ਫ਼ਿਰੋਜ਼ਪੁਰ, 19 ਜਲਾਈ (ਰਾਕੇਸ਼ ਚਾਵਲਾ)-ਵਿਆਹੁਤਾ ਨੂੰ ਦਹੇਜ ਲਈ ਤੰਗ ਪ੍ਰੇਸ਼ਾਨ ਦੇ ਮਾਮਲੇ 'ਚ ਸਹੁਰੇ ਪਰਿਵਾਰ ਦੇ ਤਿੰਨ ਜੀਆਂ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਵਿਆਹੁਤਾ ਜਸਵਿੰਦਰ ਕੌਰ ਪੁੱਤਰੀ ਬਲਕਾਰ ਸਿੰਘ ਹਾਲ ਵਾਸੀ ਬਸਤੀ ਕੇਸਰ ਸਿੰਘ ਵਾਲੀ ਥਾਣਾ ਗੁਰੂਹਰਸਹਾਏ ਨੇ ਦੱਸਿਆ ਕਿ ਉਸ ਦੀ ਸ਼ਾਦੀ 8 ਨਵੰਬਰ 2024 ਨੂੰ ਗੁਰਚਰਨਜੀਤ ਸਿੰਘ ਪੁੱਤਰ ਬਲਵੀਰ ਸਿੰਘ ਵਾਸੀ ਜਲਾਲਾਬਾਦ ਨਾਲ ਹੋਈ ਸੀ | ਸ਼ਾਦੀ ਸਮੇਂ ਮੁਦਈਆ ਦੇ ਮਾਤਾ ਪਿਤਾ ਨੇ ਆਪਣੀ ਹੈਸੀਅਤ ਮੁਤਾਬਿਕ ਦਾਜ ਦਹੇਜ ਦਿੱਤਾ ਸੀ, ਪ੍ਰੰਤੂ ਸਹੁਰੇ ਪਰਿਵਾਰ ਵਾਲੇ ਦਹੇਜ ਦੇ ਸਮਾਨ ਤੋਂ ਖ਼ੁਸ਼ ਨਹੀਂ ਸਨ | ਦਹੇਜ ਦੀ ਹੋਰ ਮੰਗ ਪੂਰੀ ਨਾ ਕਰਨ ਕਰਕੇ ਵਿਆਹੁਤਾ ਨੂੰ ਕੁੱਟਮਾਰ ਕਰ ਘਰੋ ਕੱਢ ਦਿੱਤਾ | ਇਸ ਸਬੰਧੀ ਪੁਲਿਸ ਨੇ ਗੁਰਚਰਨਜੀਤ ਸਿੰਘ , ਬਲਵੀਰ ਸਿੰਘ ਅਤੇ ਦਰਸ਼ਨਾਂ ਵਾਸੀਆਨ ਜਲਾਲਾਬਾਦ ਵਿਰੁੱਧ ਮਹਿਲਾ ਥਾਣਾ ਵਿਖੇ ਕੇਸ ਦਰਜ ਕੀਤਾ ਹੈ |
