ਨਕੋਦਰ, 20 ਨਵੰਬਰ (ਗੁਰਵਿੰਦਰ ਸਿੰਘ)-ਅਪੈਕਸ ਇੰਟਰਨੈਸ਼ਨਲ ਪਬਲਿਕ ਸਕੂਲ 'ਚ ਕਲਾਸਾਂ (ਨਰਸਰੀ-5) ਲਈ ਇੱਕ ਦਿਨ 'ਕਿਡਜ਼ ਕਾਰਨੀਵਲ' ਕਰਵਾਇਆ ਗਿਆ | ਕਾਰਨੀਵਲ ਦੀ ਸ਼ੁਰੂਆਤ ਕਾਰਨੀਵਲ ਦੇ ਪ੍ਰਵੇਸ਼ ਦੁਆਰ Ýਤੇ ਵਿਦਿਆਰਥੀਆਂ ਦੇ ਮਜ਼ੇਦਾਰ ਮਸਤੀ ਭਰੇ ਪ੍ਰਵੇਸ਼ ਨਾਲ ਹੋਈ | ਵੱਖ-ਵੱਖ ਗੇਮ ਸਟਾਲ ਅਤੇ ਗਤੀਵਿਧੀਆਂ ਨੇ ਵਿਦਿਆਰਥੀਆਂ ਦਾ ਮਨੋਰੰਜਨ ਕੀਤਾ | ਬੱਚਿਆਂ ਲਈ ਵੱਖ-ਵੱਖ ਹੁਨਰ, ਮਜ਼ੇਦਾਰ ਅਤੇ ਮੌਕਾ-ਆਧਾਰਤ ਖੇਡਾਂ ਸਨ | ਵਿਦਿਆਰਥੀਆਂ ਨੇ ਵੱਖ-ਵੱਖ ਸਵਾਰੀਆਂ, ਝੂਲਿਆਂ ਅਤੇ ਮਜ਼ੇਦਾਰ ਖੇਡਾਂ ਦਾ ਆਨੰਦ ਮਾਣਿਆ | ਵਿਸ਼ੇਸ਼ ਆਕਰਸ਼ਣ 'ਫੋਟੋ ਪੁਆਇੰਟ' ਸੀ ਜਿੱਥੇ ਵਿਦਿਆਰਥੀਆਂ ਦੀਆਂ ਆਪਣੇ ਦੋਸਤਾਂ ਅਤੇ ਅਧਿਆਪਕਾਂ ਨਾਲ ਫੋਟੋਆਂ ਕਲਿੱਕ ਕੀਤੀਆਂ | ਸਕੂਲ ਦੇ ਚੇਅਰਮੈਨ ਸਰਦਾਰ ਰਵਿੰਦਰ ਸਿੰਘ ਦੋਸਾਂਝ ਅਤੇ ਪਿ੍ੰਸੀਪਲ ਮੈਡਮ ਸ਼ਾਲੂ ਗੁਪਤਾ ਨੇ ਕਿਹਾ ਕਿ ਅਜਿਹੀਆਂ ਗਤੀਵਿਧੀਆਂ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਜ਼ਰੂਰੀ ਹਨ |
