ਮਾਨਸਾ, 20 ਨਵੰਬਰ (ਗੁਰਚੇਤ ਸਿੰਘ ਫੱਤੇਵਾਲੀਆ)-72ਵੇਂ ਸਰਵ ਭਾਰਤੀ ਸਹਿਕਾਰੀ ਸਪਤਾਹ ਦਾ ਆਖ਼ਰੀ ਦਿਨ ਸਥਾਨਕ ਕੇਂਦਰੀ ਸਹਿਕਾਰੀ ਬੈਂਕ ਮੁੱਖ ਦਫ਼ਤਰ ਵਿਖੇ ਮਨਾਇਆ ਗਿਆ | ਰਵੀ ਕੁਮਾਰ ਗੋਇਲ ਸੀਨੀਅਰ ਮੈਨੇਜਰ ਨੇ ਬੈਂਕ ਦੀਆਂ ਕਰਜ਼ਾ ਯੋਜਨਾਵਾਂ ਅਤੇ ਅਮਾਨਤਾਂ 'ਤੇ ਆਕਰਸ਼ਿਤ ਵਿਆਜ ਦਰਾਂ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਬੈਂਕ ਵਲੋਂ ਪਿੰਡਾਂ ਦੀਆਂ ਸਹਿਕਾਰੀ ਸਭਾਵਾਂ ਨੂੰ ਦਿੱਤੇ ਜਾ ਰਹੇ ਫ਼ਸਲੀ ਕਰਜ਼ਿਆਂ ਨਾਲ ਦੇਸ਼ 'ਚ ਹਰਾ ਇਨਕਲਾਬ ਆਇਆ ਹੈ ਅਤੇ ਬੈਂਕ ਸਹਿਕਾਰੀ ਸਭਾਵਾਂ ਰਾਹੀਂ ਚਿੱਟਾ ਅਤੇ ਨੀਲਾ ਇਨਕਲਾਬ ਲਿਆਉਣ 'ਚ ਮੋਹਰੀ ਰੋਲ ਅਦਾ ਕਰ ਰਿਹਾ ਹੈ | ਹਿਤੇਸ਼ ਗੁਪਤਾ ਫ਼ੀਲਡ ਅਫ਼ਸਰ ਇਫਕੋ ਨੇ ਇਫਕੋ ਦੀਆਂ ਖਾਦਾਂ, ਕੀੜੇਮਾਰ ਦਵਾਈਆਂ ਅਤੇ ਬੀਜਾਂ ਦੀ ਸਪਲਾਈ, ਕੁਲਵੰਤ ਸਿੰਘ ਰਾਮਦਿੱਤੇਵਾਲਾ ਚੇਅਰਮੈਨ, ਸ਼ਮਸ਼ੇਰ ਸਿੰਘ ਉਪ ਚੇਅਰਮੈਨ ਤੇ ਬੇਅੰਤ ਸਿੰਘ ਡਾਇਰੈਕਟਰ ਡੀ.ਸੀ.ਯੂ. ਨੇ ਸਹਿਕਾਰੀ ਹਫ਼ਤੇ ਦੀ ਮਹੱਤਤਾ ਬਾਰੇ ਦੱਸਿਆ | ਇਸ ਮੌਕੇ ਜਗਤਾਰ ਸਿੰਘ ਸਰਪੰਚ ਰਾਮਦਿੱਤੇਵਾਲਾ, ਗੁਰਮੀਤ ਸਿੰਘ ਗਾਗੋਵਾਲ ਮੈਨੇਜਰ ਡੀ.ਸੀ.ਯੂ. ਮਾਨਸਾ ਆਦਿ ਹਾਜ਼ਰ ਸਨ |
