ਬਾਲ ਗੀਤ

ਛੁੱਟੀਆਂ ਵਿਚ ਨਜ਼ਾਰੇ ਸੀ
ਛੁੱਟੀਆਂ ਵਿਚ ਨਜ਼ਾਰੇ ਸੀ
ਸੋਹਣੇ ਦਿਨ ਗੁਜ਼ਾਰੇ ਸੀ
ਮਰਜ਼ੀ ਦੇ ਨਾਲ ਸੌਂਦੇ ਸੀ
ਮਰਜ਼ੀ ਦੇ ਨਾਲ ਉੱਠਦੇ ਸੀ
ਕਿੰਨੇ ਵਜੇ ਸਕੂਲੇ ਜਾਣਾ
ਘਰਦੇ ਵੀ ਨਾ ਪੁੱਛਦੇ ਸੀ।
ਰੁੱਖਾਂ 'ਤੇ ਜਾ ਚੜ੍ਹਦੇ ਸੀ
ਝੂਠਾ ਮੂਠਾ ਲੜਦੇ ਸੀ
ਕਿੰਨੀ ਛੇਤੀ ਮੰਨ ਜਾਂਦੇ ਸਾਂ
ਸਾਥੀਆਂ ਨਾਲ ਜੇ ਰੁੱਸਦੇ ਸੀ।
ਗਲੀਆਂ ਦੇ ਵਿਚ ਭੱਜਦੇ ਸਾਂ
ਖੇਡ ਖੇਡ ਨਾ ਰੱਜਦੇ ਸਾਂ
ਕੋਈ ਵੀ ਨਾ ਰੋਕਦਾ ਟੋਕਦਾ
ਗਵਾਂਢੀ ਘਰ ਜਾ ਲੁਕਦੇ ਸੀ।
ਪਹਿਲਾਂ ਨਾਨਕੇ ਗਏ ਸੀ
ਫਿਰ ਭੂਆ ਕੋਲ ਜਾ ਰਹੇ ਸੀ
ਰਿਸ਼ਤੇਦਾਰ ਤੇ ਸਕੇ ਸਬੰਧੀ
ਸਾਡੇ ਵੀ ਆ ਢੁਕਦੇ ਸੀ।

-ਕਰਮਜੀਤ ਸਿੰਘ ਗਰੇਵਾਲ
ਲਲਤੋਂ ਕਲਾਂ, ਲੁਧਿਆਣਾ।
ਮੋਬਾਈਲ : 98728-68913