ਤਰਨ ਤਾਰਨ, 30 ਮਾਰਚ (ਪਰਮਜੀਤ ਜੋਸ਼ੀ)-ਟਿਨਾਇਟਸ ਕੰਨ ਨਾਲ ਜੁੜੀ ਹੋਈ ਬਿਮਾਰੀ ਹੈ, ਇਸ ਵਿਚ ਕੰਨਾਂ 'ਚੋਂ ਸ਼ਾ-ਸ਼ਾ, ਟੀ.ਟੀ., ਸੀਟੀ. ਵਰਗੀ ਆਵਾਜ਼, ਪੱਖੇ ਚੱਲਣ ਆਦਿ ਦੀਆਂ ਆਵਾਜ਼ਾਂ ਸੁਣਦੀਆਂ ਹਨ | ਇਹ ਬਿਮਾਰੀ ਕੰਨਾਂ ਦੀ ਸੁਣਾਈ ਘੱਟ ਕਰਕੇ, ਕੰਨ ਵਿਚ ਕੋਈ ਸੱਟ ਲੱਗਣ ਕਰਕੇ, ਕੰਨ ਦੀ ਇਨਫੈਕਸ਼ਨ ਹੋਣ ਕਰਕੇ, ਕੰਨ 'ਚ ਵੈਕਸ ਜਾਂ ਫੰਗਸ ਜਮ੍ਹਾਂ ਹੋਣ ਕਰਕੇ ਹੁੰਦੀ ਹੈ | ਇਸ ਬਿਮਾਰੀ ਵਿਚ ਸੀਟੀ ਵਰਗੀ ਆਵਾਜ਼ ਲਗਾਤਾਰ ਸੁਣਦੀ ਰਹਿੰਦੀ ਹੈ ਅਤੇ ਕਈ ਮਰੀਜ਼ਾਂ ਨੂੰ ਚੱਕਰ ਵੀ ਆਉਂਦੇ ਹਨ | ਇਹ ਜਾਣਕਾਰੀ ਈ.ਐੱਨ.ਟੀ. ਸਰਜਨ ਡਾ. ਰਾਜਬਰਿੰਦਰ ਸਿੰਘ ਰੰਧਾਵਾ ਨੇ ਰੰਧਾਵਾ ਕਲੀਨਿਕ ਸਾਹਮਣੇ ਬਿਜਲੀ ਘਰ ਨਜ਼ਦੀਕ ਪਾਸੀ ਮੈਡੀਕਲ ਤਰਨ ਤਾਰਨ ਵਿਖੇ ਗੱਲਬਾਤ ਦੌਰਾਨ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਅਗਰ ਤੁਸੀਂ ਇਸ ਬਿਮਾਰੀ ਤੋਂ ਪੀੜਤ ਹੋ ਤਾਂ ਮਾਹਰ ਡਾਕਟਰ ਪਾਸੋਂ ਆਪਣਾ ਚੈੱਕਅੱਪ ਸਮੇਂ ਸਿਰ ਕਰਵਾਓ ਤਾਂ ਕਿ ਇਹ ਬਿਮਾਰੀ ਗੰਭੀਰ ਨਾ ਹੋ ਸਕੇ |
