ਰਾਹੁਲ ਗਾਂਧੀ ਦੇ ‘ਛਾਤਰੋਂ ਕੀ ਗੂੰਜ’ ਖ਼ਿਲਾਫ਼ ਨਵੀਂ ਵੈੱਬਸਾਈਟ ?

ਨਵੀਂ ਦਿੱਲੀ, 27 ਅਗਸਤ (ਉਪਮਾ ਡਾਗਾ ਪਾਰਥ)- ਲੋਕ ਸਭਾ ’ਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਵਲੋਂ ਕੀਤੇ ਜਾ ਰਹੇ ਪ੍ਰੋਗਰਾਮ ‘ਛਾਤਰੋਂ ਕੀ ਗੂੰਜ’ ਦੇ ਖ਼ਿਲਾਫ਼ ਇਕ ਨਵੀਂ ਵੈੱਬਸਾਈਟ ਬਣਾਈ ਗਈ ਹੈ, ਜਿਸ ਦਾ ਨਾਂਅ ‘ਝੂਠ ਕੀ ਗੂੰਜ’ ਰੱਖਿਆ ਗਿਆ ਹੈ। ਵੈੱਬਸਾਈਟ ਦਾ ਦਾਅਵਾ ਹੈ ਕਿ ਉਹ ਹੁਣ ਤੱਕ ਦੇ ਰਾਹੁਲ ਗਾਂਧੀ ਦੇ ਪ੍ਰੋਗਰਾਮਾਂ ਦੇ ਦਾਅਵੇ ਚੈੱਕ ਕਰੇਗੀ। ਭਾਜਪਾ ਨੇ ਇਸ ਵੈੱਬਸਾਈਟ ਨਾਲ ਆਪਣੇ ਕਿਸੇ ਵੀ ਸੰਬੰਧ ਨੂੰ ਖਾਰਜ ਕੀਤਾ ਹੈ। ਵੈੱਬਸਾਈਟ ’ਚ ਦਾਅਵਾ ਕੀਤਾ ਗਿਆ ਹੈ ਕਿ ਰਾਹੁਲ ਗਾਂਧੀ ਵਲੋਂ ਕੀਤੇ 4 ਪ੍ਰੋਗਰਾਮਾਂ ’ਚ 40 ਦਾਅਵੇ ਕੀਤੇ ਗਏ ਹਨ, ਜਿਨ੍ਹਾਂ ’ਚੋਂ 29 ਝੂਠ ਅਤੇ 11 ਗੁਮਰਾਹ ਕਰਨ ਵਾਲੇ ਹਨ।