ਫ਼ਾਜ਼ਿਲਕਾ, 16 ਮਈ (ਦਵਿੰਦਰ ਪਾਲ ਸਿੰਘ)-ਥਾਣਾ ਖੂਈ ਖੇੜਾ ਪੁਲਿਸ ਨੇ ਕਣਕ ਦੇ ਨਾੜ ਨੂੰ ਅੱਗ ਲਗਾਉਣ ਵਾਲੇ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਹੈੱਡ ਕਾਂਸਟੇਬਲ ਅਜਮੇਰ ਸਿੰਘ ਨੇ ਦੱਸਿਆ ਕਿ ਸਬ ਡਵੀਜ਼ਨ ਲੈਵਲ ਮੋਨੀਟਰਿੰਗ ਕਮੇਟੀ ਫ਼ਾਜ਼ਿਲਕਾ ਵਲੋਂ ਵਿਕਰਮਜੀਤ ਸਿੰਘ ਵੈਟਰਨਰੀ ਇੰਸਪੈਕਟਰ (ਨੋਡਲ ਅਫ਼ਸਰ) ਸਰਕਲ ਘੱਲੂ ਦਾ ਇਕ ਪੱਤਰ ਚਲਾਨ ਨੰਬਰ 92 ਮਿਤੀ 14-05-2026 ਮਿਲਿਆ ਕਿ ਲੋਕੇਸ਼ਨ ਲੈਟੀਚਿਊਡ 30.36676 ਲੋਂਗਿਚਿਊਡ 74.090993 ਪਿੰਡ ਡੰਗਰ ਖੇੜਾ ਵਿਚ ਕਣਕ ਦੇ ਨਾੜ ਨੂੰ ਅੱਗ ਲਗਾਈ ਗਈ ਹੈ | ਜਿਸ ਤੇ ਕਾਰਵਾਈ ਕਰਦੇ ਹੋਏ ਸੋਹਣ ਲਾਲ ਪੁੱਤਰ ਪਿ੍ਥੀ ਰਾਮ ਵਾਸੀ ਪਿੰਡ ਡੰਗਰ ਖੇੜਾ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
