ਨਵਾਂਸ਼ਹਿਰ, 6 ਮਾਰਚ (ਹਰਮਿੰਦਰ ਸਿੰਘ ਪਿੰਟੂ)-ਕਲਾਕਾਰ ਸੰਗੀਤ ਸਭਾ ਰਜਿ. ਨਵਾਂਸ਼ਹਿਰ ਵਲੋਂ ਦੁਆਬੇ ਦੀ ਮਾਣਮੱਤੀ ਗਾਇਕਾ ਰਾਣੀ ਅਰਮਾਨ ਦਾ ਸਿੰਗਲ ਟਰੈਕ ਗੀਤ 'ਮਾਂ ਸਰਸਵਤੀ' ਦਾ ਪੋਸਟਰ ਕਲਾਕਾਰ ਸੰਗੀਤ ਸਭਾ ਦੇ ਪ੍ਰਧਾਨ ਵੈਦ ਲਖਵਿੰਦਰ ਸਿੰਘ ਸੂਰਾਪੁਰੀ ਤੇ ਸਾਥੀਆਂ ਵਲੋਂ ਜਾਰੀ ਕੀਤਾ ਗਿਆ | ਜਾਣਕਾਰੀ ਦਿੰਦੇ ਹੋਏ ਗਾਇਕਾ ਰਾਣੀ ਅਰਮਾਨ ਨੇ ਦੱਸਿਆ ਕਿ ਇਸ ਗੀਤ ਨੂੰ ਪਾਰਸ ਬੈਂਸ ਨੇ ਕੰਮ ਕਲਮਬੰਦ ਕੀਤਾ ਹੈ ਤੇ ਜਿਸ ਨੂੰ ਮੈਂ ਖੁਦ ਗਾ ਕੇ ਲੋਕਾਂ ਦੀ ਕਚਹਿਰੀ ਵਿੱਚ ਪੇਸ਼ ਕੀਤਾ ਹੈ | ਇਸ ਮੌਕੇ ਪ੍ਰਧਾਨ ਲਖਵਿੰਦਰ ਸੂਰਾਪੁਰੀ, ਅਵਤਾਰ ਸਿੰਘ ਯੂ.ਐੱਸ.ਏ., ਕਮਲਜੀਤ ਨਵਾਂਸ਼ਹਿਰ, ਹਰਦੇਵ ਚਾਹਲ, ਵਾਸਦੇਵ ਪਰਦੇਸੀ ਆਦਿ ਹਾਜ਼ਰ ਸਨ |
