ਕਾਠਗੜ੍ਹ, 16 ਮਈ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਐਲਾਨੇ ਗਏ 10ਵੀਂ ਤੇ 12ਵੀਂ ਜਮਾਤ ਦੇ ਨਤੀਜਿਆਂ ਵਿਚ ਪੀ. ਐਮ. ਸ੍ਰੀ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰੱਤੇਵਾਲ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਇਲਾਕੇ ਦਾ ਨਾਂਅ ਰੌਸ਼ਨ ਕੀਤਾ ਹੈ | ਨਤੀਜਿਆਂ ਸੰਬੰਧੀ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਪਿ੍ੰਸੀਪਲ ਕਮ ਸਹਾਇਕ ਡਾਇਰੈਕਟਰ ਡਾਇਰੈਕਟੋਰੇਟ ਸਕੂਲ ਐਜੂਕੇਸ਼ਨ (ਸੈਕੰਡਰੀ) ਜਸਜੀਤ ਸਿੰਘ ਨੇ ਦੱਸਿਆ ਕਿ 12ਵੀਂ ਜਮਾਤ ਦੇ ਸਾਇੰਸ ਗਰੁੱਪ ਦੀਕਸ਼ਾ ਨੇ 500 ਵਿਚੋਂ 459 ਅੰਕ 91.8 ਫੀਸਦੀ ਲੈ ਕੇ ਪਹਿਲਾ, ਅਕਾਂਕਸ਼ਾ ਨੇ 456 ਅੰਕਾਂ 91.2 ਫੀਸਦੀ ਨਾਲ ਦੂਜਾ ਤੇ ਅਲੀਸ਼ਾ ਨੇ 436 ਅੰਕਾਂ 87.2 ਫੀਸਦੀ ਨਾਲ ਤੀਜਾ ਸਥਾਨ ਹਾਸਿਲ ਕੀਤਾ | ਕਾਮਰਸ ਗਰੁੱਪ ਸਾਕਸ਼ੀ ਨੇ 423 ਅੰਕ 84.6 ਫੀਸਦੀ ਪ੍ਰਾਪਤ ਕਰਕੇ ਪਹਿਲਾ, ਗੁਰਸੇਵਕ ਨੇ 421 ਅੰਕਾਂ 84.2 ਫੀਸਦੀ ਨਾਲ ਦੂਜਾ ਤੇ ਅਮਨਪ੍ਰੀਤ ਨੇ 414 ਅੰਕਾਂ 82.8 ਫੀਸਦੀ ਨਾਲ ਤੀਜਾ ਸਥਾਨ ਹਾਸਿਲ ਕੀਤਾ | ਆਰਟਸ ਗਰੁੱਪ ਨਿਕਿਤਾ ਨੇ 394 ਅੰਕ 78.8 ਫੀਸਦੀ ਲੈ ਕੇ ਪਹਿਲਾ, ਗੁਰਸੇਵਕ ਨੇ 387 ਅੰਕਾਂ 77.4 ਫੀਸਦੀ ਨਾਲ ਦੂਜਾ ਤੇ ਤਾਨੀਆ ਨੇ 380 ਅੰਕਾਂ 76 ਫੀਸਦੀ ਨਾਲ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸੇ ਤਰ੍ਹਾਂ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ, ਸਕੂਲ ਦੀ ਹੋਣਹਾਰ ਵਿਦਿਆਰਥਣ ਮੁਸਕਾਨ ਨੇ 10ਵੀਂ ਜਮਾਤ ਵਿਚੋਂ 650 ਵਿੱਚੋਂ 623 ਅੰਕ 95.85 ਫੀਸਦੀ ਹਾਸਿਲ ਕਰਕੇ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੀ ਮੈਰਿਟ ਸੂਚੀ ਵਿਚ ਤੀਜਾ ਸਥਾਨ ਪ੍ਰਾਪਤ ਕਰਕੇ ਸਕੂਲ ਅਤੇ ਪੇਂਡੂ ਇਲਾਕੇ ਦਾ ਨਾਂਅ ਪੂਰੇ ਸੂਬੇ ਵਿਚ ਚਮਕਾਇਆ ਹੈ | ਸਕੂਲ ਪੱਧਰ 'ਤੇ ਏਕਮ ਜੋਤ ਨੇ 650 ਵਿਚੋਂ 548 ਅੰਕ 84.3 ਫੀਸਦੀ ਲੈ ਕੇ ਦੂਜਾ ਅਤੇ ਕਮਲਜੀਤ ਨੇ 650 'ਚੋਂ 540 ਅੰਕ 83.1 ਫੀਸਦੀ ਲੈ ਕੇ ਤੀਜਾ ਸਥਾਨ ਪ੍ਰਾਪਤ ਕੀਤਾ ਹੈ | ਇਸ ਮਾਣਮੱਤੀ ਪ੍ਰਾਪਤੀ ਦੀ ਖੁਸ਼ੀ ਵਿਚ ਸਕੂਲ ਵਿਚ ਕਰਵਾਈ ਗਈ ਵਿਸ਼ੇਸ਼ ਸਭਾ ਦੌਰਾਨ ਬੱਚਿਆਂ ਦੀ ਹੌਂਸਲਾ ਅਫ਼ਜ਼ਾਈ ਕਰਦਿਆਂ ਪਿ੍ੰਸੀਪਲ ਜਸਜੀਤ ਸਿੰਘ ਨੇ ਬਹੁਤ ਹੀ ਪ੍ਰੇਰਨਾਦਾਇਕ ਅਤੇ ਉਤਸ਼ਾਹ ਵਰਧਕ ਸੰਬੋਧਨ ਕੀਤਾ |
