ਰੱਤੇਵਾਲ, 11 ਅਪ੍ਰੈਲ (ਅਸ਼ੋਕ ਕੁਮਾਰ ਲੀਲ) - ਪਿਛਲੇ ਦਿਨੀ ਹਰਮੇਸ਼ ਲਾਲ ਜਨਾਗਲ ਸਦੀਵੀ ਵਿਛੋੜਾ ਦੇ ਗਏ ਸਨ | ਉਨ੍ਹਾਂ ਦੇ ਜੱਦੀ ਪਿੰਡ ਰੱਤੇਵਾਲ ਵਿਖੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਲਈ ਸਾਥੀ ਕਰਨ ਸਿੰਘ ਰਾਣਾ ਜਨਰਲ ਸਕੱਤਰ ਸਾਂਝਾ ਕਿਸਾਨ ਮਜ਼ਦੂਰ ਮੋਰਚਾ ਸਬੰਧਤ ਭਾਈ ਲਾਲੋ ਲੋਕ ਮੰਚ ਪੰਜਾਬ ਵਿਸ਼ੇਸ਼ ਤੌਰ 'ਤੇ ਪੁੱਜੇ | ਇਸ ਮੌਕੇ ਸਾਥੀ ਕਰਨ ਸਿੰਘ ਰਾਣਾ ਨੇ ਦੱਸਿਆ ਕਿ ਸਾਥੀ ਹਰਮੇਸ਼ ਲਾਲ ਜਨਾਗਲ ਜੱਥੇਬੰਦੀ ਦੇ ਅੰਬੇਡਕਰ ਯੂਨਿਟ ਦੇ ਸਰਗਰਮ ਵਰਕਰ ਸਨ | ਉਨ੍ਹਾਂ ਦਾ ਸਦੀਵੀ ਵਿਛੋੜਾ ਪਰਿਵਾਰ ਅਤੇ ਜੱਥੇਬੰਦੀ ਨੂੰ ਵੱਡਾ ਘਾਟਾ ਹੈ | ਉਨ੍ਹਾਂ ਪਰਿਵਾਰ ਨੂੰ ਭਰੋਸਾ ਦਿੱਤਾ ਕਿ ਜੱਥੇਬੰਦੀ ਬੰਦੀ ਹਰ ਸਮੇਂ ਪਰਿਵਾਰ ਦੇ ਅੰਗ ਸੰਗ ਰਹੇਗੀ ਅਤੇ ਆਸ ਪ੍ਰਗਟ ਕੀਤੀ ਕਿ ਪਰਿਵਾਰ ਹਮੇਸ਼ਾ ਜਥੇਬੰਦੀ ਨਾਲ ਜੁੜ ਕੇ ਰਹੇਗਾ | ਇਸ ਮੌਕੇ ਸਾਥੀ ਕਰਨੈਲ ਸਿੰਘ ਭੱਲਾ, ਮਾਸਟਰ ਮੋਹਨ ਲਾਲ, ਮਨੋਹਰ ਲਾਲ, ਧੰਨ ਪੱਤ ਰਾਏ, ਭਜਨ ਰਾਮ, ਸੋਹਨ ਲਾਲ , ਜਸਵਿੰਦਰ ਖਾਲਸਾ ਆਦਿ ਕਈ ਮੈਂਬਰ ਹਾਜ਼ਰ ਸਨ |
