ਉੜਾਪੜ/ਲਸਾੜਾ, 29 ਮਈ (ਲਖਵੀਰ ਸਿੰਘ ਖੁਰਦ)-ਸਵ: ਪਹਿਲਵਾਨ ਜਸਵਿੰਦਰ ਸਿੰਘ ਰੋਡਾ ਦੀ ਯਾਦ ਵਿਚ ਪਿੰਡ ਚੱਕਦਾਨਾ ਵਿਖੇ 1 ਜੂਨ ਨੂੰ ਸਾਲਾਨਾ ਛਿੰਝ ਮੇਲਾ ਕਰਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਟਰੱਸਟ ਦੇ ਮੁੱਖ ਸੇਵਾਦਾਰ ਪਰਵਿੰਦਰ ਸਿੰਘ ਪੰਚ ਨੇ ਦੱਸਿਆ ਕਿ ਪਹਿਲੀ ਜੂਨ ਨੂੰ ਸ਼ਾਮ 4 ਵਜੇ ਕੁਟੀਆ ਨਜ਼ਦੀਕ ਬਣੇ ਅਖਾੜੇ ਵਿਚ ਸੱਦੇ ਹੋਏ ਅਖਾੜਿਆਂ ਦੇ ਪਹਿਲਵਾਨਾਂ ਦੀਆਂ ਕੁਸ਼ਤੀਆਂ ਹੋਣਗੀਆਂ | ਇਸ ਦਿਨ ਹੋ ਰਹੀਆਂ ਤਿੰਨ ਵੱਡੀਆਂ ਪੱਟਕੇ ਦੀਆਂ ਕੁਸ਼ਤੀਆਂ ਵਿਚ ਪਹਿਲੀ ਕੁਸ਼ਤੀ ਸ਼ੇਰਾ ਬਾਬਾ ਫਲਾਹੀ ਤੇ ਇਰਵਾਨ ਇਰਾਨ ਮੁਲਾਂਪੁਰ ਵਿਚਕਾਰ, ਦੂਜੀ ਤਾਲਬ ਬਾਬਾ ਫਲਾਹੀ ਤੇ ਸੁਖਚੈਨ ਹਰਿਆਣਾ ਵਿਚਕਾਰ ਅਤੇ ਤੀਜੀ ਸਹਿਬਾਜ ਅਲਮਗੀਰ ਤੇ ਜੱਸਾ ਫਗਵਾੜਾ ਵਿਚਕਾਰ ਹੋਵੇਗੀ | ਇਸ ਤੋਂ ਇਲਾਵਾ ਦੁਪਹਿਰ 2 ਵਜੇ ਟਰਾਲੀ ਬੈਕ ਕਰਨ ਦੇ ਮੁਕਾਬਲੇ ਵੀ ਕਰਵਾਏ ਜਾਣਗੇ |
