ਲੁਧਿਆਣਾ

ਪੀ . ਯੂ . ਸਕਿੱਲ 2 ਮਾਰਕੀਟ ਸਲਾਹਕਾਰ ਕਮੇਟੀ ਵਿਚ ਐਸ . ਐਸ . ਭੋਗਲ ਦੀ ਨਿਯੁਕਤੀ

ਲੁਧਿਆਣਾ, 2 ਅਕਤੂਬਰ (ਜਸਵਿੰਦਰ ਸਿੰਘ)-ਐਸ. ਸੀ.

ਸ

ਸੁਰਿੰਦਰ ਸਿੰਘ ਭੋਗਲ 03-10-2026

ਲੁਧਿਆਣਾ, 2 ਅਕਤੂਬਰ (ਜਸਵਿੰਦਰ ਸਿੰਘ)-ਐਸ.ਸੀ.ਡੀ. ਸਰਕਾਰੀ ਕਾਲਜ ਲੁਧਿਆਣਾ ਐਲੂਮਨੀ ਐਸੋਸੀਏਸ਼ਨ ਨੇ ਆਪਣੇ ਸਰਪ੍ਰਸਤ ਸੁਰਿੰਦਰ ਸਿੰਘ ਭੋਗਲ ਨੂੰ ਪੰਜਾਬ ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਵਲੋਂ ਗਠਿਤ ਪੀ.ਯੂ. ਸਕਿੱਲ 2 ਮਾਰਕੀਟ ਹੱਬ ਦੀ ਸਲਾਹਕਾਰ ਕਮੇਟੀ ਵਿਚ ਪੰਜਾਬ ਤੋਂ ਇਕਲੌਤੇ ਉਦਯੋਗਪਤੀ ਵਜੋਂ ਸ਼ਾਮਿਲ ਕੀਤੇ ਜਾਣ ’ਤੇ ਮਾਣ ਪ੍ਰਗਟਾਇਆ ਹੈ। ਕਮੇਟੀ ਦਾ ਉਦੇਸ਼ ਵਿਦਿਆਰਥੀਆਂ ਦੇ ਹੁਨਰ ਨੂੰ ਵਿਕਸਤ ਕਰਕੇ ਉਨ੍ਹਾਂ ਨੂੰ ਬਾਜ਼ਾਰ ਦੇ ਮੌਕਿਆਂ ਨਾਲ ਜੋੜਨਾ ਹੈ। ਸੀਨੀਅਰ ਸਰਪ੍ਰਸਤ ਓਂਕਾਰ ਸਿੰਘ ਪਾਹਵਾ ਅਤੇ ਕਾਰਜਕਾਰੀ ਮੈਂਬਰ ਕੇ.ਬੀ. ਸਿੰਘ, ਪੀ.ਡੀ. ਗੁਪਤਾ, ਬ੍ਰਿਜ ਭੂਸ਼ਣ ਗੋਇਲ, ਗੀਤਾਂਜਲੀ ਪਾਬਰੇਜਾ, ਓ.ਪੀ. ਵਰਮਾ, ਦਲਬੀਰ ਸਿੰਘ ਮੌਲੀ ਅਤੇ ਨਵਦੀਪ ਸਿੰਘ ਨੇ ਸ. ਭੋਗਲ ਨੂੰ ਵਧਾਈ ਦਿੰਦਿਆਂ ਇਸ ਨੂੰ ਐਸ.ਸੀ.ਡੀ. ਦੇ ਸਾਬਕਾ ਵਿਦਿਆਰਥੀਆਂ ਲਈ ਇਕ ਹੋਰ ਮਾਣਮੱਤੀ ਪ੍ਰਾਪਤੀ ਦੱਸਿਆ। ਕਾਲਜ ਦੇ ਪ੍ਰਿੰਸੀਪਲ ਅਤੇ ਸਾਬਕਾ ਵਿਦਿਆਰਥੀ ਗੁਰਸ਼ਰਨਜੀਤ ਸਿੰਘ ਸੰਧੂ ਨੇ ਕਿਹਾ ਕਿ ਉਨ੍ਹਾਂ ਦਾ ਉਦਯੋਗਿਕ ਤਜਰਬਾ ਨੌਜਵਾਨਾਂ ਦੇ ਹੁਨਰ ਵਿਕਾਸ ਅਤੇ ਮੁੜ-ਹੁਨਰ ਵਿਕਾਸ ਨੂੰ ਨਵੀਂ ਦਿਸ਼ਾ ਦੇ ਸਕਦਾ ਹੈ। ਸੀਨੀਅਰ ਆਰਥਿਕ ਅਧਿਕਾਰੀ ਅਤੇ ਐਲੂਮਨੀ ਮੈਂਬਰ ਕੇ.ਬੀ. ਸਿੰਘ ਨੇ ਕਿਹਾ ਕਿ ਨੀਤੀ ਆਯੋਗ ਦੀ ਹਾਲੀਆ ਅਧਿਐਨ ਰਿਪੋਰਟ ਅਨੁਸਾਰ ਵੱਖ-ਵੱਖ ਡਿਗਰੀਆਂ ਪਾਸ ਨੌਜਵਾਨਾਂ ਦੇ ਹੁਨਰ ਅਤੇ ਉਦਯੋਗਪਤੀਆਂ ਦੀਆਂ ਲੋੜਾਂ ਤੇ ਉਮੀਦਾਂ ਵਿਚ ਮਹੱਤਵਪੂਰਨ ਫ਼ਰਕ ਹੈ। ਉਨ੍ਹਾਂ ਕਿਹਾ ਕਿ ਭੋਗਲ ਦੀ ਸਲਾਹਕਾਰ ਕਮੇਟੀ ਵਿਚ ਮੌਜੂਦਗੀ ਇਸ ਪਾੜੇ ਨੂੰ ਘਟਾਉਣ ਅਤੇ ਸਿੱਖਿਆ ਨੂੰ ਉਦਯੋਗ ਦੀਆਂ ਅਸਲ ਲੋੜਾਂ ਨਾਲ ਜੋੜਨ ਦਾ ਵੱਡਾ ਮੌਕਾ ਹੈ। ਐਲੂਮਨੀ ਦੇ ਜਨਰਲ ਸਕੱਤਰ ਬ੍ਰਿਜ ਭੂਸ਼ਣ ਗੋਇਲ ਨੇ ਦੱਸਿਆ ਕਿ ਪ੍ਰਸਤਾਵਿਤ ਹੱਬ ਲਗਭਗ 200 ਸੰਬੰਧਿਤ ਕਾਲਜਾਂ ਨੂੰ ਅੱਠ ਜ਼ਿਲ੍ਹਿਆਂ ਰਾਹੀਂ ਕਾਲਜ, ਜ਼ਿਲ੍ਹਾ ਅਤੇ ਸੂਬਾ ਪੱਧਰ ਦੀ ਤਿੰਨ-ਪੱਧਰੀ ਵਿਵਸਥਾ ਨਾਲ ਜੋੜੇਗਾ। ਇਸ ਵਿਚ ਵਿਦਿਆਰਥੀ ਪ੍ਰਤਿਭਾ ਦੀ ਪਛਾਣ, ਉਤਪਾਦਾਂ ਦੀ ਗੁਣਵੱਤਾ, ਮਿਆਰੀਕਰਨ, ਪੈਕਿੰਗ, ਵਿੱਕਰੀ, ਪ੍ਰਦਰਸ਼ਨੀਆਂ ਅਤੇ ਖ਼ਰੀਦਦਾਰਾਂ ਨਾਲ ਸੰਪਰਕ ਸ਼ਾਮਿਲ ਹਨ। ਯੋਜਨਾ ਵਿਚ ਪਹਿਰਾਵਾ ਡਿਜ਼ਾਈਨ, ਕਢਾਈ, ਲਲਿਤ ਕਲਾ, ਭੋਜਨ ਤੇ ਪ੍ਰਾਹੁਣਚਾਰੀ, ਸੂਚਨਾ ਤਕਨਾਲੋਜੀ, ਹਸਤ ਕਲਾ ਅਤੇ ਦੇਸੀ ਕਲਾਵਾਂ ਵਰਗੇ ਖੇਤਰ ਸ਼ਾਮਲ ਹਨ। ਇਸ ਦਾ ਮਕਸਦ ਵਿਦਿਆਰਥੀਆਂ ਵਿਚ ਉਦਮਸ਼ੀਲਤਾ, ਰੁਜ਼ਗਾਰ ਯੋਗਤਾ ਅਤੇ ਸਵੈ-ਨਿਰਭਰਤਾ ਵਿਕਸਤ ਕਰਨਾ ਹੈ।

ਪਿਛਲੀ ਖ਼ਬਰ ਨਸ਼ਾ ਤਸਕਰਾਂ ਅਤੇ ਦੜੇ-ਸੱਟੇ ਦਾ ਕਾਰੋਬਾਰ ਕਰਨ ਵਾਲਿਆਂ ਨੂੰ ਦਿੱਤੀ ਚਿਤਾਵਨੀ ਅਗਲੀ ਖ਼ਬਰ ਖਾਧ ਸੁਰੱਖਿਆ ਟੀਮ ਵਲੋਂ ਵਿਸ਼ੇਸ਼ ਜਾਂਚ ਮੁਹਿੰਮ ਦੌਰਾਨ 21 ਨਮੂਨੇ ਲਏ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।

ਪੀ . ਯੂ . ਸਕਿੱਲ 2 ਮਾਰਕੀਟ ਸਲਾਹਕਾਰ ਕਮੇਟੀ ਵਿਚ ਐਸ . ਐਸ . ਭੋਗਲ ਦੀ ਨਿਯੁਕਤੀ

Subscribers Only Story

ਸੰਬੰਧਿਤ ਖ਼ਬਰਾਂ