ਨਗਰ ਨਿਗਮ ਪੱਕੇ ਤੌਰ 'ਤੇ ਬੰਦ ਕਰੇਗਾ ਖ਼ਾਲਸਾ ਸਕੂਲ ਵਾਲਾ ਕੂੜੇ ਦਾ ਡੰਪ
ਅਜੀਤ ਡੈਸਕ
20-07-2025
ਸਭ ਤੋਂ ਪੁਰਾਣੇ ਕਾਲਜ ਦੇ ਕੋਲ ਨਿਗਮ ਨੇ ਅਜੇ ਤੱਕ ਬੰਦ ਨਹੀਂ ਕੀਤਾ ਡੰਪ
ਸ਼ਹਿਰ ਵਿਚ ਚਾਹੇ ਲੋਕਾਂ ਨੂੰ ਰਾਹਤ ਦੇਣ ਲਈ ਤੇਜ਼ੀ ਨਾਲ ਡੰਪ ਬੰਦ ਕੀਤੇ ਜਾ ਰਹੇ ਹਨ ਪਰ ਐਨ. ਜੀ. ਟੀ. ਵਿਚ ਲੋਕਾਂ ਵਲੋਂ ਸ਼ਿਕਾਇਤ ਕਰਨ ਦੇ ਬਾਵਜੂਦ ਨਿਗਮ ਨੇ ਕੇ. ਐਮ. ਵੀ. ਕਾਲਜ ਅਤੇ ਸਕੂਲ ਤੋਂ ਇਲਾਵਾ ਜਲੰਧਰ ਮਾਡਲ ਸਕੂਲ ਦੇ ਨਾਲ ਹੀ ਬਣੇ ਵਿਕਾਸ ਪੁਰੀ ਦੇ ਡੰਪ ਨੂੰ ਬੰਦ ਕਰਨ ਲਈ ਕੋਈ ਫ਼ੈਸਲਾ ਨਹੀਂ ਕੀਤਾ ਹੈ ਤੇ ਇਸ ਡੰਪ ਦੇ ਹੋਣ ਕਰਕੇ ਲੋਕਾਂ, ਬੱਚਿਆਂ ਨੂੰ ਪੇ੍ਰਸ਼ਾਨੀ ਹੋਣ ਦੇ ਬਾਵਜੂਦ ਉਨ੍ਹਾਂ ਦੀ ਕੋਈ ਸੁਣਵਾਈ ਨਹੀਂ ਹੋ ਰਹੀ ਹੈ | ਇਲਾਕਾ ਵਾਸੀ ਇਸ ਡੰਪ ਨੂੰ ਬੰਦ ਕਰਵਾਉਣ ਲਈ ਕਈ ਵਾਰ ਧਰਨਾ ਪ੍ਰਦਰਸ਼ਨ ਵੀ ਕਰ ਚੁੱਕੇ ਹਨ | ਚੇਤੇ ਰਹੇ ਕਿ ਇਸ ਡੰਪ ਦੇ ਬਿਲਕੁਲ ਸਾਹਮਣੇ ਸਭ ਤੋਂ ਪੁਰਾਣਾ ਜਲੰਧਰ ਮਾਡਲ ਸਕੂਲ ਵੀ ਸਥਿਤ ਹੈ ਜਿੱਥੇ ਕਿ ਬੱਚੇ ਸਾਰਾ ਦਿਨ ਉੱਠਦੀ ਬਦਬੂ ਤੋਂ ਪੇ੍ਰਸ਼ਾਨ ਰਹਿੰਦੇ ਹਨ |
