ਭਨੋਹੜ ’ਚ ਹਰਿਆਵਲ ਤਹਿਤ ਬੂਟੇ ਲਾਉਣ ਵਾਲੇ ਨੌਜਵਾਨਾਂ ਨੂੰ ਡੀ.ਐੱਸ.ਪੀ. ਕਰਨ ਸੰਧੂ ਨੇ ਕੀਤਾ ਉਤਸ਼ਾਹਿਤ
ਮੁੱਲਾਂਪੁਰ-ਦਾਖਾ, 13 ਅਗਸਤ (ਨਿਰਮਲ ਸਿੰਘ ਧਾਲੀਵਾਲ)-ਪਿੰਡ ਭਨੋਹੜ ਦੇ ਨੌਜਵਾਨਾਂ ਵਲੋਂ ਬਲਿਹਾਰੀ ਕੁਦਰਤਿ ਵਸਿਆ ਹੇਠ ਸਾਉਣ ਮਹੀਨੇ ਹਰਿਆਵਲ ਤਹਿਤ ਬੂਟੇ ਲਾਉਣ ਸਮੇਂ ਵਿਕਰਮਜੀਤ ਸਿੰਘ ਵਿੱਕੀ, ਕਿਰਨਜੀਤ ਸਿੰਘ, ਅਵਤਾਰ ਸਿੰਘ, ਭਿੰਦਰ ਸਿੰਘ, ਕੁਲਵੰਤ ਸਿੰਘ, ਝਲਮਣ ਸਿੰਘ, ਊਧਮ ਸਿੰਘ, ਸੇਮਾ, ਪੱਪੂ, ਸਾਹਿਬ, ਸੁੱਖਾ ਸਿੰਘ, ਹੋਰਨਾਂ ਵਲੋਂ ਹਰਿਆਵਲ ਤਹਿਤ ਬੂਟੇ ਲਾਉਣ ਦੀ ਮੁਹਿੰਮ ਨੂੰ ਸ਼ਾਬਾਸ਼ ਦੇਣ ਲਈ ਦਾਖਾ ਪੁਲਿਸ ਸਬ ਡਵੀਜਨ ਦੇ ਡੀ. ਐੱਸ.
ਮੁੱਲਾਂਪੁਰ-ਦਾਖਾ, 13 ਅਗਸਤ (ਨਿਰਮਲ ਸਿੰਘ ਧਾਲੀਵਾਲ)-ਪਿੰਡ ਭਨੋਹੜ ਦੇ ਨੌਜਵਾਨਾਂ ਵਲੋਂ ਬਲਿਹਾਰੀ ਕੁਦਰਤਿ ਵਸਿਆ ਹੇਠ ਸਾਉਣ ਮਹੀਨੇ ਹਰਿਆਵਲ ਤਹਿਤ ਬੂਟੇ ਲਾਉਣ ਸਮੇਂ ਵਿਕਰਮਜੀਤ ਸਿੰਘ ਵਿੱਕੀ, ਕਿਰਨਜੀਤ ਸਿੰਘ, ਅਵਤਾਰ ਸਿੰਘ, ਭਿੰਦਰ ਸਿੰਘ, ਕੁਲਵੰਤ ਸਿੰਘ, ਝਲਮਣ ਸਿੰਘ, ਊਧਮ ਸਿੰਘ, ਸੇਮਾ, ਪੱਪੂ, ਸਾਹਿਬ, ਸੁੱਖਾ ਸਿੰਘ, ਹੋਰਨਾਂ ਵਲੋਂ ਹਰਿਆਵਲ ਤਹਿਤ ਬੂਟੇ ਲਾਉਣ ਦੀ ਮੁਹਿੰਮ ਨੂੰ ਸ਼ਾਬਾਸ਼ ਦੇਣ ਲਈ ਦਾਖਾ ਪੁਲਿਸ ਸਬ ਡਵੀਜਨ ਦੇ ਡੀ.ਐੱਸ.ਪੀ ਕਰਨ ਸਿੰਘ ਸੰਧੂ ਉਚੇਚਾ ਪਿੰਡ ਭਨੋਹੜ ਪਹੁੰਚੇ। ਨੌਜਵਾਨਾਂ ਨੂੰ ਬੂਟੇ ਲਾਉਣ, ਉਨ੍ਹਾਂ ਦੀ ਸੰਭਾਲ ਲਈ ਪ੍ਰੇਰਿਤ ਕਰਦਿਆਂ ਡੀ.ਐੱਸ.ਪੀ ਕਰਨ ਸਿੰਘ ਸੰਧੂ ਨੇ ਕਿਹਾ ਕਿ ਧਰਤੀ ਦੀ ਵਧ ਰਹੀ ਤਪਸ਼, ਪਰਲੋ ਦੇ ਬੂਹੇ ’ਤੇ ਪੰਜਾਬ ਬਚਾਉਣ ਲਈ ਬੂਟੇ ਲਗਾਉਣਾ ਜੀਵਨ ਦਾਨ ਤੋਂ ਘੱਟ ਨਹੀਂ। ਉਨ੍ਹਾਂ ਕਿਹਾ ਕਿ ਰੁੱਖ ਸਾਡੀ ਸ਼੍ਰਿਸ਼ਟੀ ਦਾ ਅਹਿਮ ਅੰਗ ਹੈ, ਪੰਜਾਬ ਦੇ ਸੱਭਿਆਚਾਰ ਦਾ ਹਿੱਸਾ ਬਣੇ ਪਿੱਪਲ, ਬੋਹੜ, ਜੰਡ, ਬੇਰੀ, ਕਰੀਰ, ਧਰੇਕ ਦਾ ਨਾਂਅ ਲੋਕ ਬੋਲੀਆਂ ਵਿਚ ਖੂੱਲ੍ਹ ਕੇ ਆਉਂਦਾ ਹੈ। ਡੀ.ਐੱਸ.ਪੀ ਕਰਨ ਸਿੰਘ ਸੰਧੂ ਨੇ ਦੱਸਿਆ ਕਿ ਵਾਤਾਵਰਨ ’ਚ ਆਈ ਤਬਦੀਲੀ ਨਾਲ ਸਾਡੀਆਂ ਵਾਹੀਯੋਗ ਜ਼ਮੀਨਾਂ ਦਰਿਆਵਾਂ, ਝੀਲਾਂ ਦਾ ਹਿੱਸਾ ਬਣ ਗਈਆਂ, ਇਨ੍ਹਾਂ ਦਰਿਆਵਾਂ ਦਾ 70 ਫੀਸਦੀ ਪਾਣੀ ਦੂਸ਼ਿਤ ਹੋ ਗਿਆ। ਨੌਜਵਾਨਾਂ ਨੂੰ ਵਾਤਾਵਰਨ ਪੱਖੀ ਅਰਥਚਾਰੇ ’ਤੇ ਚਰਚਾ ਕਰਨੀ ਚਾਹੀਦੀ ਹੈ। ਪਿੰਡ ਭਨੋਹੜ ਦੇ ਸਮੁੱਚੇ ਨੌਜਵਾਨਾਂ ਵਲੋਂ ਉਚੇਚਾ ਪਹੁੰਚੇ ਡੀ.ਐੱਸ.ਪੀ ਕਰਨ ਸਿੰਘ ਸੰਧੂ ਨੂੰ ਸਨਮਾਨਿਤ ਕੀਤਾ।
