ਸਹੂੰਗੜਾ ਤੋਂ ਲੈ ਕੇ ਸੜੋਆ ਤੱਕ ਸੜਕ ’ਤੇ ਲੁੱਕ ਪਾਉਣ ਦੀ ਮੰਗ

ਸੜੋਆ, 2 ਨਵੰਬਰ (ਹਰਮੇਲ ਸਹੂੰਗੜਾ)-ਬਲਾਕ ਸੜੋਆ ਦੇ ਪੈਂਦੇ ਪਿੰਡ ਸਹੂੰਗੜਾ ਤੋਂ ਲੈ ਕੇ ਸੜੋਆ ਤੱਕ ਸਰਕਾਰ ਵਲੋਂ ਬਣਾਈ ਜਾ ਲਿੰਕ ਸੜਕ ਕਰੀਬ ਇੱਕ ਸਾਲ ਤੋਂ ਵੱਧ ਸਮਾਂ ਹੋ ਗਿਆ ਪੁੱਟੀਆਂ ਗਈਆਂ ਸੜਕਾਂ ਨੂੰ ਜਿਸ ਨੂੰ ਕਿ ਮੰਡੀ ਬੋਰਡ ਵਲੋਂ ਹਲੇ ਤੱਕ ਕੋਈ ਵੀ ਧਿਆਨ ਨਹੀਂ ਦਿੱਤਾ ਗਿਆ। ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਜਨਰਲ ਕੌਂਸਲ ਮੈਂਬਰ ਜਥੇਦਾਰ ਸਤਨਾਮ ਸਿੰਘ ਸਹੂੰਗੜਾ ਅਤੇ ਸਾਬਕਾ ਸਰਪੰਚ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਕਰੀਬ ਇੱਕ ਸਾਲ ਹੋ ਗਿਆ ਸੜਕ ਪੁੱਟੀ ਨੂੰ ਨਾ ਤਾਂ ਹਲਕਾ ਵਿਧਾਇਕਾ ਇਨ੍ਹਾਂ ਸੜਕਾਂ ਵੱਲ ਕੋਈ ਧਿਆਨ ਦੇ ਰਹੇ ਅਤੇ ਨਾ ਹੀ ਮੰਡੀ ਬੋਰਡ ਦੇ ਅਧਿਕਾਰੀਆਂ ਦੇ ਕੰਨ ’ਤੇ ਜੂ ਸਰਕ ਰਹੀ ਹੈ।