20-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 20-11-2025

ਘੱਟ ਗਿਣਤੀ ਕਮਿਸ਼ਨ ਮੈਂਬਰ ਨੇ ਜ਼ਿਲ੍ਹਾ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨਾਲ ਕੀਤੀ ਮੁਲਾਕਾਤ <br/>

ਮਲੇਰਕੋਟਲਾ ਵਿਖੇ ਡਿਪਟੀ ਕਮਿਸ਼ਨਰ ਤੇ ਵਧੀਕ ਡਿਪਟੀ ਕਮਿਸ਼ਨਰ ਨਾਲ ਮੁਲਾਕਾਤ ਕਰਦੇ ਘੱਟ ਗਿਣਤੀ ਕਮਿਸ਼ਨ ਪੰਜਾਬ ਦੇ ਮੈਂਬਰ ਸਾਹਿਬਜ਼ਾਦਾ ਨਦੀਮ ਅਨਵਾਰ ਖਾਂ ਅਤੇ ਹੋਰ ਆਗੂ | ਤਸਵੀਰ: ਪਾਰਸ ਜੈਨ <br/> 20-11-2025
ਮਲੇਰਕੋਟਲਾ, 19 ਨਵੰਬਰ (ਪਾਰਸ ਜੈਨ) - ਬੀਤੇ ਦਿਨੀਂ ਘੱਟ ਗਿਣਤੀ ਕਮਿਸ਼ਨ ਪੰਜਾਬ ਵਲੋਂ ਘੱਟ ਗਿਣਤੀ ਭਾਈਚਾਰੇ ਦੀਆਂ ਮੁਸ਼ਕਲਾਂ ਦੇ ਹੱਲ ਸਬੰਧੀ ਜ਼ਿਲ੍ਹਾ ਪ੍ਰਸ਼ਾਸਨ ਨਾਲ ਮੀਟਿੰਗ ਕੀਤੀ ਗਈ ਸੀ | ਜਿਸ ਵਿਚ ਖ਼ਾਸਕਰ ਹਿਬਾਨਾਮਾ ਦੁਬਾਰਾ ਚਾਲੂ ਕਰਨ ਅਤੇ ਸ਼ਹਿਰ ਵਿਚ ਟਰੋਮਾ ਸੈਂਟਰ ਬਣਾਉਣ ਦੀ ਹਦਾਇਤ ਕੀਤੀ ਸੀ | ਉਸ ਮੀਟਿੰਗ ਦੀ ਸਮੀਖਿਆ ਲੈਣ ਲਈ ਘੱਟ ਗਿਣਤੀ ਕਮਿਸ਼ਨ ਪੰਜਾਬ ਦੇ ਮੈਂਬਰ ਸਾਹਿਬਜ਼ਾਦਾ ਨਦੀਮ ਅਨਵਰ ਖ਼ਾਨ ਨੇ ਡਿਪਟੀ ਕਮਿਸ਼ਨਰ ਅਤੇ ਵਧੀਕ ਡਿਪਟੀ ਕਮਿਸ਼ਨਰ ਨਾਲ ਮੁਲਾਕਾਤ ਕੀਤੀ | ਇਸ ਮੁਲਾਕਾਤ ਦੌਰਾਨ ਉਨ੍ਹਾਂ ਮੁਸਲਿਮ ਭਾਈਚਾਰੇ ਦੇ ਜਾਇਦਾਦ ਗਿਫ਼ਟ ਕਰਨ ਦੇ ਸੰਵਿਧਾਨਕ ਹੱਕ ਬਾਰੇ ਆਵਾਜ਼ ਉਠਾਈ | ਉਨ੍ਹਾਂ ਕਿਹਾ ਕਿ ਮੁਸਲਿਮ ਭਾਈਚਾਰੇ ਵੱਲੋਂ ਆਪਣੀ ਜਾਇਦਾਦ ਗਿਫ਼ਟ (ਹਿਬਾ) ਕਰਨ ਦੀ ਪ੍ਰਕਿਰਿਆ ਕਾਫ਼ੀ ਸਮੇਂ ਤੋਂ ਪ੍ਰਸ਼ਾਸਨਿਕ ਪੱਧਰ 'ਤੇ ਰੋਕੀ ਹੋਈ ਹੈ |ਅਤੇ ਸੈਂਕੜਿਆਂ ਪਰਿਵਾਰਾਂ ਦੇ ਰੋਜ਼ਾਨਾ ਦੇ ਕਾਨੂੰਨੀ ਕਾਰਜਾਂ ਨੂੰ ਪ੍ਰਭਾਵਿਤ ਕਰ ਰਹੀ ਹੈ | ਉਨ੍ਹਾਂ ਕਿਹਾ ਕਿ ਰੋਕੀ ਗਈ ਪ੍ਰਕਿਰਿਆ ਨੂੰ ਤੁਰੰਤ ਦੁਬਾਰਾ ਸ਼ੁਰੂ ਕੀਤਾ ਜਾਵੇ, ਸਾਰੇ ਲੰਬਿਤ ਕੇਸ ਇੱਕ ਨਿਰਧਾਰਿਤ ਸਮੇਂ ਵਿਚ ਨਿਪਟਾਏ ਜਾਣ | ਉਨ੍ਹਾਂ ਕਿਹਾ ਕਿ ਮਲੇਰਕੋਟਲਾ ਵਿਖੇ ਸਰਕਾਰ ਵੱਲੋਂ ਮਨਜ਼ੂਰ ਹੋਏ ਏ ਗ੍ਰੇਡ ਦਾ ਟਰੋਮਾ ਸੈਂਟਰ ਦਾ ਕੰਮ ਤੁਰੰਤ ਸ਼ੁਰੂ ਕੀਤਾ ਜਾਵੇ | ਨਦੀਮ ਅਨਵਾਰ ਖਾਂ ਨੂੰ ਦਸਿਆ ਕਿ ਡਿਪਟੀ ਕਮਿਸ਼ਨਰ ਅਤੇ ਵਧੀਕ ਡਿਪਟੀ ਕਮਿਸ਼ਨਰ ਨੇ ਭਰੋਸਾ ਦਿਵਾਇਆ ਕਿ ਹੀਬਾ ਨਾਮੇ ਸਬੰਧੀ ਕਾਨੂੰਨੀ ਪੱਖੋਂ ਜਾਂਚ ਕਰ ਕੇ ਬਣਦੀ ਕਾਰਵਾਈ ਜਲਦ ਕੀਤੀ ਜਾਵੇਗੀ ਅਤੇ ਲੰਬਿਤ ਕੇਸਾਂ ਨੂੰ ਸਮੀਖਿਆ ਮੀਟਿੰਗ ਰਾਹੀਂ ਜਲਦੀ ਨਿਪਟਾਉਣ ਤੇ ਜੋਰ ਦਿੱਤਾ ਜਾਵੇਗਾ | ਟਰੋਮਾ ਸੈਂਟਰ ਸੰਬੰਧੀ ਮਾਮਲੇ ਨੂੰ ਉਚ ਪੱਧਰ ਤੇ ਪਹੁੰਚਾ ਕੇ ਤੁਰੰਤ ਕਾਰਵਾਈ ਲਈ ਰਿਪੋਰਟ ਭੇਜੀ ਜਾਵੇਗੀ | ਇਸ ਮੌਕੇ ਮੁਕਰੱਮ ਸ਼ੈਫੀ, ਸ਼ਹਿਜ਼ਾਦ ਹੁਸੈਨ, ਅਖਲਾਕ ਮੁਹੰਮਦ, ਮੁਹੰਮਦ ਸ਼ਾਹਿਦ, ਫ਼ਾਰੂਕ, ਡਾਕਟਰ ਜੁਨੈਦ, ਜਾਨੀ ਰੋਡੀਵਾਲ, ਸ਼ਰੀਫ ਬੋਸ਼ ਮੁਹਿਮੂਦ ਸੈਫੀ ਆਦਿ ਵੀ ਸਾਮਿਲ ਸਨ |

ਪਿਛਲੀ ਖ਼ਬਰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਹਥੋਆ ਦੇ ਵਿਦਿਆਰਥੀ ਹਿਆਨ ਅਲੀ ਖ਼ਾਨ ਨੇ ਬਾਕਸਿੰਗ 19 ਸਾਲਾਂ ਵਰਗ 'ਚ ਪੰਜਾਬ ਭਰ 'ਚੋਂ... ਅਗਲੀ ਖ਼ਬਰ ਜਸਵੀਰ ਰਾਣਾ ਦੀ ਕਥਾ-ਪੁਸਤਕ 'ਲਤੀਫ਼ੇ ਤੋਂ ਬਾਅਦ ਡਿੱਗਿਆ ਹੰਝੂ' ਲੋਕ ਅਰਪਣ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।