ਬੱਲੂਆਣਾ, 30 ਮਈ (ਜਸਮੇਲ ਸਿੰਘ ਢਿੱਲੋਂ)-ਹਲਕੇ ਦੇ ਪਿੰਡ ਬੱਲੂਆਣਾ ਵਿਖੇ ਤੇਜ਼ ਹਨੇਰੀ ਕਾਰਨ ਕਰੀਬ 11 ਵਜੇ ਬੀ.ਐੱਸ.ਐਨ.ਐਲ ਦਾ ਟਾਵਰ ਨਾਲ ਲੱਗਦੀਆਂ ਤਿੰਨ ਚਾਰ ਦੁਕਾਨਾਂ 'ਤੇ ਡਿੱਗਿਆ | ਭਾਵੇਂ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਦੁਕਾਨਾਂ ਨੂੰ ਕਾਫ਼ੀ ਨੁਕਸਾਨ ਪੁੱਜਿਆ ਹੈ | ਜਾਣਕਾਰੀ ਦਿੰਦਿਆਂ ਰਮਨ ਕੰਬੋਜ ਨੇ ਦੱਸਿਆ ਕਿ ਇਹ ਟਾਵਰ ਪੋਸਟ ਆਫ਼ਿਸ ਕੋਲ ਲੱਗਿਆ ਹੋਇਆ ਸੀ | ਟਾਵਰ ਡਿੱਗਣ ਨਾਲ ਸੋਨੂੰ ਡਾਵਰ ਅਤੇ ਜਤਿੰਦਰ ਪਾਲ ਸਿੰਘ ਰੋਮੀ ਦੀਆਂ ਦੁਕਾਨਾਂ ਨੂੰ ਕਾਫ਼ੀ ਨੁਕਸਾਨ ਪੁੱਜਿਆ ਹੈ |
