17-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 16-07-2025

ਪਲਾਟਾਂ ਤੋਂ ਕੂੜਾ ਨਾ ਚੁੱਕਣ ਵਾਲਿਆਂ ਤੋਂ ਹੁਣ ਨਿਗਮ ਵਸੂਲੇਗੀ ਜੁਰਮਾਨਾ <br/>

ਇਕ ਥਾਂ ਤੋਂ ਸਾਮਾਨ ਚੁੱਕਦੀ ਹੋਈ ਨਿਗਮ ਟੀਮ | ਤਸਵੀਰ : ਮੁਨੀਸ਼ <br/> ਗੌਤਮ ਜੈਨ <br/> ਗੁਰੂ ਨਾਨਕ ਮਿਸ਼ਨ ਚੌਕ ਵਿਚ ਖਾਲੀ ਪਲਾਟਾਂ ਵਿਚ ਕੂੜਾ ਨਾ ਚੁੱਕਣ 'ਤੇ ਜੁਰਮਾਨਾ ਲਗਾਏ ਜਾਣ ਵਾਲੇ ਬੋਰਡ | <br/> 16-07-2025
ਜਲੰਧਰ, 15 ਜੁਲਾਈ (ਸ਼ਿਵ)-ਆਪਣੇ ਖ਼ਾਲੀ ਪਏ ਪਲਾਟਾਂ ਵਿਚੋਂ ਲੋਕਾਂ ਵਲੋਂ ਕੂੜਾ ਨਾ ਚੁੱਕੇ ਜਾਣ 'ਤੇ ਹੁਣ ਨਿਗਮ ਵਲੋਂ ਜੁਰਮਾਨਾ ਵਸੂਲ ਕੀਤਾ ਜਾਵੇਗਾ | ਨਿਗਮ ਕਮਿਸ਼ਨਰ ਗੌਤਮ ਜੈਨ ਨੇ ਇਸ ਬਾਰੇ ਅੱਜ ਹਦਾਇਤਾਂ ਜਾਰੀ ਕਰ ਦਿੱਤੀਆਂ ਹਨ | ਨਿਗਮ ਦਾ ਕਹਿਣਾ ਸੀ ਕਿ ਲੋਕਾਂ ਨੂੰ ਪਹਿਲਾਂ 10 ਜੁਲਾਈ ਤੱਕ ਪਲਾਂਟਾਂ ਦੀ ਸਾਫ਼ ਸਫ਼ਾਈ ਕਰਨ ਲਈ ਕਿਹਾ ਗਿਆ ਸੀ ਤੇ ਇਸ ਤੋਂ ਬਾਅਦ ਉਨਾਂ ਤੋਂ ਜੁਰਮਾਨਾ ਵਸੂਲਣ ਦੀ ਗੱਲ ਕਹੀ ਗਈ ਹੈ | ਨਿਗਮ ਵਲੋਂ ਹੁਣ ਪਲਾਟਾਂ ਤੋਂ ਆਪ ਸਫ਼ਾਈ ਕਰਵਾਈ ਜਾਵੇਗੀ ਤੇ ਇਸ ਦਾ ਖਰਚਾ ਲੋਕਾਂ ਤੋਂ ਵਸੂਲ ਕੀਤਾ ਜਾਵੇਗਾ ਜਿਨ ਵਿਚ 200ਗਜ ਤੱਕ ਵਾਲੇ ਪਲਾਟ ਮਾਲਕ ਤੋਂ 10 ਹਜ਼ਾਰ ਰੁਪਏ, 200 ਤੋਂ 500 ਗਜ ਤੱਕ 20 ਹਜ਼ਾਰ ਰੁਪਏ ਤੇ 500 ਗਜ ਤੋਂ ਜ਼ਿਆਦਾ 30 ਹਜ਼ਾਰ ਰੁਪਏ ਜਿਸ ਵਿਚ ਪ੍ਰਤੀ ਟਿੱਪਰ ਦੇ ਹਿਸਾਬ ਨਾਲ 10 ਹਜ਼ਾਰ ਰੁਪਏ ਦੀ ਵਸੂਲੀ ਕੀਤੀ ਜਾਵੇਗੀ | ਉਪਰੋਕਤ ਜੁਰਮਾਨੇ ਅਤੇ ਖ਼ਰਚੇ ਦੀ ਰਕਮ ਪਲਾਟ ਦੇ ਕਾਬਜ਼, ਮਾਲਕ ਵਲੋਂ ਨਗਰ ਨਿਗਮ ਜਲੰਧਰ ਵਿਖੇ 10 ਦਿਨਾਂ ਵਿਚ ਜਮਾਂ ਕਰਵਾਈ ਜਾਵੇਗੀ | ਰਕਮ ਜਮਾਂ ਨਾ ਕਰਵਾਉਣ ਦੀ ਸੂਰਤ ਵਿਚ ਪਲਾਟ ਦੀ ਡੀ.ਸੀ.ਦਫਤਰ ਵਿਖੇ ਰੈਵੀਨਿਊ ਰਿਕਾਰਡ ਵਿਚ ਲਾਲ ਐਂਟਰੀ ਕੀਤੀ ਜਾਵੇਗੀ ਅਤੇ ਬਣਦੇ ਜੁਰਮਾਨੇ,ਸਾਫ-ਸਫਾਈ ਕਰਵਾਉਣ ਦੇ ਖ਼ਰਚੇ ਦੀ ਰਕਮ ਪਲਾਟ ਦੀ ਵੇਚ, ਖ਼ਰੀਦ ਸਮੇਂ ਰਜਿਸਟਰੀ ਹੋਣ ਤੋਂ ਪਹਿਲਾਂ ਸਮੇਤ ਵਿਆਜ ਵਸੂਲੀ ਜਾਵੇਗੀ |
ਟਰਾਂਸਪੋਰਟ ਨਗਰ ਤੋਂ ਹਟਾਏ ਕਬਜ਼ੇ
ਜਲੰਧਰ, ਕਮਿਸ਼ਨਰ ਗੌਤਮ ਜੈਨ ਦੀ ਹਦਾਇਤ 'ਤੇ ਅੱਜ ਸੁਪਰਡੈਂਟ ਅਮਿੱਤ ਕਾਲੀਆ ਅਤੇ ਇੰਸਪੈਕਟਰ ਅੰਕੁਸ਼ ਭੱਟੀ ਦੀ ਨਿਗਰਾਨੀ ਹੇਠ ਨਗਰ ਨਿਗਮ ਜਲੰਧਰ ਦੀ ਤਹਿਬਾਜ਼ਾਰੀ ਸ਼ਾਖਾ ਨੇ ਟਰਾਂਸਪੋਰਟ ਨਗਰ ਅਤੇ ਭਾਰਗਵ ਕੈਂਪ ਵਿਚ ਨਾਜਾਇਜ਼ ਕਬਜ਼ੇ ਵਿਰੋਧੀ ਮੁਹਿੰਮ ਚਲਾਈ | ਇਸ ਮੁਹਿੰਮ ਵਿਚ ਸੜਕ ਕਿਨਾਰੇ ਨਾਜਾਇਜ਼ ਕਬਜ਼ੇ, ਅਣਅਧਿਕਾਰਤ ਵਿਕੇ੍ਰਤਾਵਾਂ ਅਤੇ ਜਨਤਕ ਆਵਾਜਾਈ ਵਿਚ ਰੁਕਾਵਟ ਪਾਉਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਕੀਤੀ ਗਈ | ਨਿਗਮ ਟੀਮ ਨੇ ਸੁਚਾਰੂ ਆਵਾਜਾਈ ਲਈ ਸੜਕਾਂ ਅਤੇ ਫੁੱਟਪਾਥ ਸਾਫ਼ ਕਰਵਾਏ ਤੇ ਆਮ ਵਰਤੋਂ ਲਈ ਮੁੜ ਜਨਤਕ ਥਾਵਾਂ ਨੂੰ ਖ਼ਾਲੀ ਕਰਵਾ ਕੇ ਰਾਹਤ ਪ੍ਰਦਾਨ ਕੀਤੀ ਗਈ | ਉਲੰਘਣਾ ਕਰਨ ਵਾਲਿਆਂ ਅਤੇ ਅਣਅਧਿਕਾਰਤ ਕਬਜ਼ਾ ਧਾਰੀਆਂ ਵਿਰੁੱਧ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰਵਾਈ ਗਈ |

ਪਿਛਲੀ ਖ਼ਬਰ ਰਮਨ ਅਰੋੜਾ ਦੀ ਆਵਾਜ਼ ਅਤੇ ਸੁਖਦੇਵ ਵਸ਼ਿਸ਼ਟ ਦੀ ਲਿਖਾਈ ਦੇ ਸੈਂਪਲ ਲੈਣ ਸੰਬੰਧੀ ਅਰਜ਼ੀਆਂ ਮਨਜ਼ੂਰ <br/> ਅਗਲੀ ਖ਼ਬਰ ਡਿਪਟੀ ਕਮਿਸ਼ਨਰ ਵਲੋਂ ਲੰਮਾ ਪਿੰਡ-ਜੰਡੂਸਿੰਘਾ ਮਾਰਗ ਨੂੰ ਚੌੜਾ ਤੇ ਚਹੁੰਮਾਰਗੀ ਕਰਨ ਦੀ ਪ੍ਰਗਤੀ ਦਾ ਲਿਆ ਜਾਇਜ਼ਾ <br...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।