ਫਤਿਆਬਾਦ, 26 ਮਾਰਚ (ਹਰਵਿੰਦਰ ਸਿੰਘ ਧੂੰਦਾ)-ਸੇੇਂਟ ਸੋਲਜਰ ਡੀਵਾਈਨ ਪਬਲਿਕ ਸਕੂਲ ਵੇਈਪੂਈਾ ਵਿਖੇ ਵਿਦਿਆਰਥੀਆਂ ਲਈ ਇਕ ਵਿਸ਼ੇਸ਼ ਵਿਗਿਆਨਕ ਪ੍ਰਦਰਸ਼ਨ ਕੀਤਾ ਗਿਆ | ਇਸ ਦੌਰਾਨ ਜਵਾਲਾਮੁਖੀ ਵਿਸਫੋਟਕ ਦੇ ਮਾਡਲ ਦਾ ਪ੍ਰਯੋਗ ਕਰਕੇ ਉਸ ਦੀ ਕਾਰਗੁਜ਼ਾਰੀ ਦਿਖਾਈ ਗਈ | ਵਿਦਿਆਰਥੀਆਂ ਨੇ ਬੜੇ ਚਾਵ ਨਾਲ ਇਸ ਪ੍ਰਯੋਗ ਨੂੰ ਦੇਖਿਆ ਅਤੇ ਜਵਾਲਾਮੁਖੀ ਦੇ ਵਿਸਫੋਟ ਦੇ ਕਾਰਨਾਂ ਅਤੇ ਪ੍ਰਭਾਵਾਂ ਬਾਰੇ ਜਾਣਕਾਰੀ ਪ੍ਰਾਪਤ ਕੀਤੀ | ਸਕੂਲ ਵਿਚ ਵਿਗਿਆਨ ਦੀ ਇਕ ਦਿਲਚਸਪ ਗਤੀਵਿਧੀ ਦੌਰਾਨ ਵਿਦਿਆਰਥੀਆਂ ਨੂੰ ਜਵਾਲਾਮੁਖੀ ਵਿਸਫੋਟ ਦਾ ਲਾਈਵ ਪ੍ਰਯੋਗ ਕਰਕੇ ਦਿਖਾਇਆ ਗਿਆ | ਇਸ ਪ੍ਰਯੋਗ ਲਈ ਇਕ ਪਲਾਸਟਿਕ ਦੀ ਬੋਤਲ ਨੂੰ ਮਿੱਟੀ ਜਾਂ ਅਖ਼ਬਾਰ ਦੀ ਮਦਦ ਨਾਲ ਜਵਾਲਾਮੁਖੀ ਦਾ ਆਕਾਰ ਦਿੱਤਾ ਗਿਆ | ਬੋਤਲ ਦੇ ਅੰਦਰ ਬੇਕਿੰਗ ਸੋਡਾ, ਲਾਲ ਰੰਗ ਅਤੇ ਡਿਸ਼ ਸੋਪ ਪਾਇਆ ਗਿਆ | ਜਿਵੇਂ ਹੀ ਇਸ ਵਿਚ ਸਿਰਕਾ ਮਿਲਾਇਆ ਗਿਆ, ਇਕ ਰਸਾਇਣਕ ਪ੍ਰਤੀਕਿਰਿਆ ਹੋਈ ਅਤੇ ਝੱਗ ਵਾਲਾ 'ਲਾਵਾ' ਬਾਹਰ ਨਿਕਲਣ ਲੱਗਾ | ਅਧਿਆਪਕਾਂ ਵਲੋਂ ਇਸ ਪ੍ਰਯੋਗ ਦੀ ਵਿਗਿਆਨਕ ਵਿਆਖਿਆ ਵੀ ਕੀਤੀ ਗਈ, ਜਿਸ ਨਾਲ ਵਿਦਿਆਰਥੀਆਂ ਵਿਚ ਵਿਗਿਆਨ ਪ੍ਰਤੀ ਰੁਚੀ ਹੋਰ ਵਧੀ | ਸਕੂਲ ਦੇ ਪਿ੍ੰਸੀਪਲ ਸ਼੍ਰੀਮਤੀ ਸ਼ੈਲੀ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰਯੋਗ ਵਿਦਿਆਰਥੀਆਂ ਦੀ ਪ੍ਰਯੋਗਾਤਮਕ ਸਿੱਖਿਆ ਨੂੰ ਮਜ਼ਬੂਤ ਬਣਾਉਂਦੇ ਹਨ |