਾਲ ਸਿੰਘ ਸੰਧੂਆਂ, ਚਰਨ ਸਿੰਘ ਮੁੰਡੀਆਂ ਅਤੇ ਲੋਕਲ ਕਮੇਟੀਆਂ ਅਤੇ ਪਿੰਡ ਵਾਸੀਆਂ ਵੱਲੋਂ ਮੰਚ ਦਾ ਇਸ ਕਾਰਜ ਲਈ ਹੋਂਸਲਾ ਵਧਾਇਆ ਗਿਆ |
ਪਿਛਲੀ ਖ਼ਬਰ ਮਹਾਂਪੁਰਸ਼ਾਂ ਦੀ ਯਾਦ ਨੂੰ ਸਮਰਪਿਤ ਵੱਖ-ਵੱਖ ਥਾਵਾਂ ਤੋਂ ਦੋ ਨਗਰ ਕੀਰਤਨ ਭੈਰੋਮਾਜਰਾ ਪੁੱਜੇ ਅਗਲੀ ਖ਼ਬਰ ਕੇਂਦਰ ਸਰਕਾਰ ਦਾ ਬਜਟ ਗ਼ਰੀਬ, ਮੱਧਵਰਗ ਤੇ ਵਪਾਰੀ ਵਰਗ ਲਈ ਲਾਹੇਮੰਦ ਸਾਬਤ ਹੋਵੇਗਾ- ਐਡਵੋਕੇਟ ਮਿੱਤਲ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।