ਬਰਨਾਲਾ, 17 ਜੁਲਾਈ (ਅਸ਼ੋਕ ਭਾਰਤੀ)-ਬਰਨਾਲਾ ਦੇ 24 ਵਰਿ੍ਹਆਂ ਦੇ ਨੌਜਵਾਨ ਚਿਰਾਗ ਗੋਇਲ ਨੇ ਸ੍ਰੀ ਖੰਡ ਮਹਾਦੇਵ ਕੈਲਾਸ਼ ਪਰਬਤ ਦੀ 20 ਹਜ਼ਾਰ ਫੱੁਟ ਪੈਦਲ ਯਾਤਰਾ ਕਰ ਕੇ ਭਗਵਾਨ ਸ਼ਿਵ ਦੇ ਦਰਸ਼ਨ ਕੀਤੇ | ਚਿਰਾਗ ਗੋਇਲ ਨੇ ਜੋਖ਼ਮ ਭਰੀ ਯਾਤਰਾ 7 ਜੁਲਾਈ ਨੂੰ ਆਪਣੇ ਚਾਰ ਸਾਥੀਆਂ ਨਾਲ ਪਿੰਡ ਜਾਉਂ, ਜ਼ਿਲ੍ਹਾ ਕੁੱਲੂ (ਹਿਮਾਚਲ ਪ੍ਰਦੇਸ਼) ਤੋਂ ਅਰੰਭ ਕੀਤੀ ਸੀ, 10 ਜੁਲਾਈ ਨੂੰ ਪੂਰਨਮਾਸ਼ੀ ਵਾਲੇ ਦਿਨ ਭਗਵਾਨ ਸ਼ਿਵਜੀ ਸਿਲਾ ਪਾਈ ਜਾਂਦੀ ਹੈ ਦੇ ਦਰਸ਼ਨ ਕੀਤੇ | ਚਿਰਾਗ ਗੋਇਲ ਨੇ ਦੱਸਿਆ ਕਿ 20 ਹਜ਼ਾਰ ਫੱੁਟ ਉਚਾਈ ਦੀ ਯਾਤਰਾ ਜਿਸ ਦੀ ਲੰਬਾਈ ਇਕ ਪਾਸੇ ਦੀ 35 ਕਿੱਲੋਮੀਟਰ ਦੇ ਕਰੀਬ ਹੈ ਜਿਸ ਨੂੰ ਜੋਖ਼ਮ ਭਰੇ ਰਸਤਿਆਂ ਤੇ ਗਲੇਸ਼ੀਅਰ ਵਿਚੋਂ ਹੁੰਦੇ ਹੋਏ ਪੈਦਲ ਪੂਰੀ ਕੀਤੀ | ਜਿੱਥੇ ਕਿ ਆਕਸੀਜਨ ਦੀ ਮਾਤਰਾ ਵੀ ਘਾਟ ਜਾਂਦੀ ਹੈ ਤੇ ਮੌਸਮ ਸਮੇਂ- ਸਮੇਂ 'ਤੇ ਬਦਲਦਾ ਰਹਿੰਦਾ ਹੈ | ਉਸ ਨੇ ਦੱਸਿਆ ਕਿ ਉਹ ਐੱਚ. ਡੀ. ਐੱਫ. ਸੀ. ਬੈਂਕ ਬਰਨਾਲਾ ਵਿਖੇ ਸੈਲਜ ਅਫ਼ਸਰ ਵਜੋਂ ਸੇਵਾਵਾਂ ਨਿਭਾਅ ਰਹੇ ਹਨ, ਉਨ੍ਹਾਂ ਨੂੰ ਪਹਾੜਾਂ 'ਤੇ ਚੜ੍ਹਨ ਦਾ ਸ਼ੌਕ ਬਚਪਨ ਤੋਂ ਹੀ ਸੀ | ਸਭ ਤੋਂ ਪਹਿਲਾਂ ਉਨ੍ਹਾਂ ਨੇ ਵੈਸ਼ਨੰੂ ਦੇਵੀ, ਕੇਦਾਰਨਾਥ, ਮਨੀ ਮਹੇਸ਼ ਕੈਲਾਸ਼ ਦੀ ਯਾਤਰਾ ਕਰ ਚੱੁਕੇ ਹਨ | ਉਸ ਦੀ ਦਿਲੀ ਇੱਛਾ ਹੈ ਕਿ ਉਹ ਮਾਨ ਸਰੋਵਰ ਦੀ ਯਾਤਰਾ ਭਗਵਾਨ ਸ਼ਿਵ ਦੇ ਆਸ਼ੀਰਵਾਦ ਸਦਕਾ ਕਰਨਾ ਚਾਹੁੰਦੇ ਹਨ |
