19-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 02-06-2026

ਜੇ.ਈ.ਈ.-ਐਡਵਾਂਸਡ 'ਚ ਸ਼ੁਭਮ ਕੁਮਾਰ ਦੇਸ਼ ਭਰ 'ਚੋਂ ਅੱਵਲ

ਅਜੀਤ ਡੈਸਕ 02-06-2026


ਨਵੀਂ ਦਿੱਲੀ, 1 ਜੂਨ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਜ਼ੋਨ ਦੇ ਸ਼ੁਭਮ ਕੁਮਾਰ ਨੇ ਆਈ.ਆਈ.ਟੀ. ਪ੍ਰਵੇਸ਼ ਜੇ.ਈ.ਈ.-ਐਡਵਾਂਸਡ 'ਚ ਟਾਪ ਕੀਤਾ ਹੈ | ਅਧਿਕਾਰੀਆਂ ਨੇ ਦੱਸਿਆ ਕਿ ਕੁੱਲ 56,880 ਉਮੀਦਵਾਰ ਸਾਂਝੀ ਦਾਖ਼ਲਾ ਪ੍ਰੀਖਿਆ 2026 ਲਈ ਕੁਆਲੀਫ਼ਾਈ ਹੋਏ | ਇਨ੍ਹਾਂ 'ਚ 10,107 ਔਰਤ ਉਮੀਦਵਾਰ ਹਨ, ਜਦੋਂ ਕਿ 46,773 ਪੁਰਸ਼ ਉਮੀਦਵਾਰ ਹਨ | ਆਈ.ਆਈ.ਟੀ. ਦਿੱਲੀ ਜ਼ੋਨ ਦੇ ਸ਼ੁਭਮ ਕੁਮਾਰ ਨੇ ਕਾਮਨ ਰੈਂਕ ਲਿਸਟ (ਸੀ. ਆਰ. ਐਲ.) 'ਚ 360 'ਚੋਂ 330 ਅੰਕ ਹਾਸਿਲ ਕਰਕੇ ਟਾਪ ਰੈਂਕ ਹਾਸਿਲ ਕੀਤਾ ਹੈ | ਆਈ.ਆਈ.ਟੀ. ਦਿੱਲੀ ਜ਼ੋਨ ਦੀ ਆਰੋਹੀ ਦੇਸ਼ਪਾਂਡੇ 360 'ਚੋਂ 280 ਅੰਕ (ਸੀ.ਆਰ.ਐਲ. 77) ਹਾਸਿਲ ਕਰਕੇ ਟਾਪ ਰੈਂਕ ਵਾਲੀ ਮਹਿਲਾ ਉਮੀਦਵਾਰ ਬਣੀ | ਕਬੀਰ ਛਿਲਰ 329 ਅੰਕਾਂ ਨਾਲ ਦੂਸਰੇ ਸਥਾਨ ਅਤੇ ਜਤਿਨ ਚਾਹਰ 319 ਅੰਕਾਂ ਨਾਲ ਤੀਸਰੇ ਸਥਾਨ 'ਤੇ ਰਹੇ | ਭਾਰਤੀ ਤਕਨੀਕੀ ਸੰਸਥਾਨ ਰੁੜਕੀ ਵਲੋਂ ਜਾਰੀ ਕੀਤੇ ਅੰਕੜਿਆਂ ਅਨੁਸਾਰ 17 ਮਈ ਨੂੰ ਕਰਵਾਈ ਗਈ ਜੇ.ਈ.ਈ.-ਐਡਵਾਂਸਡ 2026 ਦੇ ਦੋਵਾਂ ਪੇਪਰਾਂ 'ਚ ਕੁੱਲ 1,79,694 ਉਮੀਦਵਾਰ ਸ਼ਾਮਿਲ ਹੋਏ ਸਨ, ਜਦੋਂ ਕਿ ਕੁੱਲ 1,87,389 ਉਮੀਦਵਾਰਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ |
ਬਠਿੰਡਾ ਦੇ ਤਿੰਨ ਵਿਦਿਆਰਥੀ ਚਮਕੇ
ਬਠਿੰਡਾ, (ਅੰਮਿ੍ਤਪਾਲ ਸਿੰਘ ਵਲ੍ਹਾਣ)-ਨਤੀਜੇ ਵਿਚ ਯਜਤ ਸਿੰਘਲ ਨੇ ਆਲ ਇੰਡੀਆ ਰੈਂਕ (ਏ. ਆਈ. ਆਰ.) 21 ਹਾਸਿਲ ਕਰਕੇ ਬਠਿੰਡਾ ਦਾ ਨਾਂਅ ਦੇਸ਼ ਭਰ ਵਿਚ ਰੌਸ਼ਨ ਕੀਤਾ¢ ਇਸੇ ਤਰ੍ਹਾਂ ਆਦਿਤਿਆ ਗੁਪਤਾ ਨੇ ਏ. ਆਈ. ਆਰ. 81 ਅਤੇ ਨਿਸ਼ਕਰਸ਼ ਵਰਮਾ ਨੇ ਏ. ਆਈ. ਆਰ. 150 ਪ੍ਰਾਪਤ ਕਰਕੇ ਆਪਣੀ ਮਿਹਨਤ ਦੇ ਝੰਡੇ ਗੱਡੇ ਹਨ | ਸ੍ਰੀ ਚੈਤਨਿਆ ਨਾਰਥ ਦੇ ਅਕਾਦਮਿਕ ਡਾਇਰੈਕਟਰ ਮਿ੍ਣਾਲ ਨੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ |

ਪਿਛਲੀ ਖ਼ਬਰ ਇਜ਼ਰਾਈਲ ਵਲੋਂ ਬੈਰੂਤ ਦੇ ਦੱਖਣੀ ਉਪਨਗਰਾਂ 'ਤੇ ਹਮਲੇ ਦਾ ਹੁਕਮ ਅਗਲੀ ਖ਼ਬਰ ਵਪਾਰਕ ਗੈਸ ਸਿਲੰਡਰ ਦੀ ਕੀਮਤ 'ਚ 42 ਰੁਪਏ ਦਾ ਵਾਧਾ

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।