ਯਮੁਨਾਨਗਰ, 19 ਨਵੰਬਰ (ਗੁਰਦਿਆਲ ਸਿੰਘ ਨਿਮਰ)-ਸਥਾਨਕ ਗੁਰੂ ਨਾਨਕ ਖਾਲਸਾ ਕਾਲਜ ਨੇ ਪੁਰਸ਼ (ਮੈਨਜ਼) ਦੀ ਵੇਟਲਿਫਟਿੰਗ ਕੇ, ਯੂ. ਕੇ. ਇੰਟਰ-ਕਾਲਜੀਏਟ ਚੈਂਪੀਅਨਸ਼ਿਪ ਟਰਾਫੀ ਜਿੱਤ ਕੇ 5 ਸੋਨੇ ਅਤੇ 3 ਕਾਂਸੀ ਦੇ ਤਗਮੇ ਹਾਸਿਲ ਕੀਤੇ ਹਨ | ਇਸ ਚੈਂਪੀਅਨਸ਼ਿਪ ਵਿਚ ਸ਼ਾਹ ਅਮਨ ਖਾਨ, ਪਿ੍ੰਸ, ਸਵੈਮ, ਪੀਯੂਸ਼ ਅਤੇ ਸਰਵਰ ਨੇ ਸੋਨ ਤਗਮੇ ਜਿੱਤੇ ਜਦਕਿ ਲਕਸ਼ੈ ਪ੍ਰਤਾਪ, ਆਰੀਅਨ ਅਤੇ ਹਾਰਦਿਕ ਨੇ ਕਾਂਸੀ ਦੇ ਤਗਮਿਆਂ ਨਾਲ ਸ਼ਾਨ ਵਿਚ ਵਾਧਾ ਕੀਤਾ | ਇਸ ਸਫਲਤਾ ਦੀ ਸ਼ਲਾਘਾ ਕਰਦਿਆਂ ਪਿ੍ੰਸੀਪਲ ਡਾ. ਅਰਵਿੰਦਰ ਸਿੰਘ ਭੱਲਾ ਨੇ ਕਿਹਾ ਕਿ ਇਹ ਜਿੱਤ ਅਨੁਸ਼ਾਸਨ, ਸਖ਼ਤ ਮਿਹਨਤ ਅਤੇ ਉੱਤਮਤਾ ਨੂੰ ਦਰਸਾਉਂਦੀ ਹੈ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਕਾਲਜ ਨੂੰ ਸਨਮਾਨ ਦੇਣ ਲਈ ਆਪਣੇ ਐਥਲੀਟਾਂ ਅਤੇ ਕੋਚਾਂ 'ਤੇ ਬਹੁਤ ਮਾਣ ਹੈ | ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਡਾ. ਸੰਜੇ ਵਿਜ ਨੇ ਕਿਹਾ ਕਿ ਉਨ੍ਹਾਂ ਦੀ ਵੇਟਲਿਫਟਿੰਗ ਟੀਮ ਨੇ ਸ਼ਾਨਦਾਰ ਇਕਸਾਰਤਾ ਅਤੇ ਭਾਵਨਾ ਦਾ ਪ੍ਰਦਰਸ਼ਨ ਕੀਤਾ ਹੈ | ਇਸ ਮੌਕੇ ਕੋਚ ਸੀਨੀਅਰ ਸੁਰਜੀਤ ਸਿੰਘ (ਸਾਈ), ਯੋਗੇਸ਼ ਸ਼ਰਮਾ (ਹਰਿਆਣਾ ਖੇਡ ਵਿਭਾਗ) ਅਤੇ ਪ੍ਰੋ. ਸ਼ਿਵ ਕੁਮਾਰ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ | ਇਸ ਮੌਕੇ ਰਣਦੀਪ ਸਿੰਘ ਜੌਹਰ ਪ੍ਰਧਾਨ ਗਵਰਨਿੰਗ ਬਾਡੀ ਅਤੇ ਪ੍ਰਬੰਧਕ ਕਮੇਟੀ ਨੇ ਕਿਹਾ ਕਿ ਇਹ ਬੇਮਿਸਾਲ ਪ੍ਰਾਪਤੀ ਪੂਰੀ ਸੰਸਥਾ ਲਈ ਮਾਣ ਵਧਾਉਂਦੀ ਹੈ ਅਤੇ ਟੀਮ ਦਾ ਸਮਰਪਣ ਸੱਚਮੁੱਚ ਸ਼ਲਾਘਾਯੋਗ ਹੈ |