ਖੰਨਾ, 19 ਨਵੰਬਰ (ਹਰਜਿੰਦਰ ਸਿੰਘ ਲਾਲ)-ਦੇਰ ਰਾਤ ਖੰਨਾ ਵਿੱਚ ਤੇਜ ਰਫ਼ਤਾਰ ਕਾਰ ਦਾ ਕਹਿਰ ਵੇਖਣ ਨੂੰ ਮਿਲਿਆ, ਮੰਡੀ ਗੋਬਿੰਦਗੜ੍ਹ ਵੱਲ ਤੋਂ ਆ ਰਹੀ ਤੇਜ਼ ਰਫ਼ਤਾਰ ਕਾਰ ਨੇ ਕਈ ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ, ਇਸ ਦੌਰਾਨ ਕਈ ਲੋਕ ਫੱਟੜ ਵੀ ਹੋ ਗਏ | ਲਾਪਰਵਾਹੀ ਨਾਲ ਕਾਰ ਚਲਾਉਣ ਵਾਲੇ ਕਾਰ ਚਾਲਕ ਨੂੰ ਰਾਹਗੀਰਾਂ ਨੇ ਰੋਕਿਆ ਅਤੇ ਪੁਲਿਸ ਹਵਾਲੇ ਕਰ ਦਿੱਤਾ ਦੱਸਿਆ ਜਾ ਰਿਹਾ ਹੈ ਕੀ ਕਾਰ ਚਾਲਕ ਨਸ਼ੇ ਵਿਚ ਕਾਰ ਭਜਾ ਰਿਹਾ ਸੀ | ਰਾਹਗੀਰਾਂ ਅਨੁਸਾਰ ਇਹ ਕਾਰ ਚਾਲਕ ਪਿੱਛੇ ਵੀ ਤੇਜ਼ੀ ਨਾਲ ਕਾਰ ਚਲਾ ਰਿਹਾ ਸੀ ਅਤੇ ਮੋਟਰਸਾਈਕਲ ਸਵਾਰਾਂ ਨੂੰ ਵੀ ਟੱਕਰ ਮਾਰ ਕੇ ਆਇਆ ਸੀ ਅਤੇ ਜਦੋਂ ਇਹ ਖੰਨਾ ਦੇ ਅਮਲੋਹ ਰੋਡ ਚੌਕ 'ਤੇ ਪੁੱਜਾ ਤਾਂ ਉੱਥੇ ਵੀ ਕਾਰ ਨੂੰ ਟੱਕਰ ਮਾਰ ਆਪਣੀ ਕਾਰ ਵੀ ਲਾਈਟ ਵਾਲੇ ਪੋਲ ਵਿੱਚ ਮਾਰ ਦਿੱਤੀ, ਜਿੱਥੇ ਰਾਹਗੀਰਾਂ ਨੇ ਕਾਰ ਚਾਲਕ ਨੂੰ ਪੁਲਿਸ ਹਵਾਲੇ ਕਰ ਦਿੱਤਾ |