ਗੁਰਦਾਸਪੁਰ, 29 ਮਾਰਚ (ਚੱਕਰਾਜਾ)- ਸ੍ਰੀ ਗੁਰੂ ਨਾਭਾ ਦਾਸ ਦੀ ਸ਼ੋਭਾ ਯਾਤਰਾ 7 ਅਪ੍ਰੈਲ ਨੰੂ ਸ਼ੋ੍ਰਮਣੀ ਮੰਦਿਰ ਪਿੰਡ ਹੱਲਾ ਤੋਂ ਸਵੇਰੇ 10 ਵਜੇ ਕੱਢੀ ਜਾਵੇਗੀ ਜਿਸ ਦੀ ਅਗਵਾਈ ਹਲਕਾ ਦੀਨਾਨਗਰ ਦੀ ਵਿਧਾਇਕਾ ਅਰੁਣਾ ਚੌਧਰੀ, ਸੰਤ ਮਹਾਤਮਾ, ਪੰਚ, ਸਰਪੰਚ, ਪ੍ਰਧਾਨ, ਉਪ ਪ੍ਰਧਾਨ, ਜਨਰਲ ਸਕੱਤਰ, ਸ਼ਹਿਰੀ ਕਮੇਟੀ ਵਲੋਂ ਸਾਂਝੇ ਤੌਰ 'ਤੇ ਕੀਤੀ ਜਾਵੇਗੀ | ਇਸ ਸੰਬੰਧੀ ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਹ ਸ਼ੋਭਾ ਯਾਤਰਾ ਬੈਂਡ ਵਾਜਿਆਂ ਨਾਲ ਪਿੰਡ ਹੱਲਾ ਤੋਂ ਸ਼ੁਰੂ ਹੋ ਕੇ ਗੁਰੂ ਨਾਭਾ ਦਾਸ ਦਾ ਗੁਣਗਾਨ ਕਰਦੇ ਹੋਏ ਪਿੰਡ ਲਿੱਤਰ, ਬਾਬੋਵਾਲ ਤੋਂ ਹੁੰਦੀ ਹੋਈ ਸ਼ਾਮ ਨੰੂ ਆਰੰਭਿਕ ਸਥਾਨ 'ਤੇ ਸਮਾਪਤੀ ਹੋਵੇਗੀ | ਇਸ ਮੌਕੇ ਲੰਗਰ ਅਤੁੱਟ ਵਰਤਾਏ ਜਾਣਗੇ | ਜਦੋਂ ਕਿ 8 ਅਪ੍ਰੈਲ ਨੰੂ ਸ਼ੋ੍ਰਮਣੀ ਮੰਦਿਰ ਪਿੰਡ ਹੱਲਾ ਵਿਖੇ ਗੁਰੂ ਨਾਭਾ ਦਾਸ ਜੀ ਦੇ ਜਨਮ ਦਿਹਾੜੇ ਮੌਕੇ ਸਤਿਸੰਗ ਕਰਵਾਇਆ ਜਾਵੇਗਾ |
