ਗੁਰਦਾਸਪੁਰ, 27 ਮਾਰਚ (ਅਸ਼ੋਕ ਸ਼ਰਮਾ)- ਪੰਜਾਬੀ ਸੱਭਿਆਚਾਰਕ ਤੇ ਸਾਹਿੱਤਿਕ ਵਿਰਾਸਤਾਂ ਵਿਕਾਸ ਕੇਂਦਰ ਪੁਰਾਣਾ ਸ਼ਾਲਾ ਵਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮਾਤਾ ਅਮਰ ਕੌਰ ਦੀ ਨਿੱਘੀ ਯਾਦ ਨੰੂ ਸਮਰਪਿਤ ਸਿਮਰਤੀ ਸਨਮਾਨ ਸਮਾਗਮ 5 ਅਪ੍ਰੈਲ ਨੰੂ ਡਾ: ਸੁਰਿੰਦਰ ਕਾਹਲੋਂ ਦੇ ਗ੍ਰਹਿ ਵਿਖੇ ਪੱਤਨ ਵਾਲੀ ਸੜਕ ਪੁਰਾਣਾ ਸ਼ਾਲਾ ਵਿਖੇ ਕਰਵਾਇਆ ਜਾ ਰਿਹਾ ਹੈ ਜਿਸ ਦੀਆਂ ਤਿਆਰੀਆਂ ਜੰਗੀ ਪੱਧਰ 'ਤੇ ਚੱਲ ਰਹੀਆਂ ਹਨ | ਇਸ ਸੰਬੰਧੀ ਬਜ਼ੁਰਗ ਉੱਘੇ ਲੇਖਕ ਡਾ: ਸੁਰਿੰਦਰ ਕਾਹਲੋਂ ਤੇ ਲੇਖਕ ਲਖਨ ਮੇਘੀਆਂ ਨੇ ਦੱਸਿਆ ਕਿ ਇਸ ਸਮਾਗਮ 'ਚ ਕਲਮਕਾਰ ਦੀ ਰਾਜਨੀਤੀ, ਰਣਨੀਤੀ ਤੇ ਸਿਆਸਤ ਕੀ ਹੋਵੇ, 'ਤੇ ਵਿਚਾਰ ਗੋਸ਼ਟੀ ਹੋਵੇਗੀ | ਉਨ੍ਹਾਂ ਦੱਸਿਆ ਕਿ ਸਮਾਗਮ ਦੌਰਾਨ ਡਾ: ਸੁਮੇਲ ਸਿੰਘ ਸਿੱਧੂ, ਸੁਲਤਾਨ ਭਾਰਤੀ, ਸੁਨੀਲ ਕੁਮਾਰ ਯੁਮਨ, ਤਰਸੇਮ ਸਿੰਘ ਭੰਗੂ, ਵਿਜੇ ਅਗਨੀਹੋਤਰੀ, ਨਰਿੰਦਰ ਸਿੰਘ ਸੰਘਾ, ਪੱਥਰ ਦਿਲ ਪਨਿਆੜ, ਰਾਹੁਲ ਚਿੱਤਰਕਾਰ ਬਾਲਾਪਿੰਡੀ, ਪੱਤਰਕਾਰ ਅਸ਼ੋਕ ਸ਼ਰਮਾ, ਡਾ: ਸਰਬਜੀਤ ਕੌਰ ਸੰਧਾਵਾਲੀਆ, ਸਿਸਟਰ ਬੈਂਸੀ ਜੇ ਪਿ੍ੰਸੀਪਲ ਲਿਟਲ ਫਲਾਵਰ ਸਕੂਲ, ਸਵਿੰਦਰ ਕੌਰ ਕੁਹਾੜ, ਡਾ: ਰਮਿੰਦਰ ਕੌਰ, ਮਲਿਕਾ ਮੰਡ, ਹਰਜੀਤ ਕੌਰ, ਪੂਨਮ ਸੈਣੀ ਤੇ ਕੰਵਲਜੀਤ ਕੌਰ ਆਦਿ ਨੰੂ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਜਾਵੇਗਾ |
