ਲੁੱਟੇ ਦੇ ਗਹਿਣੇ, ਵਾਰਦਾਤ 'ਚ ਇਸਤੇਮਾਲ ਹੋਇਆ ਮੋਟਰਸਾਈਕਲ, ਦਾਤਰ ਅਤੇ ਪਾਏ ਕੱਪੜੇ ਬਰਾਮਦ
ਅਜੀਤ ਡੈਸਕ
06-11-2025
ਡੀ.ਸੀ.ਪੀ. ਢਿਲੋਂ ਨੇ ਕਿਹਾ ਕਿ ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ ਪੁਲਿਸ ਰਾਜਸਥਾਨ ਦੇ ਪੁਸ਼ਕਰ ਸ਼ਹਿਰ ਵਿਖੇ ਪਹੁੰਚੀ, ਜਿੱਥੋਂ ਪੁਲਿਸ ਪਾਰਟੀ ਨੇ ਮੁਲਜ਼ਮਾਂ ਅਤੇ ਉਨ੍ਹਾਂ ਨੂੰ ਪਨਾਹ ਦੇਣ ਵਾਲੇ ਨੂੰ ਗਿ੍ਫ਼ਤਾਰ ਕਰ ਲਿਆ, ਜਿਨ੍ਹਾਂ ਨੂੰ ਟ੍ਰਾਂਸਿਜ਼ ਰਿਮਾਂਡ 'ਤੇ ਜਲੰਧਰ ਲਿਆਉਣ ਤੋਂ ਬਾਅਦ 4 ਦਿਨ ਦਾ ਰਿਮਾਂਡ ਲਿਆ ਗਿਆ ਸੀ | ਉਨ੍ਹਾਂ ਦੱਸਿਆ ਕਿ ਰਿਮਾਂਡ ਦੌਰਾਨ ਮੁਲਜ਼ਮਾਂ ਦੀ ਨਿਸ਼ਾਨਦੇਹੀ 'ਤੇ ਲੁੱਟਸ਼ੁਦਾ ਸਾਰੇ ਹੀ ਗਹਿਣੇ ਬਰਾਮਦ ਕਰ ਲਏ ਗਏ ਹਨ |
ਬਰਾਮਦਗੀ ਦੌਰਾਨ ਕੁਸ਼ਲ ਦੀ ਲੱਤ ਟੁੱਟੀ, ਇਲਾਜ ਅਧੀਨ
ਡੀ.ਸੀ.ਪੀ. ਮਨਪ੍ਰੀਤ ਸਿੰਘ ਢਿੱਲੋਂ ਨੇ ਜਾਣਕਾਰੀ ਦਿੱਤੀ ਕਿ ਪੁਲਿਸ ਪਾਰਟੀ ਜਦੋਂ ਮੁਲਜ਼ਮਾਂ ਤੋਂ ਲੁੱਟਸ਼ੁਦਾ ਗਹਿਣੇ ਬਰਾਮਦ ਕਰਵਾਉਣ ਲਈ ਉਨ੍ਹਾਂ ਨੂੰ ਲੈ ਕੇ ਜਾ ਰਹੀ ਸੀ, ਤਾਂ ਕੁਸ਼ਲ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ, ਜੋ ਕੰਧ ਟੱਪਦੇ ਹੋਏ, ਡਿੱਗ ਗਿਆ ਅਤੇ ਉਸ ਦੀ ਲੱਤ ਟੁੱਟ ਗਈ, ਜਿਸ ਦਾ ਸਿਵਲ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ |
ਵਾਰਦਾਤ ਤੋਂ ਬਾਅਦ ਆਪਣੇ ਇਕ ਸਾਥੀ ਨੂੰ ਦੇ ਗਏ ਸਨ ਪਿਸਤੌਲ
ਮੁਲਜ਼ਮਾਂ ਨੇ ਖੁਲਾਸਾ ਕੀਤਾ ਕਿ ਵਾਰਦਾਤ ਤੋਂ ਬਾਅਦ ਫ਼ਰਾਰ ਹੋਣ ਤੋਂ ਪਹਿਲਾਂ ਉਹ ਆਪਣੇ ਇਕ ਸਾਥੀ ਨੂੰ ਪਿਸਤੌਲ ਦੇ ਗਏ ਸਨ | ਪੁਲਿਸ ਨੇ ਉਸ ਵਿਅਕਤੀ ਨੂੰ ਵੀ ਮਾਮਲੇ 'ਚ ਨਾਮਜ਼ਦ ਕਰ ਲਿਆ ਹੈ ਅਤੇ ਉਸ ਦੀ ਗਿ੍ਫ਼ਤਾਰੀ ਲਈ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ |
