ਪਾਈਪ ਲਾਈਨ ਦੇ ਖੱਡੇ ਕਾਰਨ ਘਰਾਂ ਦਾ ਰਸਤਾ ਬੰਦ ਲੋਕ ਪ੍ਰੇਸ਼ਾਨ

 ਘੁੰਮਣਾਂ, 14 ਜੂਨ (ਮਹਿੰਦਰਪਾਲ ਸਿੰਘ)-ਨਹਿਰ ਤੋਂ ਜੋ ਖੇਤਾਂ ਨੂੰ ਪਾਣੀ ਲਾਉਣ ਲਈ ਪਾਈਪ ਲਾਈਨ ਪਾਈ ਜਾ ਰਹੀ ਹੈ ਉਸੇ ਤਹਿਤ ਪਿੰਡ ਮੇਹਲੀਆਣਾ ਦੇ ਘਰਾਂ ਨੂੰ ਜਾ ਰਿਹਾ ਰਸਤਾ ਪੁੱਟੇ ਨੂੰ 15 ਦਿਨ ਦੇ ਕਰੀਬ ਹੋ ਗਏ ਉਪਰੋਂ ਬਰਸਾਤੀ ਮੌਸਮ ਹੈ। ਅਮਰਜੀਤ ਸਿੰਘ ਨੇ ਦੱਸਿਆ ਕਿ ਠੇਕੇਦਾਰ ਨੇ ਨਾ ਪਾਇਪ ਰਸਤੇ ਵਿਚ ਪਾਈ ਹੈ ਨਾ ਹੀ ਖੱਡਾ ਰਸਤੇ ਵਿਚੋਂ ਠੀਕ ਕੀਤਾ। ਰਸਤੇ ਦੇ ਦੋਨੋ ਪਾਸੇ ਖੇਤ ਲਗਦੇ ਹਨ। ਰਸਤਾ ਖੱਡੇ ਕਾਰਨ ਛੱਪੜ ਬਣ ਗਿਆ ਹੈ ਮੀਂਹ ਦੇ ਪਾਣੀ ਨਾਲ ਭਰ ਗਿਆ ਹੈ ਘਰਾਂ ਵਾਲਿਆਂ ਨੂੰ ਪ੍ਰੇਸ਼ਾਨੀ ਆਉਂਦੀ ਹੈ। ਠੇਕੇਦਾਰ ਫੋਨ ਨਹੀਂ ਚੱਕ ਰਿਹਾ। ਮੁਹੱਲਾ ਨਿਵਾਸੀ ਅਮਰਜੀਤ ਸਿੰਘ, ਇੰਦਰਜੀਤ ਕੌਰ, ਕੁਲਵਿੰਦਰ ਕੌਰ, ਸੁਰਜੀਤ ਸਿੰਘ ਬਿੱਟੂ, ਬਲਵੀਰ ਕੌਰ, ਦਲਵੀਰ ਕੌਰ, ਮਨਜੀਤ ਕੌਰ, ਰਣਜੀਤ ਕੌਰ ਚੰਨੀ ਨੇ ਮੰਗ ਕੀਤੀ ਹੈ ਕਿ ਰਸਤੇ ‘ਚੋਂ ਖੱਡਾ ਠੀਕ ਕੀਤਾ ਜਾਵੇ।