ਦੇਵਘਰ (ਝਾਰਖੰਡ), 5 ਨਵੰਬਰ (ਪੀ.ਟੀ.ਆਈ.)-ਝਾਰਖੰਡ ਦੇ ਦੇਵਘਰ ਜਿਲ੍ਹੇ ਵਿਚ ਬੁੱਧਵਾਰ ਨੂੰ ਵਿਆਹੁਤਾ ਝਗੜੇ ਨੂੰ ਲੈ ਕੇ ਇੱਕ ਜੋੜੇ ਵਿਚਕਾਰ ਹੋਈ ਹਿੰਸਕ ਝੜਪ ਵਿਚ ਦੋਵਾਂ ਦੀ ਮੌਤ ਹੋ ਗਈ | ਮਿ੍ਤਕਾਂ ਦੀ ਪਛਾਣ ਰਵੀ ਸ਼ਰਮਾ (30) ਅਤੇ ਲਵਲੀ ਸ਼ਰਮਾ (24) ਵਜੋਂ ਹੋਈ ਹੈ, ਦੇਵਘਰ ਸ਼ਹਿਰ ਦੇ ਬੇਲਾਬਾਗਨ ਖੇਤਰ ਵਿੱਚ ਆਪਣੇ ਕਿਰਾਏ ਦੇ ਘਰ ਵਿਚ ਮਿ੍ਤਕ ਪਾਏ ਗਏ | ਟਾਊਨ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਰਾਜੀਵ ਕੁਮਾਰ ਨੇ ਕਿਹਾ, ਮੁੱਢਲੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਮੰਗਲਵਾਰ ਰਾਤ ਨੂੰ ਵਿਆਹੁਤਾ ਝਗੜੇ ਨੂੰ ਲੈ ਕੇ ਜੋੜੇ ਵਿੱਚ ਲੜਾਈ ਹੋਈ ਸੀ | ਦੋਵਾਂ ਲਾਸ਼ਾਂ 'ਤੇ ਤੇਜ਼ਧਾਰ ਹਥਿਆਰਾਂ ਦੇ ਨਿਸ਼ਾਨ ਹਨ ਘਟਨਾ ਸਥਾਨ ਤੋਂ ਇੱਕ ਚਾਕੂ ਬਰਾਮਦ ਕੀਤਾ ਗਿਆ ਹੈ | ਉਨ੍ਹਾਂ ਅੱਗੇ ਕਿਹਾ ਕਿ ਮੌਤ ਦਾ ਅਸਲ ਕਾਰਨ ਸਹੀ ਜਾਂਚ ਤੋਂ ਬਾਅਦ ਹੀ ਪਤਾ ਲੱਗੇਗਾ | ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਰਵੀ ਸ਼ਰਮਾ ਬਿਹਾਰ ਦੇ ਸੀਵਾਨ ਦਾ ਰਹਿਣ ਵਾਲਾ ਸੀ, ਜਦੋਂ ਕਿ ਉਸਦੀ ਪਤਨੀ ਦੇਵਘਰ ਦੇ ਜੂਨ ਪੋਖਰ ਖੇਤਰ ਦੀ ਰਹਿਣ ਵਾਲੀ ਸੀ |
