ਆਦਮਪੁਰ, 19 ਨਵੰਬਰ (ਹਰਪ੍ਰੀਤ ਸਿੰਘ)-ਕਸਬਾ ਅਲਾਵਲ ਵਾਸੀ ਕੁਲਵਿੰਦਰ ਕੌਰ ਜੋ ਕਿ ਬੀ.ਐਸ.ਐਫ ਵਿੱਚ ਬਤੌਰ ਮਹਿਲਾ ਕਾਂਸਟੇਬਲ ਦੀ ਨੌਕਰੀ ਕਰ ਰਹੀ ਸੀ, ਕੈਂਸਰ ਦੀ ਨਾਮੁਰਾਦ ਬਿਮਾਰੀ ਦੀ ਚਪੇਟ ਵਿੱਚ ਆਉਣ ਕਰਕੇ ਆਪਣੀ ਜ਼ਿੰਦਗੀ ਦੀ ਜੰਗ ਹਾਰ ਗਈ | ਉਨ੍ਹਾਂ ਦੀ ਅੰਤਿਮ ਅਰਦਾਸ ਦੌਰਾਨ ਵੱਖ-ਵੱਖ ਪਾਰਟੀਆਂ ਦੇ ਸਿਆਸੀ, ਧਾਰਮਿਕ, ਰਾਜਨੀਤਿਕ ਅਤੇ ਹੋਰ ਆਗੂਆਂ ਵਲੋਂ ਕਾਂਸਟੇਬਲ ਕੁਲਵਿੰਦਰ ਕੌਰ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਗਏ | ਇਸ ਮੌਕੇ ਪਿਤਾ ਤਰਸੇਮ ਲਾਲ ਨੇ ਦੱਸਿਆ ਕਿ ਧੀ ਕੁਲਵਿੰਦਰ ਕੌਰ ਬਚਪਨ ਤੋਂ ਹੀ ਦੇਸ ਦੀ ਸੇਵਾ ਕਰਨ ਦਾ ਦਿਲ ਵਿੱਚ ਜਾਨੂੰਨ ਸੀ ਅਤੇ ਆਪਣੀ ਮਿਹਨਤ ਨਾਲ ਭਰਤੀ ਹੋਈ ਸੀ ਅਤੇ ਆਪਣੇ ਪਰਿਵਾਰ ਨਾਲ ਆਪਣੇ ਇਲਾਕੇ ਦਾ ਨਾਂਅ ਰੌਸ਼ਨ ਕੀਤਾ | ਇਸ ਮੌਕੇ ਤਰਸੇਮ ਲਾਲ, ਮਾਤਾ ਕਮਲਾ ਦੇਵੀ, ਪਤੀ ਸੰਨੀ ਕੁਮਾਰ, ਭੈਣ ਪ੍ਰੀਆ, ਚਾਚਾ ਜੋਗਿੰਦਰ ਪਾਲ, ਚਾਚੀ ਰੀਤਾ ਦੇਵੀ, ਸਰਬਜੀਤ ਤੇ ਪਰਮਜੀਤ ਦੋਵੇਂ ਭਰਾ, ਮੁਕੱਦਰ ਲਾਲ ਕਾਂਗਰਸੀ ਆਗੂ, ਰਾਜੀਵ ਪਾਂਜਾ ਭਾਜਪਾ ਆਗੂ, ਸੁਭਾਸ਼ ਭਨੋਟ ਕਾਂਗਰਸੀ ਆਗੂ, ਦੀਪਕ ਗੁਪਤਾ ਸਾਬਕਾ ਕੌਸਲਰ, ਅਵਤਾਰ ਸਿੰਘ ਮਾਧੋਪੁਰੀ, ਮਦਨ ਲਾਲ ਮਦੀ ਕੌਂਸਲਰ, ਦਲਵੀਰ ਸਿੰਘ, ਸੋਮਨਾਥ ਪ੍ਰਧਾਨ, ਮਹਿੰਦਰ ਪਾਲ ਕਾਨੂੰਗੋ, ਬਲਜੀਤ ਸਿੰਘ, ਰੀਮਾ ਬੱਧਣ, ਰਾਜਵਿੰਦਰ ਕੌਰ, ਕਿਰਨਜੀਤ ਕੌਰ ਸਮੇਤ ਪਰਿਵਾਰਿਕ ਮੈਂਬਰ ਤੇ ਸ਼ਹਿਰ ਵਾਸੀ ਹਾਜ਼ਰ ਹੋਏ |
