ਅਬੋਹਰ, 30 ਮਈ (ਤੇਜਿੰਦਰ ਸਿੰਘ ਖ਼ਾਲਸਾ)- ਸਰਬ ਬ੍ਰਾਹਮਣ ਸਭਾ ਵਲੋਂ ਤੁਲਸੀ ਵੰਡ ਸਮਾਰੋਹ ਸ਼੍ਰੀ ਬਾਲਾ ਜੀ ਧਾਮ ਪਰਿਸਰ ਵਿਚ ਰੱਖਿਆ ਗਿਆ | ਇਸ ਦੌਰਾਨ ਸ਼੍ਰੀ ਬਾਲਾ ਜੀ ਧਾਮ ਮਹਿਲਾ ਸੰਕੀਰਤਨ ਮੰਡਲ ਵਲੋਂ ਆਯੋਜਿਤ ਸ਼੍ਰੀਮਦ ਭਾਗਵਤ ਸਪਤਾਹ ਗਿਆਨ ਯੱਗ ਸਥਾਨ 'ਤੇ ਆਏ ਸਾਰੇ ਸ਼ਰਧਾਲੂਆਂ ਨੂੰ ਤੁਲਸੀ ਦੇ ਬੂਟੇ ਵੰਡੇ ਗਏ | ਵਿ੍ੰਦਾਵਨ ਤੋਂ ਸ਼੍ਰੀ ਨੰਦ ਕਿਸ਼ੋਰ ਸ਼ਾਸਤਰੀ ਨੇ ਕਥਾ ਸੁਣਾਈ | ਉਨ੍ਹਾਂ ਨੇ ਸਨਾਤਨ ਧਰਮ ਵਿਚ ਤੁਲਸੀ ਦੇ ਪੌਦੇ ਦੀ ਮਹੱਤਤਾ ਬਾਰੇ ਦੱਸਦੇ ਕਿਹਾ ਕਿ ਤੁਲਸੀ ਨੂੰ ਹਰ ਘਰ ਵਿਚ ਲਗਾਉਣਾ ਚਾਹੀਦਾ ਹੈ | ਇਹ ਘਰ ਵਿਚ ਸ਼ੁੱਧਤਾ ਪੈਦਾ ਕਰਦੀ ਹੈ ਅਤੇ ਮਨੁੱਖ ਨੂੰ ਕੁਦਰਤ ਨਾਲ ਜੋੜਦੀ ਹੈ | ਗੌਤਮ ਗੌੜ ਇਸ ਪ੍ਰੋਜੈਕਟ ਦੇ ਕੋਆਰਡੀਨੇਟਰ ਸਨ | ਇਸ ਦੌਰਾਨ ਰਵੀਕਾਂਤ ਸ਼ਰਮਾ ਨੇ ਕਿਹਾ ਕਿ ਭਵਿੱਖ ਵਿਚ ਵਾਤਾਵਰਨ ਅਤੇ ਸਨਾਤਨ ਦੇ ਲਈ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਸਭਾ ਵਲੋਂ ਕੀਤੇ ਜਾਣਗੇ | ਇਸ ਮੌਕੇ ਅਮਿੱਤ ਸ਼ਰਮਾ, ਯੋਗੇਸ਼ ਗੌੜ, ਲਵਲੀਨ ਸ਼ਰਮਾ, ਸਚਿਨ ਸ਼ਰਮਾ, ਸੰਜੀਵ ਸ਼ਰਮਾ, ਰਵਿੰਦਰ ਸ਼ਰਮਾ, ਬਾਬੂ ਲਾਲ ਸ਼ਰਮਾ, ਅਸ਼ਵਨੀ ਸ਼ਰਮਾ, ਸੁਰਿੰਦਰ ਸ਼ਰਮਾ, ਕਿ੍ਸ਼ਨ ਸ਼ਰਮਾ, ਯੋਗੇਸ਼ ਗੌੜ, ਅਦਿੱਤਿਆ ਮੁਦਗਿਲ ਆਦਿ ਹਾਜ਼ਰ ਸਨ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਸ ਦੌਰਾਨ ਲਗਭਗ 500 ਤੁਲਸੀ ਦੇ ਬੂਟੇ ਸ਼ਰਧਾਲੂਆਂ ਨੂੰ ਵੰਡੇ ਗਏ |
