ਦੋਰਾਹਾ, 20 ਨਵੰਬਰ (ਪੱਤਰ ਪ੍ਰੇਰਕ)-ਕਨੇਡਾ ਦੀ ਪ੍ਰੋਫੈਸ਼ਨਲ ਐਸੋਸੀਏਸ਼ਨ ਆਫ਼ ਬਿ੍ਟਿਸ਼ ਕੋਲੰਬੀਆ ਨੇ ਗੋਲਫ ਦਾ ਵਕਾਰੀ ਸਨਮਾਨ ਪਲੇਅਰ ਆਫ਼ ਦੀ ਯੀਅਰ-2025 ਦੇਣ ਦਾ ਐਲਾਨ ਕੀਤਾ | ਇਹ ਇਨਾਮ ਪ੍ਰਾਪਤ ਕਰਨ ਵਾਲੀ ਜਯਾ ਰਾਮਪੁਰੀ ਪਹਿਲੀ ਪੰਜਾਬੀ ਖਿਡਾਰਨ ਹੈ | ਜਯਾ ਰਾਮਪੁਰੀ ਪੰਜਾਬੀ ਸਾਹਿਤ ਅਕਾਦਮੀ ਪੁਰਸਕਾਰ ਜੇਤੂ, ਸ਼ੋ੍ਰਮਣੀ ਕਵੀ ਅਤੇ 'ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ' ਦੇ ਮੋਢੀ ਮੈਂਬਰ ਗੁਰਚਰਨ ਰਾਮਪੁਰੀ' ਦੀ ਦੋਹਤੀ ਹੈ | ਜਯਾ ਰਾਮਪੁਰੀ ਗੋਲਫ ਦੇ ਕਈ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਟੂਰਨਾਮੈਂਟ ਜਿੱਤ ਚੁੱਕੀ ਹੈ | ਲੰਮੇ ਕੱਦ ਕਾਠ ਵਾਲੀ ਜਯਾ ਰਾਮਪੁਰੀ ਸਕੂਲੀ ਸਮੇਂ ਵੇਲੇ ਬਾਸਕਟਬਾਲ ਦੀ ਵੀ ਬਹੁਤ ਵਧੀਆ ਖਿਡਾਰਨ ਰਹਿ ਚੁੱਕੀ ਹੈ | ਉਕਤ ਜਾਣਕਾਰੀ ਦਿੰਦੇ ਹੋਏ ਪਿੰਡ ਦੇ ਮੌਜੂਦਾ ਸਰਪੰਚ ਜਸਵੰਤ ਸਿੰਘ ਕਾਲਾ ਰਾਮਪੁਰ ਨੇ ਦੱਸਿਆ ਕਿ ਪਿੰਡ ਰਾਮਪੁਰ ਵਿੱਚ ਖ਼ੁਸ਼ੀ ਦੀ ਲਹਿਰ ਹੈ | ਸਾਡੇ ਪੂਰੇ ਪਿੰਡ ਨੂੰ ਜਯਾ ਰਾਮਪੁਰੀ ਉੱਤੇ ਮਾਣ ਹੈ, ਜਿਸਨੇ ਪਿੰਡ ਰਾਮਪੁਰ ਦਾ ਸਿਰ ਇਲਾਕੇ ਦੇਸ਼ ਵਿਦੇਸ਼ਾਂ ਵਿੱਚ ਉੱਚਾ ਚੁੱਕਿਆ |
