ਮੁਬਾਰਿਕਪੁਰ ਰੇਲਵੇ ਅੰਡਰਪਾਥ ’ ਚ ਮਿਕਚਰ ਟਰੱਕ ਫਸਣ ਕਾਰਨ ਲੱਗਿਆ ਜਾਮ ਪ੍ਰਸ਼ਾਸਨ ਤੇ ਟ੍ਰੈਫ਼ਿਕ ਪੁਲਿਸ ਮਿਕਚਰ ਟਰੱਕਾਂ ’ਤੇ ਨਕੇਲ ਪਾਉਣ ’ਚ ਰਹੀ ਨਾਕਾਮ

ਡੇਰਾਬੱਸੀ, 1 ਸਤੰਬਰ (ਗੁਰਮੀਤ ਸਿੰਘ)-ਡੇਰਾਬੱਸੀ ਖੇਤਰ ਦੀਆਂ ਸੜਕਾਂ ‘ਤੇ ਬੇਖ਼ੌਫ਼ ਦੌੜਦੇ ਭਾਰੀ-ਭਰਕਮ ਮਿਕਚਰ ਟਰੱਕ ਲੋਕਾਂ ਲਈ ਜਾਨ ਦਾ ਖੋਅ ਬਣੇ ਹੋਏ ਹਨ, ਪਰ ਸਥਾਨਕ ਪ੍ਰਸ਼ਾਸਨ ਅਤੇ ਟ੍ਰੈਫ਼ਿਕ ਪੁਲਿਸ ਇਨ੍ਹਾਂ ਵਾਹਨਾਂ ‘ਤੇ ਨਕੇਲ ਪਾਉਣ ’ਚ ਨਾਕਾਮ ਰਹੀ ਹੈ। ਅੱਜ ਦੁਪਹਿਰ ਸਮੇਂ ਮੁਬਾਰਿਕਪੁਰ ਰੇਲਵੇ ਅੰਡਰਪਾਥ ‘ਚੋਂ ਲੰਘ ਰਿਹਾ ਇਕ ਵੱਡਾ ਮਿਕਚਰ ਟਰੱਕ ਚੜ੍ਹਾਈ ਚੜ੍ਹਦੇ ਸਮੇਂ ਬੇਕਾਬੂ ਹੋ ਗਿਆ ਅਤੇ ਡਿਵਾਈਡਰ ‘ਤੇ ਚੜ੍ਹ ਕੇ ਅੰਦਰ ਹੀ ਫਸ ਗਿਆ।