ਨਾਰਾਜ਼ ਕੌਂਸਲਰਾਂ ਨੇ ਨਗਰ ਕੌਂਸਲ ਪ੍ਰਧਾਨ ਖ਼ਿਲਾਫ਼ ਖੋਲਿ੍ਹਆ ਮੋਰਚਾ <br/>
ਅਜੀਤ ਡੈਸਕ
27-12-2025
ਸਫ਼ਾਈ ਸੰਬੰਧੀ ਪਾਸ ਕੀਤੇ ਜਾ ਰਹੇ 7 ਕਰੋੜ ਦੇ ਟੈਂਡਰਾਂ ਦਾ ਵੀ ਉੱਠਿਆ ਮੁੱਦਾ
ਸੰਗਰੂਰ, ਸਾਬਕਾ ਪ੍ਰਧਾਨ ਹਰਬੰਸ ਲਾਲ, ਪਰਮਿੰਦਰ ਸਿੰਘ ਪਿੰਕੀ ਨੇ ਕਿਹਾ ਕਿ ਅੱਜ ਹਾਊਸ ਦੀ ਬਗੈਰ ਪ੍ਰਵਾਨਗੀ ਤੋਂ 7 ਕਰੋੜ ਦੇ ਸਫ਼ਾਈ ਨਾਲ ਜੁੜੇ ਟੈਂਡਰ ਪਾਸ ਕੀਤੇ ਜਾ ਰਹੇ ਹਨ ਜਿਨ੍ਹਾਂ ਨੂੰ ਹਾਊਸ ਦੀ ਮੀਟਿੰਗ ਵਿਚ ਪਹਿਲਾ ਹੀ ਰੱਦ ਕੀਤਾ ਜਾ ਚੁੱਕਿਆ ਹੈ | ਉਨ੍ਹਾਂ ਕਿਹਾ ਕਿ ਜੇ ਹਾਊਸ ਦੀ ਪ੍ਰਵਾਨਗੀ ਤੋਂ ਬਗੈਰ ਹੀ ਕੰਮ ਹੋਣ ਹਨ ਤਾਂ ਚੁਣੇ ਹੋਏ ਨੁਮਾਇੰਦਿਆਂ (ਕੌਂਸਲਰਾਂ) ਦੀ ਅਹਿਮੀਅਤ ਕੀ ਹੈ |
ਰਿਪੂ ਢਿੱਲੋਂ, ਮੇਸੀ ਸਮੇਤ ਹੋਰ ਕੌਂਸਲਰਾਂ ਨੇ ਰੈਕੂਜੀਏਸ਼ਨ ਮੀਟਿੰਗ ਬੁਲਾਉਣ ਲਈ ਕਾਰਜਸਾਧਕ ਅਫ਼ਸਰ ਨਾਲ ਹੋਈ ਤਿੱਖੀ ਨੋਕ ਝੋਕ
ਸੰਗਰੂਰ, ਪਿਛਲੇ ਦਿਨੀਂ ਕਈ ਨਾਰਾਜ਼ ਚੱਲਦੇ ਆ ਰਹੇ ਕੌਂਸਲਰ ਜਿਨ੍ਹਾਂ ਦੀ ਗਿਣਤੀ 10 ਦੇ ਕਰੀਬ ਦੱਸੀ ਜਾ ਰਹੀ ਹੈ, ਵਲੋਂ ਪ੍ਰਧਾਨ ਅਤੇ ਈ.ਓ. ਨੂੰ ਰੈਕੂਜੀਏਸ਼ਨ ਮੀਟਿੰਗ ਬੁਲਾਉਣ ਲਈ ਨੋਟਿਸ ਦਿੱਤਾ ਗਿਆ ਸੀ | ਹਰਬੰਸ ਲਾਲ, ਪਿੰਕੀ ਸਮੇਤ ਹੋਰ ਕੌਂਸਲਰਾਂ ਨੇ ਜਦ ਨਗਰ ਕੌਂਸਲ ਵਿਚ ਪੁੱਜੇ ਸਾਬਕਾ ਪ੍ਰਧਾਨ ਰਿਪੂ ਢਿੱਲੋਂ ਅਤੇ ਮਹੇਸ਼ ਕੁਮਾਰ ਮੇਸੀ ਨੂੰ ਜਾਣੂ ਕਰਵਾਇਆ ਕਿ ਕਾਰਜਸਾਧਕ ਅਫ਼ਸਰ ਅਜਿਹੀ ਮੀਟਿੰਗ ਲਈ ਵਨ ਥਰਡ ਮੈਂਬਰਾਂ ਦੀ ਮੌਜੂਦਗੀ ਦੀ ਗੱਲ ਕਰ ਰਹੇ ਹਨ ਤਾਂ ਮਾਹੌਲ ਇਕਦਮ ਗਰਮਾ ਗਿਆ | ਕਾਰਜਸਾਧਕ ਅਫ਼ਸਰ (ਈ.ਓ.) ਰਾਕੇਸ਼ ਅਰੋੜਾ ਦਫ਼ਤਰ ਵਿਚੋਂ ਜਾਣ ਲਈ ਉਤਾਵਲੇ ਨਜ਼ਰ ਆ ਰਹੇ ਸਨ ਤਾਂ ਕਿ ਕਿਸੇ ਸਵਾਲਾਂ ਦੇ ਜਵਾਬ ਤੋਂ ਬਚਿਆ ਜਾ ਸਕੇ ਪਰ ਰਿਪੂ ਢਿੱਲੋਂ ਨੇ ਉਨ੍ਹਾਂ ਨੂੰ ਕੁਰਸੀ ਉੱਤੇ ਬਠਾਉਂਦਿਆਂ ਕਿਹਾ ਕਿ ਉਹ ਪਹਿਲਾ ਉਨ੍ਹਾਂ ਦੇ ਸਵਾਲਾਂ ਦੇ ਜਵਾਬ ਦੇਣ ਕਿ ਕਿਸ ਵਿਧਾਨ ਤਹਿਤ ਇਸ ਤਰ੍ਹਾਂ ਦੀ ਮੀਟਿੰਗ ਲਈ ਵਨ ਥਰਡ ਮੈਂਬਰਾਂ ਦੀ ਗੱਲ ਹੋ ਰਹੀ ਹੈ | ਉਨ੍ਹਾਂ ਦਾ ਤਰਕ ਸੀ ਕਿ ਇਸ ਮੀਟਿੰਗ ਲਈ ਵਨ ਫਾਈਵ ਮੈਂਬਰਾਂ ਦੀ ਲੋੜ ਹੈ ਅਤੇ ਜੇ ਫਿਰ ਵੀ ਪ੍ਰਧਾਨ ਮੀਟਿੰਗ ਨਹੀ ਬੁਲਾਉਂਦਾ ਤਾਂ ਮੈਂਬਰਾਂ ਨਿਸ਼ਚਤ ਸਮੇਂ ਉਪਰੰਤ ਇਸ ਤਰ੍ਹਾਂ ਦੀ ਮੀਟਿੰਗ ਬੁਲਾ ਸਕਦੇ ਹਨ | ਇਸ ਮੌਕੇ ਈ.ਓ ਸਵਾਲਾਂ ਦੇ ਜਵਾਬ ਤੋਂ ਭੱਜਦੇ ਨਜ਼ਰ ਆਏ |
ਕਲੋਨੀ ਦੇ ਮਸਲੇ ਉੱਤੇ ਕਲੋਨਾਈਜ਼ਰ ਨੂੰ ਭੇਜਿਆ ਨੋਟਿਸ
ਸੰਗਰੂਰ, ਕਾਰਜ ਸਾਧਕ ਅਫ਼ਸਰ ਰਾਕੇਸ਼ ਅਰੋੜਾ ਨੇ ਕਿਹਾ ਕਿ ਜਿਸ ਕਲੋਨੀ ਦੀ ਕੌਂਸਲਰ ਗੱਲ ਕਰ ਰਹੇ ਹਨ ਉਨ੍ਹਾਂ ਦੇ ਕਲੋਨਾਈਜਰ ਨੂੰ ਨੋਟਿਸ ਭੇਜਿਆ ਜਾ ਚੁੱਕਿਆ ਹੈ | ਉਨ੍ਹਾਂ ਕਿਹਾ ਕਿ ਕੌਂਸਲਰ ਜੋ ਭੇਜਿਆ ਜਾ ਚੁੱਕਿਆ ਹੈ | ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕੌਂਸਲਰ ਜੋ ਭਿ੍ਸ਼ਟਾਚਾਰ ਦੇ ਦੋਸ਼ ਉਨ੍ਹਾਂ ਉੱਤੇ ਲਗਾ ਰਹੇ ਹਨ ਉਸ ਸਬੰਧੀ ਉਹ ਕੁੱਝ ਨਹੀਂ ਕਹਿ ਸਕਦੇ ਕਿਉਂਕਿ ਉਹ ਰਾਜਨੀਤਕ ਲੋਕ ਹਨ |
ਦੋਸ਼ ਪੂਰੀ ਤਰ੍ਹਾਂ ਨਿਰਾਆਧਾਰ-ਭੁਪਿੰਦਰ ਸਿੰਘ ਨਹਿਲ
ਸੰਗਰੂਰ, ਨਗਰ ਕੌਂਸਲ ਦੇ ਪ੍ਰਧਾਨ ਭੁਪਿੰਦਰ ਸਿੰਘ ਨਹਿਲ ਨੇ ਦੱਸਿਆ ਕਿ ਵਿਰੋਧੀ ਕੌਂਸਲਰਾਂ ਦੇ ਲਗਾਏ ਦੋਸ਼ ਪੂਰੀ ਤਰ੍ਹਾਂ ਨਿਰਾਆਧਾਰ ਹਨ ਅਤੇ ਝੂਠ ਦਾ ਪੁਲੰਦਾ ਹੈ | ਉਨ੍ਹਾਂ ਕਿਹਾ ਕਿ ਸਬੰਧਿਤ ਕਲੋਨਾਈਜ਼ਰ ਨੂੰ ਨੋਟਿਸ ਜਾਰੀ ਹੋ ਚੁੱਕਿਆ ਹੈ | ਨਹਿਲ ਅਨੁਸਾਰ ਹਰ ਵਿਕਾਸ ਕਾਰਜ ਵਿਚ ਅੜਿੱਕਾ ਲਗਾ ਰਹੇ ਹਨ |
