ਬੁਢਲਾਡਾ , 6 ਦਸੰਬਰ (ਸਵਰਨ ਸਿੰਘ ਰਾਹੀ)- ਲਾਲਾ ਅਰਜਨ ਦਾਸ ਮੈਮੋਰੀਅਲ ਡੀ.ਏ.ਵੀ. ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਬੁਢਲਾਡਾ ਦੇ ਵਿਦਿਆਰਥੀਆਂ ਦੇ ਇੰਟਰ-ਹਾਊਸ ਡਾਂਸ ਮੁਕਾਬਲੇ ਕਰਵਾਏ ਗਏ | ਵਿਦਿਆਰਥੀਆਂ ਨੇ ਵੱਖ-ਵੱਖ ਭਾਰਤੀ ਅਤੇ ਪੱਛਮੀ ਨਾਚਾਂ ਰਾਹੀਂ ਸਕੂਲ ਦੇ ਵੱਖ ਵੱਖ ਚਾਰ ਹਾਊਸਾਂ ਦੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਕਲਾ ਦਾ ਪ੍ਰਦਰਸ਼ਨ ਕੀਤਾ | ਪੰਜਾਬੀ ਸੱਭਿਆਚਾਰ ਦੇ ਪ੍ਰਤੀਕ ਭੰਗੜੇ ਅਤੇ ਗਿੱਧੇ ਸਮੇਤ ਕਲਾਸੀਕਲ ਡਾਂਸ, ਬਾਲੀਵੁੱਡ ਅਤੇ ਸਮਕਾਲੀ ਨਾਚਾਂ ਦੀ ਪੇਸ਼ਕਾਰੀਆਂ ਸ਼ਾਮਲ ਸਨ | ਪਿ੍ੰਸੀਪਲ ਮਦਨ ਲਾਲ ਨੇ ਵਿਦਿਆਰਥੀ ਪੇਸ਼ਕਾਰੀਆਂ ਦੀ ਪ੍ਰਸ਼ੰਸਾ ਕੀਤੀ | ਲੜਕਿਆ 'ਚੋਂ ਮਾਹਿਨ ਸਿੰਘ (ਹਿਮਾਲਿਆ ਹਾਊਸ) ਨੇ ਪਹਿਲਾ, ਗੁਰਪਿਆਰ ਸਿੰਘ (ਸ਼ਿਵਾਲਿਕ ਹਾਊਸ) ਦੂਜਾ, ਗੁਰਨੂਰ ਸਿੰਘ (ਵਿੰਧਿਆਂਚਲ ਹਾਊਸ) ਨੇ ਤੀਜਾ ਸਥਾਨ ਹਾਸਲ ਕੀਤਾ | ਕੁੜੀਆਂ 'ਚੋਂ ਹੇਜ਼ਲ (ਸ਼ਿਵਾਲਿਕ ਹਾਊਸ) ਪਹਿਲਾ, ਸਤਕਾਰਜੋਤ ਕੌਰ (ਅਰਾਵਲੀ ਹਾਊਸ) ਦੂਜਾ ਅਤੇ ਅਨੀਸ਼ਾ (ਵਿੰਧਿਆਂਚਲ ਹਾਊਸ) ਨੇ ਤੀਜਾ ਸਥਾਨ ਹਾਸਲ ਕੀਤਾ |
